လေဗာကူဆင်အသင်း၏ ဂျာမန်လူငယ် ကွင်းလယ်ကြယ်ပွင့်ကစားသမား ဖလော်ရီယန်ဗက်ဇ်အား ခေါ်ယူလိုသည့် အသင်းများထဲတွင် မန်စီးတီးအသင်းက အခြားအသင်းများထက် အသာစီးရနေကြောင်း ဂျာမန်မီဒီယာများက ဖော်ပြနေကြသည်။
မန်စီးတီးအသင်းသည် အသက် (၂၁)နှစ်အရွယ်သာ ရှိသေးသည့် ဖလော်ရီယန်ဗက်ဇ်အား ရီးယဲလ်မက်ဒ ရစ်အပါအဝင် အခြားဥရောပထိပ် တန်းအသင်းကြီးများထက် လက်ဦးမှုရယူနိုင်ရန် ကြိုးပမ်းလျက်ရှိပြီး လေဗာကူဆင်အသင်းကလည်း ရောင်းထုတ်လိုနေကြောင်း သိရှိရသည်။
ဖလော်ရီယန်ဗက်ဇ်သည် ပြီးခဲ့သည့်ရာသီက လေဗာကူဆင်အသင်း၏ တစ်ရာသီလုံး ရှုံးပွဲမရှိ ချန်ပီယံခရီးလမ်းတွင် အဓိကကစားသမားတစ်ဦးအဖြစ် ပါဝင်ခဲ့သလို ယူရို-၂၀၂၄ ပြိုင်ပွဲတွင်လည်း ဂျာမနီအသင်းအတွက် ခြေစွမ်းပြ ကစားနိုင်ခဲ့သူဖြစ်သည်။
မန်စီးတီးအသင်း၏ နည်းပြဖြစ်သူ ဂွါဒီယိုလာက ဖလော်ရီယန်ဗက်ဇ်အား ပြီးပြည့်စုံသည့် ကွင်းလယ်ကစားသမားတစ်ဦးဟု တင်စားခဲ့ဖူးသလို လက်ရှိ မန်စီးတီးအသင်းတာဝန်ရှိသူများကလည်း အသင်း၏ အနာဂတ်အတွက် ဗက်ဇ်ကိုခေါ်ယူလိုနေခြင်း ဖြစ်သည်။
လက်ရှိအချိန်တွင် ဂျာမန်သတင်းစာများက ဖလော်ရီယန်ဗက်ဇ်ကိုယ်တိုင် ဂွါဒီယိုလာနှင့် ပူးပေါင်းလိုခြင်းက မန်စီးတီး၏ အားသာချက်ဖြစ် သည်ဟု သုံးသပ်နေကြသည်။
-
ယူကရိန်းက အမေရိကန်ပေးသော ATACMS ဒုံးကျည်များကို အသုံးပြုပြီး တစ်ရက်အကြာတွင် ဗြိတိန်ပေးသော Strom Shadow ခရုစ်ဒုံးကျည်များဖြင့် ရုရှားနယ်မြေကို တိုက်ခိုက်
-
တရုတ်နယ်စပ်လမ်းပိတ်မှုနှင့် သယ်ယူစရိတ်ကြီးမြင့်မှုကြောင့် စစ်ကိုင်းတိုင်းအထက်ပိုင်းနှင့် ကချင်ပြည်နယ်တွင် ကုန်သည်များ စပါးဝယ်ယူသိုလှောင်မှုမရှိဟုဆို
-
ANS (၆၃.၅ -၆၇) ကီလိုတန်း မြန်မာ့ရိုးရာလက်ဝှေ့ ချန်ပီယံခါးပတ်လုပွဲကို အောက်တိုဘာ ၁၅ ရက်တွင် ကျင်းပမည်ဖြစ်ပြီး ကစားသမား ၈ ဦး ဝင်ရောက်ယှဉ်ပြိုင်မည်
-
မကာအိုအသင်းနှင့် ယှဉ်ပြိုင်ရမည့် ၂၀၂၆ ကမ္ဘာ့ဖလား ပထမအဆင့်ခြေစစ်ပွဲအတွက် မြန်မာ့လက်ရွေးစင်အသင်း အောက်တိုဘာ ၅ တွင် လေ့ကျင့်မှု စတင်မည်
-
တရုတ်၏ပါ၀ါအပျော့ကို လှစ်ဟပြနေသည့် အီရတ်မှ တရုတ်ဘာသာစကားကျောင်း
