ဖျာပုံ ပင်လယ်ပြင်ရှိ ကျားဖောင်များထံသို့ လူကုန်ကူး ရောင်းချခံရသည့် ဒဂုံတက္ကသိုလ် နောက်ဆုံးနှစ် ကျောင်းသားအား နှိပ်စက်မှုဖြင့် အဖမ်းခံရသည့် ကျားဖောင်ဦးစီး ကျော်အောင်သည် ဒီဇင်ဘာ ၈ ရက်၌ ကျောက်တံတားမြို့မရဲစခန်းရှိ အချုပ်အတွင်း ဦးနှောက်သွေးကြောပေါက်၍ သေဆုံးခဲ့ကြောင်း ရဲတပ်ဖွဲ့ထံမှ စုံစမ်းသိရသည်။
'' ဟုတ်ပါတယ်။ ၈ ရက်နေ့က ဆုံးသွားတာပါ။ သွေးတိုး ပြီးတော့ ဦးနှောက်သွေးကြော ပေါက်သွားတာပါ။ ဖောင်ဦးစီး ကျော်အောင်ပါ'' ဟု ကျောက်တံတားမြို့မရဲစခန်းမှ တာဝန်ကျ ရဲအရာရှိတစ်ဦးက ပြောကြားသည်။
ယခု အချုပ်အတွင်း သေဆုံးခဲ့သည့် ကျားဖောင်ဦးစီး ကျော်အောင်သည် အောက်တိုဘာလတွင် လူကုန်ကူးခြင်း ခံခဲ့ရသည့် ဒဂုံတက္ကသိုလ် နောက်ဆုံးနှစ်ကျောင်းသား မြတ်သူရထွန်းအား ကျားဖောင်ပေါ်၌ နှိပ်စက်ခဲ့မှုဖြင့် ရဲတပ်ဖွဲ့က နိုဝင်ဘာလကုန်ပိုင်းတွင် ဖမ်းဆီးခြင်း ဖြစ်သည်။
မြတ်သူရထွန်း လူကုန်ကူးခံရသည့်ဖြစ်စဉ်အား လူကုန်ကူးမှုတားဆီးနှိမ်နင်းရေးရဲတပ်ဖွဲ့က ကျောက်တံတားမြို့မရဲစခန်း အပါအဝင် သက်ဆိုင်ရာ ရဲစခန်းများ၌ အမှုဖွင့်ထားပြီး အချုပ်တွင်း သေဆုံးခဲ့သူ ဖောင်ဦးစီး ကျော်အောင်နှင့် လူကုန်ကူးပွဲစား ဗလကြီးတို့သည် ကနဦး ရဲတပ်ဖွဲ့ ဖမ်းဆီးရမိခဲ့သူများ ဖြစ်သည်။
လက်ရှိတွင် အဆိုပါ လူကုန်ကူးမှုဖြစ်စဉ်တွင် ပါဝင်ပတ်သတ်သူများအနက် ၁၉ ဦးကို ဖမ်းဆီးရမိထားကြောင်း သိရပြီး ၎င်းတို့အား ဒီဇင်ဘာ ၂၀ ရက်တွင် အနောက်ပိုင်းခရိုင်တရားရုံး၌ ရုံးထုတ်စစ်ဆေးမည် ဖြစ်ကြောင်း သိရသည်။
-
ရုရှား၏ ဒုံးကျည်တိုက်ခိုက်မှုအပြီး နေတိုးနှင့် ယူကရိန်းတို့ အရေးပေါ်ဆွေးနွေးပွဲပြုလုပ်မည်
-
၂၀၂၅-၂၆ ရာသီ ပရီးမီးယားလိဂ်ပြိုင်ပွဲ ကျင်းပမည့်နေ့ရက်ကို အတည်ပြုကြေညာ
-
ပြိုင်ပွဲစုံ(၅)ပွဲဆက်တိုက် ရှုံးနိမ့်ခဲ့ပြီးနောက် လီဗာပူးလ်ကို အန်ဖီးလ်ကွင်းတွင် ထပ်မံရှုံးနိမ့်ပါက ချန်ပီယံမျှော်လင့်ချက် အဆုံးသတ်သွားနိုင်သည်ဟု ဂွါဒီယိုလာ ဝန်ခံ
-
လူကုန်ကူးခံရသည့် ဒဂုံတက္ကသိုလ်ကျောင်းသားအား နှိပ်စက်မှုဖြင့် အဖမ်းခံရသည့် ဖောင်ဦးစီး အချုပ်အတွင်း သေဆုံး
-
နိုင်ငံပိုင်ငွေကြေး ခိုင်မာစေရန်အတွက် ပြည်တွင်း၌ ကျပ်ငွေသုံးစွဲရန် ညွှန်ကြားချက်အား လိုက်နာဆောင်ရွက်ခြင်းမရှိပါက မည်သို့အရေးယူမည်ကို ပြည်သူလူထုထံအသိပေး၍ ပညာပေးကာလတစ်ခု သတ်မှတ်ပြီး အကောင်အထည်ဖော်မည်ဟု ဗဟိုဘဏ်ဒုတိယဥက္ကဋ္ဌ ပြောကြား
