ဂျူဗင်တပ်စ်အသင်းသည် လာမည့်ဇန်နဝါရီအပြောင်းအရွှေ့စျေးကွက်တွင် ဖီအိုရင်တီးနားတိုက်စစ်မှူး ဗလာဟိုဗစ်ကို ပေါင်သန်း (၅၀)ဖြင့် ကမ်းလှမ်းရန် စီစဉ်နေကြောင်း အီတလီသတင်းစာ Gazzetta dello Sport က ဖော်ပြခဲ့သည်။
အသက် (၂၁)နှစ်အရွယ်ရှိ ဆားဘီးယားလက်ရွေးစင်တိုက်စစ်မှူး ဗလာဟိုဗစ်သည် ယခုရာသီတွင် ဖီအိုရင်တီးနားအသင်းအတွက် ခြေစွမ်းပြကစားနေပြီး စီးရီးအေ (၁၃)ပွဲတွင် (၁၀)ဂိုးသွင်းကာ ဂိုးဖန်တီးမှု (၂)ကြိမ် ပြုလုပ်ထားသည်။
ဗလာဟိုဗစ်သည် ဖီအိုရင်တီးနားအသင်းနှင့် ၂၀၂၃ ဇွန် (၃၀)ရက်အထိ စာချုပ်သက်တမ်းရှိနေသူဖြစ်ပြီး အသင်းဘက်က စာချုပ်သက်တမ်းတိုးရန် ကမ်းလှမ်းမှုများကို ငြင်းပယ်ထားကြောင်း သိရသည်။
ထို့ ကြောင့် ဥရောပထိပ်တန်းအသင်းကြီးများသည် ဗလာဟိုဗစ်ကို ခေါ်ယူရန် စောင့်ကြည့်နေကြပြီး ဂျူဗင်တပ်စ်အသင်းက လက်ဦးမှုရယူရန် စီစဉ်နေခြင်းဖြစ်သည်။
Gazzetta dello Sport ၏ဖော်ပြမှုအရ ဂျူဗင်တပ်စ်အသင်းသည် လာမည့်ဇန်နဝါရီအပြောင်းအရွှေ့စျေး ကွက်တွင် ဗလာဟိုဗစ်ကို ခေါ်ယူရန်အတွက် ဖီအိုရင်တီးနားအသင်းထံ ပေါင်သန်း (၅၀)ဖြင့် ကမ်းလှမ်းသွားရန်စီစဉ်နေကြောင်း သိရှိရသည်။
သို့ သော် ဖီအိုရင်တီးနားအသင်းသည် ဗလာဟိုဗစ်အတွက် ပေါင်သန်း(၇၀) အထိ အလိုရှိနေကြောင်း သိရသည်။
ဗလာဟိုဗစ်ကိုခေါ်ယူရန် စပါး၊ မန်စီး တီးနှင့် နယူးကာဆယ်တို့ကလည်း စိတ်ဝင်စားနေကြောင်း သိရသည်။
-
လမ်းတံတား ဥပဒေပုဒ်မ ၂၂၊ ၂၃ ဖြင့် အမှုဖွင့် ဖမ်းဆီးခံထားရသည့် ဒေသခံများအမှုအား အာမခံ ပြင်ဆင်ချက် လျှောက်ထားမှု မန္တလေးခရိုင်တရားရုံးက ပယ်ချ
-
မန္တလေးအပြည်ပြည်ဆိုင်ရာလေဆိပ်၌ လေကြောင်းကုန်စည် ပို့ဆောင်မှုများ ပြုလုပ်ရန် တည်ဆောက်နေသည့် အအေးခန်းပါ လေဆိပ်ကုန်သိုလှောင်ရုံ (Cargo Terminal) တည်ဆောက်မှု ယခုနှစ်ကုန်တွင် ပြီးစီးမည်
-
စကားလုံးဝိ၀ါဒများ
-
မြစ်တွေကို လူတွေလိုသဘောထားပြီး ကာကွယ်စောင့်ရှောက်ကြပါ
-
လေလွင့်ငှက်၏ နားခိုရာ
