အာဆင်နယ်အသင်းသည် အင်္ဂလန်တိုက်စစ်ကစားသမား ဆာကာကို တစ်ပတ်လုပ်ခ ပေါင်(၂) သိန်းနှုန်းဖြင့် သက်တမ်းတိုးစာချုပ် ချုပ်ဆိုရန် သဘောတူညီမှုရရှိခဲ့ပြီဖြစ်ကြောင်း နာမည်ကျော် ဗြိတိန်ဘောလုံးဂျာနယ်လစ် ဒေးဗစ်အွန်စတိန်းက ကြာသပတေးနေ့တွင် ဖော်ပြခဲ့သည်။
ဆာကာ(၂၁ နှစ်)သည် ယခုရာသီတွင် ပရီးမီးယားလိဂ်အမှတ်ပေးဇယားကို ဦးဆောင်နေသည့် အာဆင်နယ်အသင်း၏ အဓိကကစားသမားအဖြစ် ခြေစွမ်းပြနေသူဖြစ်ပြီး ပရီးမီးယားလိဂ်၌ (၉)ဂိုး၊ ပြိုင် ပွဲစုံ၌ (၁၀)ဂိုး သွင်းယူထားသည်။
၎င်း၏ စာချုပ်သက်တမ်းမှာ ၂၀၂၄ ခုနှစ်တွင် ကုန်ဆုံးမည်ဖြစ်ပြီး ခေါ်ယူလိုသည့် ပြိုင်ဘက်အသင်းများ ရှိလာသောကြောင့် အာဆင်နယ်အသင်းက သက်တမ်းတိုးရန် ကြိုးပမ်းခဲ့ရာ မူအားဖြင့် သဘောတူညီမှုရရှိခဲ့ပြီဖြစ်ကြောင်း ဒေးဗစ်အွန်စတိန်းက ဖော်ပြခဲ့သည်။
ဆာကာသည် မူလက အာဆင်နယ်အသင်းတွင် တစ်ပတ်ပေါင် (၃၀၀၀၀) ဝန်းကျင်သာ ရရှိနေသူဖြစ်ပြီး ယခုအခါ တစ်ပတ်ပေါင်(၂၀၀၀၀၀)ရရှိမည်ဖြစ်သည့်အတွက် လစာနှုန်းထားမှာ (၇)ဆခန့် မြင့်တက်လာခဲ့ခြင်းဖြစ်ကြောင်း သိရသည်။
အာဆင်နယ်အသင်းသည် ဆာကာကို (၅)နှစ်သက်တမ်းရှိသည့် စာချုပ်သစ်ချုပ်ဆိုရန် သဘောတူညီမှုရရှိခဲ့ခြင်းဖြစ်ပြီး လစာနှုန်းထားအသစ်အရ တစ်နှစ်လျှင် ပေါင်(၁၀)သန်းကျော် ပေးချေရမည်ဖြစ်သောကြောင့် ဆာကာ၏ စာချုပ်သစ်မှာ ပေါင်သန်း (၅၀)ကျော်ရှိမည်ဖြစ်ကြောင်းလည်း ဗြိတိန်မီဒီယာအချို့က ရေးသားဖော်ပြခဲ့သည်။
ဆာကာသည် အသက်(၇)နှစ်ကတည်းက အာဆင်နယ်လူငယ်အသင်းသို့ ရောက်ရှိခဲ့သူဖြစ်ပြီး လက်ရှိတွင် ပွဲပေါင်း(၁၆၀)ကျော် ကစားပေးထားသည်။ ၎င်းသည် အာဆင်နယ်အကောင်းဆုံးကစားသမားဆုကို နောက်ဆုံး(၂)ရာသီဆက် ရရှိခဲ့သည်။
-
မြန်မာ့လက်ရွေးစင်အသင်း၏ နိုင်ငံတကာပြိုင်ပွဲများအတွက် ပြင်ဆင်မှုများကို COVID-19 ဒုတိယလှိုင်းမတိုင်မီကတည်းက စီစဉ်ရေးဆွဲထား
-
၂၀၂၂ ကမ္ဘာ့ဖလားခြေစစ်ပွဲ(တောင်အမေရိကဇုန်) ပွဲစဉ်များ ပွဲကြိုသုံးသပ်ချက်
-
အသက်အရွယ်ပြဿနာမှာ အမြန်နှုန်းနှင့် ကြံ့ခိုင်မှုဖြစ်ပြီး စီရော်နယ်လ်ဒိုအတွက် ပြဿနာမရှိသဖြင့် နှစ်များစွာ ဂိုးသွင်းဦးမည်ဟု ဖီဂို သုံးသပ်
-
စာချုပ်သစ်ချုပ်ဆိုရန် နီးစပ်နေပြီး အေးဂျင့်မပါဘဲ ကိုယ်တိုင်ဆွေးနွေးနေခြင်းဖြစ်ကြောင်း ဒီဘရိုင်းနား အတည်ပြု
-
ပြောင်းရွှေ့ကြေးနှင့် ထိုက်တန်ကြောင်း သက်သေပြသွားမည်ဟု လူးကပ်စ်ဟာနန်ဒက်ဇ် ဆို
