ပရီးမီးယားလိဂ်အဖွဲ့ချုပ်မှ သြဂုတ်လအတွက် ချီးမြှင့်မည့် တစ်လာတာ အကောင်းဆုံးဘောလုံးသမားဆု၊ နည်းပြဆုနှင့် သွင်းဂိုးဆု ရရှိသူများကို စက်တင်ဘာလ ၉ ရက် မြန်မာစံတော်ချိန် ည(၁၁)နာရီခွဲတွင် ကြေညာမည်ဖြစ်ကြောင်း သိရသည်။
စက်တင်ဘာ(၆)ရက်က ထုတ်ပြန်ခဲ့သည့် အကောင်းဆုံးဘောလုံးသမား ဆန်ခါတင်စာရင်းတွင် ပွတ်ကီ(နောဝစ်ချ်)၊ အဂွဲရိုး(မန်စီးတီး)၊ စတာလင်(မန်စီးတီး)၊ ဒီဘရိုင်းနား(မန်စီးတီး)၊ ဖေမီနို(လီဗာပူးလ်)၊ အက်ရှ်လေဘန်းစ်(ဘန်လေ) တို့ ပါဝင်လျက်ရှိသည်။
ပွတ်ကီသည် ပြီးခဲ့သည့်ရက်ပိုင်းက ပရော်ဖက်ရှင်နယ်ဘောလုံးသမားများအဖွဲ့အစည်း(PFA)မှချီးမြှင့်သော ပရိသတ်များ ရွေးချယ်သည့် တစ်လတာအကောင်းဆုံးဆုကိုလည်း ဆွတ်ခူးထားခဲ့သည်။
အကောင်းဆုံးနည်းပြဆု ဆန်ခါတင်စာရင်း၌ ဂွါဒီယိုလာ(မန်စီးတီး)၊ ယာဂန်ကလော့ပ်(လီဗာပူးလ်)၊ ရွိုင်းဟော့ဒ်ဆန်(ပဲလေ့စ်)၊ ဘရန်ဒန်ရော်ဂျာ(လက်စတာ) တို့ ရွေးချယ်ခံရကြောင်း သိရသည်။
အကောင်းဆုံးသွင်းဂိုးဆုအတွက်မူ ပွတ်ကီ(နောဝစ်ချ် ၃-၁ နယူးကာဆယ်၊ သြဂုတ် ၁၇)၊ ဒူးဂလပ်စ်လူးဝစ်ဇ်(အက်စတွန်ဗီလာ ၁-၂ ဘုန်းမော်၊ သြဂုတ် ၁၇)၊ နေးဗက်စ်(ဝုလ်ဗ် ၁-၁ မန်ယူ၊ သြဂုတ် ၁၉)၊ ဟာဗေးဘန်းစ်(ရှက်ဖီးယူနိုက်တက် ၁-၂ လက်စတာ၊ သြဂုတ် ၂၄)၊ ဝီလ်ဆင်(ဘုန်းမောက် ၁-၃ မန်စီးတီး၊ သြဂုတ် ၂၅)၊ အက်ရှ်လေဘန်းစ် (ဝုလ်ဗ် ၁-၁ ဘန်လေ၊ သြဂုတ် ၂၅)၊ ဗာဒီ(လက်စတာ ၃-၁ ဘုန်းမောက်၊ သြဂုတ် ၃၁)၊ အဂွဲရိုး(မန်စီးတီး ၄-၀ ဘရိုက်တန်၊ သြဂုတ် ၃၁)တို့ ဆန်ခါတင်စာရင်းဝင်လျက်ရှိသည်။
တစ်လတာအကောင်းဆုံးဆုများအတွက် premierleague.com တွင် ဘောလုံးပရိသတ်များ ဝင်ရောက်မဲပေးနိုင်ကြောင်း သိရသည်။
-
ယူကရိန်းက အမေရိကန်ပေးသော ATACMS ဒုံးကျည်များကို အသုံးပြုပြီး တစ်ရက်အကြာတွင် ဗြိတိန်ပေးသော Strom Shadow ခရုစ်ဒုံးကျည်များဖြင့် ရုရှားနယ်မြေကို တိုက်ခိုက်
-
တရုတ်နယ်စပ်လမ်းပိတ်မှုနှင့် သယ်ယူစရိတ်ကြီးမြင့်မှုကြောင့် စစ်ကိုင်းတိုင်းအထက်ပိုင်းနှင့် ကချင်ပြည်နယ်တွင် ကုန်သည်များ စပါးဝယ်ယူသိုလှောင်မှုမရှိဟုဆို
-
ANS (၆၃.၅ -၆၇) ကီလိုတန်း မြန်မာ့ရိုးရာလက်ဝှေ့ ချန်ပီယံခါးပတ်လုပွဲကို အောက်တိုဘာ ၁၅ ရက်တွင် ကျင်းပမည်ဖြစ်ပြီး ကစားသမား ၈ ဦး ဝင်ရောက်ယှဉ်ပြိုင်မည်
-
မကာအိုအသင်းနှင့် ယှဉ်ပြိုင်ရမည့် ၂၀၂၆ ကမ္ဘာ့ဖလား ပထမအဆင့်ခြေစစ်ပွဲအတွက် မြန်မာ့လက်ရွေးစင်အသင်း အောက်တိုဘာ ၅ တွင် လေ့ကျင့်မှု စတင်မည်
-
တရုတ်၏ပါ၀ါအပျော့ကို လှစ်ဟပြနေသည့် အီရတ်မှ တရုတ်ဘာသာစကားကျောင်း
