မန်စီးတီးကွင်းလယ်လူ ဒီဘ ရိုင်းနားသည် မန်စီးတီးအသင်းနှင့် စာချုပ်သစ်ချုပ်ဆိုရန် နီးစပ်နေပြီဟု အတည်ပြုခဲ့ပြီး ထိုသို့ဆွေးနွေးရာတွင် အေးဂျင့်နှင့် ရှေ့နေများမပါဝင်ဘဲ ကိုယ်တိုင်ဆွေးနွေးနေခြင်းဖြစ်သည်ဟု ဝန်ခံခဲ့သည်။ ဒီဘရိုင်းနားသည် လက်ရှိ တွင် အေးဂျင့်လက်မဲ့ဖြစ်နေသူဖြစ်ပြီး ၎င်း၏အေးဂျင့်ဖြစ်သူ ဒယ်ကော့စတာသည် ငွေကြေးခဝါချမှု၊ စာရွက်စာတမ်းအတုများ ပြုလုပ်မှုစွပ်စွဲချက်များဖြင့် ဘယ်လ်ဂျီယံအစိုးရ၏ ဖမ်းဆီးထိန်းသိမ်းခြင်းခံထားရသည်။
\
အသက်(၂၈)နှစ်အရွယ် ဒီဘရိုင်းနားသည် မန်စီးတီးအသင်းနှင့် ၂၀၁၈ ခုနှစ်က စာချုပ်သက်တမ်းတိုး ထားခဲ့သူဖြစ်ပြီး ၎င်း၏ လက်ရှိစာချုပ် မှာ ၂၀၂၃ ခုနှစ်တွင် သက်တမ်းကုန်ဆုံးမည်ဖြစ်သည်။
ဒီဘရိုင်းနားက ''ကျွန်တော် မန် ချက်စတာမှာ ပျော်နေပါတယ်။ ကျွန် တော်ဟာ အသင်းကောင်းတစ်သင်း မှာ ရှိနေတယ်။ ပိုင်ရှင်ကောင်းတွေ လက်အောက်မှာ ရှိနေတယ်။ ကျွန် တော်တို့ စာချုပ်သက်တမ်းတိုးမဲ့အ ကြောင်း အများကြီးဆွေးနွေးထားပါ တယ်။ ပြီးမြောက်ဖို့တော့ လိုပါသေး တယ်''ဟု ဘယ်လ်ဂျီယံ Het Laatste Nieuws သို့ ပြောကြားခဲ့သည်။ ထို့ နောက် အေးဂျင့်မရှိဘဲ မည်ကဲ့သို့ ဆွေးနွေးနေသနည်းဟု မေးမြန်းရာ တွင် ဒီဘရိုင်းနားက ''အခု ကျွန်တော် ကိုယ်တိုင် လုပ်နေတာပါ။ ကျွန်တော် က မန်စီးတီးမှာ ဆက်နေချင်တယ်ဆိုတော့ ဒါကသိပ်ခက်ခဲတဲ့ အခြေအနေတော့ မဟုတ်ဘူး။ ကျွန်တော်က ဒီအသင်းမှာ ဆက်မရှိချင်ဘူးဆိုရင်တော့ ကြားခံတစ်စုံတစ်ဦးလိုတာပေါ့''ဟု ဆိုခဲ့သည်။
-
အာဖရိကတွင် ဗိုင်းရပ်စ်တိုက်ဖျက်နိုင်ရေးအတွက် အီသီယိုးပီးယားဝန်ကြီးချုပ်က ဂျီ ၂၀ ခေါင်းဆောင်များထံ အကူအညီတောင်း
-
အိန္ဒိယက ဗိုင်းရပ်စ်ပျံ့နှံ့မှုတိုက်ဖျက်ရေးကို အရှိန်မြှင့်ရန် ပြည်တွင်းလေကြောင်းခရီးစဉ်အားလုံး ရပ်ဆိုင်းမည်
-
ထိုင်းတွင် ဗိုင်းရပ်စ်တိုက်ဖျက်ရန် တစ်လကြာ အရေးပေါ်အခြေအနေကြေညာမည်
-
အင်ဒိုနီးရှားတွင် တစ်ရက်အတွင်း ကူးစက်မှုသစ် အများဆုံးဖြစ်ပွားခဲ့ပြီး ကူးစက်မှုစုစုပေါင်း ၇၀၀ နီးပါးရှိလာ
-
ဖိလစ်ပိုင်တွင် COVID- 19 ကူးစက်မှုသစ် ၃၉ မှု ဖြစ်ပွားခဲ့ပြီး ကူးစက်မှုစုစုပေါင်း ၅၀၀ ကျော် ရှိလာ
