ရီးယဲလ်မက်ဒရစ်နှင့် စပိန်လက်ရွေးစင်အသင်းနည်းပြဟောင်း ဒဲလ်ဘော့စကေးက နေမာမှာ လူငယ်ကစားသမားများအတွက် အတုယူစရာကောင်းသည့် ကစားသမားမဟုတ်သော်လည်း မိမိအနေဖြင့် နေမာကို ဘာပေထက် ပိုကြိုက်ကြောင်း ပြောကြားခဲ့သည်။
ရီးယဲလ်မက်ဒရစ်နှင့် စပိန်လက်ရွေးစင်အသင်းနည်းပြဟောင်း ဒဲလ်ဘော့စကေးက နေမာမှာ လူငယ်ကစားသမားများအတွက် အတုယူစရာကောင်းသည့် ကစားသမားမဟုတ်သော်လည်း မိမိအနေဖြင့် နေမာကို ဘာပေထက် ပိုကြိုက်ကြောင်း ပြောကြားခဲ့သည်။
နေမာသည် ပြီးခဲ့သည့်နွေရာသီအပြောင်းအရွှေ့ကာလတွင် PSG အသင်းမှထွက်ခွာရန် ကြိုးစားခဲ့သဖြင့် အသင်းနှင့် ပြဿနာများဖြစ်ခဲ့ပြီး ရာသီအစပြိုင်ပွဲစုံ ပွဲစဉ်(၅)ပွဲကို လွဲချော်ခဲ့သည်။ ထို့ပြင် နေမာ၏ ကွင်းအတွင်း အပြုအမူများနှင့် ကွင်းပြင်ပနေထိုင်မှုများမှာလည်း မေးခွန်းထုတ်စရာ ဖြစ်ခဲ့သည်။
ထို့ကြောင့် နေမာမှာ လူငယ်များအတွက် စံပြကစားသမားမဟုတ်ဟု မီဒီယာများကဖော်ပြခဲ့ကြပြီး ဒဲလ်ဘော့စကေးကလည်း နေမာမှာ မလုပ်သင့်သည်များကို ပြုလုပ်ခဲ့သော်လည်း ၄င်း၏ဘောလုံးစွမ်းရည်မှာ အလွန်ကောင်းကြောင်း ပြောဆိုခဲ့ခြင်းဖြစ်သည်။
ဒဲလ်ဘော့စကေးက '' နေမာနဲ့ ဘာပေတို့ထဲက ဘယ်သူ့ကို ရွေးမလဲလို့ မေးလာမယ်ဆိုရင်တော့ ကျွန်တော်ကတော့ အခုအချိန်အထိနေမာကိုပဲ ပိုကြိုက်ပါတယ်။ သူ့အနေနဲ့ မလုပ်သင့်တာတွေ လုပ်ခဲ့တာတွေရှိပါတယ်။ သူက လူငယ်ကစားသမားတွေအတွက်တော့ အတုယူစရာကောင်းတဲ့ ကစားသမားတော့ မဟုတ်ပါဘူး။ ဒါပေမဲ့ နေမာဟာ ဘောလုံးစွမ်းရည်အလွန်ကောင်းမွန်တဲ့ကစားသမားဖြစ်ပါတယ်။ ဘာပေကလည်း စီရော်နယ်လ်ဒို၊ မက်ဆီတို့ရဲ့အရိုက်အရာကို ဆက်ခံနိုင်တဲ့ စွမ်းရည်ရှိသူပါ။ ဒါပေမဲ့ အဲဒီလိုလုပ်နိုင်ဖို့အတွက် ဘာပေအနေနဲ့ လိုအပ်မှုတွေရှိသေးတယ်လို့ ကျွန်တော်ထင်ပါတယ်။ ပြောရရင်တော့ ဘာပေဟာ ရီးယဲလ်မက်ဒရစ်တောင်ပံကစားသမား ဗင်နီစီယပ်စ်နဲ့တောင် နည်းနည်းတူတယ်လို့ ဆိုနိုင်ပါတယ်'' ဟုပြောကြားခဲ့သည်။
ထို့ပြင် ဒဲလ်ဘော့စကေးက ၂၀၁၉ FIFA The Best ဆုကို မက်ဆီရရှိခဲ့သည့်အတွက် ဝမ်းသာကြောင်းနှင့် မက်ဆီမှာ မိမိအတွက် ထာဝရအကောင်းဆုံးကစားသမားဖြစ်ကြောင်းလည်း ပြောကြားခဲ့သည်။
-
မန္တလေးတိုင်းဒေသကြီး စဉ့်ကိုင်မြို့နယ်အတွင်းရှိ ဖလံဗိုလ်ကျေးရွာ၌ နိုင်ငံတော်က ပေးအပ်သည့် ထောက်ပံ့ငွေပေးရာတွင် ပွင့်လင်းမြင်သာမှုမရှိဟုဆိုကာ လူစုလူဝေးဖြစ်ပေါ်
-
ချောင်းဦးမြို့တွင် အခြေခံလူတန်းစား ထောက်ပံ့ငွေ တန်းတူရရှိရေးအတွက် ဒေသခံ ၂၉ ဦး ဆန္ဒထုတ်ဖော် တောင်းဆို
-
ရွေးကောက်ပွဲ မဲဆွယ်သည့်ကာလက လူစုလူဝေး ပြုလုပ်ခဲ့မှုအပါအဝင် ကိုဗစ်ထောက်ပံ့ကြေးပေး၍ မဲဆွယ်သည် ဟုဆိုကာ နတ်မောက်မြို့တွင် ဆန္ဒပြ
-
COVID-19 လူနာသစ် ၁၅၉၂ ဦးတွေ့ရှိပြီး သေဆုံးသူ ၂၅ ဦးထပ်တိုး
-
ရန်ကုန်ဆေးရုံကြီးသို့ နယ်မှလာရောက်ဆေးကုသသည့် လူနာနှင့် လူနာစောင့်အချို့ နေရပ်ပြန်ရန် အခက်အခဲရှိသဖြင့် ပြန်လည်ပြသမည့်ရက်မတိုင်မီ ဆေးရုံပြင်ပ၌ ညအိပ်စောင့်ဆိုင်းမှုများရှိနေ
