ဘာစီလိုနာအသင်းနည်းပြ ဇာဗီက နူးကမ့်မှာ မက်ဆီ၏အိမ်ဖြစ်ပြီး ၎င်းအတွက် အမြဲတမ်း တံခါးဖွင့်ထားသည်ဟု ပြောကြားခဲ့သည်။
မက်ဆီ (၃၅ နှစ်)နှင့် PSG အသင်း၏စာချုပ်မှာ ယခုရာသီကုန်တွင် ကုန်ဆုံးတော့မည်ဖြစ်ပြီး မကြာသေးမီက ဘာစီလိုနာအသင်းဥက္ကဋ္ဌ လာပေါ်တာနှင့် မက်ဆီ၏ ဖခင်ဖြစ်သူ ဟော်ဟဲမက်ဆီတို့ တွေ့ဆုံခဲ့ကြောင်း စပိန်သတင်းဌာနများက ယခုရက်ပိုင်းအတွင်း ဖော်ပြလျက်ရှိသည်။
ဘာစီလိုနာအသင်းသို့ မက်ဆီ တစ်ကျော့ပြန် ရောက်ရှိလာနိုင်သည့် သတင်း များနှင့်ပတ်သက်၍ ဇာဗီက "ဒါက သူ့ ရဲ့အိမ်ပါ။ သူ့အတွက် တံခါးက အမြဲတမ်းဖွင့်ထားပါတယ်။ သူက ကျွန်တော့် မိတ်ဆွေပါ။ ကျွန်တော်တို့ အမြဲ တမ်း အဆက်အသွယ်ရှိပါတယ်။ အဲဒါက သူ့အနေနဲ့ အနာဂတ်မှာ ဘာကိုလိုချင်လဲဆိုတာနဲ့ အသင်းက အဲဒီအပေါ်မှာ ဘယ်လိုရှုမြင်လဲဆိုတဲ့အပေါ် မူတည်ပါတယ်"ဟု ဆိုခဲ့သည်။
မက်ဆီသည် ဘာစီလိုနာအသင်း၏ လာမာစီယာအကယ်ဒမီထွက် ကစားသမားဖြစ်ပြီး စီနီယာအသင်းအတွက် (၁၇) ရာသီကြာ ကစားပြီးနောက် ၂၀၂၁ ခုနှစ် နွေရာသီတွင် PSG အသင်းသို့ ပြောင်းရွှေ့သွားခြင်းဖြစ်သည်။
သူသည် ဘာစီလိုနာအသင်းအတွက် ပွဲအများဆုံး (၇၇၈ ပွဲ)နှင့် ဂိုးအများဆုံး (၆၇၂ ဂိုး) အဖြစ် စံချိန်တင်ထားသည့် ကစားသမားလည်း ဖြစ်သည်။
-
■ ချန်ပီယံလိဂ် ပွဲစဉ်-၅ (ပထမနေ့) ပွဲကြိုသုံးသပ်ချက်
-
■ ချန်ပီယံလိဂ်ရှုံးထွက်အဆင့်သို့ တိုက်ရိုက်တက်ရောက်ခွင့်ရရှိလိုသည်ဟု အာဆင်နယ်ဂိုးသမား ဒေးဗစ်ရာယာ ပြောကြား
-
■ အသင်းနည်းပြ ရာထူးမှထုတ်ပယ်ခံရချိန်တွင် ပါတီအတွက် ကိုပင်ဟေဂင်ရောက်နေသည့် ကစားသမားများကို လက်စတာပရိသတ်များ ဒေါသထွက်နေ
-
လီဗာပူးလ်အသင်းမှ စာချုပ်သစ်ကိစ္စ နှောင့်နှေးနေခြင်းအပေါ် မီဒီယာများသို့ ပြောကြားခဲ့သည့် ဆာလာအား တစ်ကိုယ်ကောင်းဆန်သူဟု ကာရေဂါ ပြစ်တင်ဝေဖန်
-
အသင်းဖော် မူဆီယာလာမှာ ကမ္ဘာ့အကောင်းဆုံးကစားသမားတစ်ယောက် ဖြစ်လာနိုင်သည်ဟု ဟာရီကိန်း သုံးသပ်
