အာဆင်နယ်နောက်ခံကစားသမားဟောင်း ဂါးလက်စ်က အာဆင်နယ်အသင်းအနေဖြင့် ပရီးမီးယားလိဂ်ချန်ပီယံဆု ရယူလိုပါက ဟာဗက်ဇ်၏နေရာတွင် အိုဆင်မန်ဖြင့်အစားထိုးရန်လိုကြောင်း တိုက်တွန်းခဲ့သည်။
အာဆင်နယ်နည်းပြ အာတီတာသည် ၂၀၂၃ နွေတွင် ထိပ်တန်းတိုက်စစ်မှူး ခေါ်ယူခြင်းမရှိဘဲ ချယ်လ်ဆီးမှ ဟာဗက်ဇ်ကို ခေါ်ယူခဲ့ခြင်းအတွက် ဝေဖန်ခံခဲ့ရသည်။
ဟာဗက်ဇ်သည် အာဆင်နယ်ကစားသမားဘဝ အစပိုင်းတွင် ဝေဖန်မှုများနှင့်ရင်ဆိုင်ခဲ့ရသော်လည်း အာဆင်နယ်အသင်း၏ အဓိကတိုက်စစ်မှူးဖြစ်လာခဲ့ပြီး ပြိုင်ပွဲစုံ (၆၉)ပွဲတွင် (၂၂) ဂိုးသွင်းယူထားသည်။
၎င်းသည် ယခုရာသီ ပရီးမီးယားလိဂ်ပွဲစဉ် (၇)ပွဲအပြီးတွင် (၄)ဂိုး သွင်းယူနိုင်ခဲ့သော်လည်း နောက်ဆုံး(၄) ပွဲတွင် ဂိုးသွင်းနိုင်ခဲ့ခြင်းမရှိပေ။
ဂါးလက်စ်က ''ဟာဗက်ဇ်က အာဆင်နယ်ကို ပရီးမီးယားလိဂ်ဖလား ရယူပေးမယ့်သူ မဟုတ်ပါဘူး။ သူက ထိပ်တန်းကမ္ဘာ့အဆင့်လည်း မဟုတ်ဘူး။ အာဆင်နယ်က ဟာဗက်ဇ်ရဲ့နေရာမှာ အစားထိုးဖို့ တိုက်စစ်မှူးလိုနေတာပါ။ အိုဆင်မန်က ပရီးမီးယားလိဂ်မှာ ကစားဖို့လိုပြီး အာဆင်နယ်မှာ ခြေစွမ်းပြနိုင်မယ်ထင်တယ်။ အာဆင်နယ်လိုနေတာ အိုဆင်မန်လို တိုက်စစ်မှူးပါ''ဟု ဆိုခဲ့သည်။
အိုဆင်မန်သည် ဂါလာတာစာရေးတွင် အငှားကစားနေပြီး နာပိုလီက ၎င်းကို ရောင်းထုတ်ရန်အသင့်ရှိနေကြောင်း သိရသည်။
-
တရားမဝင် ဝင်ရောက်လာသည့် နိုင်ငံခြားသားများအား ဥပဒေနှင့်အညီ အမြန်ဆုံးအရေးယူ ပြည်နှင်လွှဲပြောင်းမှုကြီးကြပ်ရေးလုပ်ငန်းကော်မတီနှင့် နိုင်ငံခြားသံရုံးများမှ သံရုံးအကြီးအကဲများ၊ သံတမန်များ တွေ့ဆုံဆွေးနွေး
-
ဆန်းချက်ဇ်အနေဖြင့် ပွဲထွက်ကစားရန် အသင့်မဖြစ်သေးကြောင်း ကွန်တီ ပြောကြား
-
လူငယ်များအတွက် အတုယူစရာကစားသမားမဟုတ်သော်လည်း နေမာကို ဘာပေထက် ပိုကြိုက်ကြောင်း ဒဲလ်ဘော့စကေး ပြောကြား
-
လူမှုကွန်ရက် စာမျက်နှာပေါ်တွင် ငွေစက္ကူအတုများ ဝယ်ယူရရှိနိုင်ကြောင်း ပြောဆို၍ ငွေစက္ကူအတု ဝယ်ယူလိုသူများထံမှ ငွေကြေးလိမ်လည်ရယူခဲ့သူအား ဖမ်းဆီးရမိ
-
ငွေထုတ်ငွေသွင်းကိစ္စနှင့် ဘဏ်စနစ်၏ အကျပ်အတည်းဖြစ်နေဆဲ အနေအထားများ
