အာဆင်နယ်အသင်းနည်းပြ အာတီတာက လန်ဒန်ဒါဘီနိုင်ပွဲမှာ အလှည့်အပြောင်းတစ်ခုဖြစ်စေပြီး အသင်း၏ ယုံကြည်မှုကို မြှင့်တင်ပေးနိုင်မည်ဟု ယုံကြည်ကြောင်း ချယ်လ်ဆီးအသင်းအား အနိုင်ရသည့်ပွဲအပြီးတွင် ပြောကြားခဲ့သည်။
အနောက်မြောက်လန်ဒန်ဒါဘီပြိုင်ဘက် အာဆင်နယ်နှင့် ချယ်လ်ဆီးအသင်းသည် Boxing Day ပွဲစဉ်အဖြစ် စနေနေ့က ယှဉ်ပြိုင်ကစားရာ ခုနစ်ပွဲဆက် နိုင်ပွဲပျောက်နေသည့် အာဆင်နယ်အသင်းက အိမ်ကွင်း၌ (၃-၁) ဂိုးဖြင့် ဂိုးပြတ်အနိုင်ယူပြီး အောက်တိုဘာနောက်ပိုင်း ပထမဆုံး နိုင်ပွဲပြန်လည်ရရှိခဲ့သည်။ အာဆင်နယ်အသင်းအနေဖြင့် ယခုနိုင်ပွဲကြောင့် တန်းဆင်းဇုန်နှင့် ခြောက်မှတ်ပြန်လည်ကွာဟသွားပြီဖြစ်ရာ အာတီတာအတွက်လည်း ဖိအားအနည်းငယ် သက်သာခဲ့ရသည်။
"ဒါက ကျွန်တော်တို့အတွက် တကယ်ကြီးကျယ်တဲ့ နိုင်ပွဲပါ။ ရလဒ်ဆိုးတွေကြောင့် ကျွန်တော်တို့ တကယ်ပဲ စိတ်ပျက်ဝမ်းနည်းခဲ့ရပြီး ပရိသတ်တွေနဲ့ ကစားသမားတွေလည်း ထိခိုက်ခံစားခဲ့ရပါတယ်။ ဒီနေ့ကတော့ တကယ်ထူးခြားတဲ့နေ့ပါ။ Boxing Day မှာ လန်ဒန်ဒါဘီပွဲကို အီမရိတ်စ် မှာ ကစားခွင့်ရပြီး အနိုင်ရအောင် လုပ်နိုင်ခဲ့တာထက် ပိုကောင်းတာမရှိ ပါဘူး။ ဒါက အလှည့်အပြောင်းတစ်ခုဖြစ်ပြီးတော့ အသင်းရဲ့ယုံကြည်မှုကို မြှင့်တင်ပေးနိုင်မယ်လို့ မျှော်လင့်ပါတယ်" ဟု အာတီတာက ပြောကြားခဲ့သည်။
အဝေးကွင်းသုံးပွဲဆက် ရှုံးပွဲကြုံတွေ့ခဲ့သည့် ချယ်လ်ဆီးအသင်းနည်းပြ လမ်းပတ်ကမူ "ကျွန်တော် စိတ်ဆိုးပါတယ်။ ပထမပိုင်းမှာ ပွဲကိုချဉ်းကပ်တဲ့ ပုံစံအတွက် ကျွန်တော် အရမ်းစိတ်ပျက်မိပါတယ်။ ဒါက နည်းဗျူဟာကြောင့် မဟုတ်သလို စနစ်ကြောင့်လည်း မဟုတ်ပါဘူး။ ပြေးချင်တယ်ဆိုရင် အသင်းဖော်ကို နောက်မှာချန်ထားပြီး ပြေးသွားလို့ရပါတယ်။ ဒါမှမဟုတ် ခပ်ရွရွပဲ ပြေးချင်တယ်ဆိုရင်တော့ ငါပြေးစရာမလိုဘူးလို့ပဲ ပြောလိုက်ပါ။ အဲဒီအခါ ကျရင် သင့်တော်တဲ့တစ်ယောက်နဲ့ အစားထိုးဖို့ ဆုံးဖြတ်လိုက်မှာပါ" ဟု ဝေဖန်ပြစ်တင်ခဲ့သည်။
-
ဒါဘီနိုင်ပွဲမှာ အလှည့်အပြောင်းဖြစ်ပြီး ယုံကြည်မှုမြှင့်တင်နိုင်ရန် မျှော်လင့်ကြောင်း အာတီတာ ပြောကြား
-
မန်ယူအသင်းအတွက် ပရီးမီးယားလိဂ်ဂိုး ၅၀ ပြည့်သူများအနက် တတိယအသက်အငယ်ဆုံးအဖြစ် ရပ်ရှ်ဖို့ဒ် မှတ်တမ်းဝင်
-
ရီးယဲလ်အသင်းကွင်းလယ်လူ မိုဒရစ် တစ်နှစ်သက်တမ်းတိုးရန် မူအားဖြင့် သဘောတူညီမှုရ
-
၂၀၂၀ ပြည့်နှစ်အတွင်း ရလဒ်အကောင်းဆုံး စီးရီးအေကလပ်အဖြစ် အေစီမီလန်အသင်း ရပ်တည်
-
တီမိုဗာနာနှင့် လန်ဒန်မြို့မှ လေလွင့်ခဲ့သော ငွေကြေးများ
