Top News

ပေါ့ဘာကိုခေါ်ယူရန် နယူးကာဆယ်နှင့် ဝက်စ်ဟမ်း စိတ်ဝင်စား

24htopnews | November 21, 2024 8:12 PM CST

နယူးကာဆယ်နှင့် ဝက်စ်ဟမ်းအသင်းတို့သည် ဂျူဗင်တပ်စ်အသင်းနှင့်စာချုပ်ဖျက်သိမ်းပြီးနောက် အသင်းလက်မဲ့ဖြစ်နေသည့် ပြင်သစ်ကွင်းလယ်ကစားသမား ပေါ့ဘာအား ခေါ်ယူရန်အပြိုင်စိတ်ဝင်စားနေကြောင်း သိရသည်။

ပေါ့ဘာသည် ဆေးကျမှုကြောင့် (၄) နှစ်ပွဲပယ်ခံခဲ့ရပြီး အယူခံဝင်ခဲ့ရာ (၁၈) လသို့လျှော့ချခံရသဖြင့် ၂၀၂၅ မတ်လတွင် ပြန်ကစားနိုင်တော့မည်ဖြစ်သည်။

ဂျူဗင်တပ်စ်အသင်းသည် အသင်းနှင့် ၂၀၂၆ ခုနှစ်အထိ သက်တမ်းရှိနေသည့် ပေါ့ဘာ၏ စာချုပ်ကို နှစ်ဦးသဘောတူဖျက်သိမ်းခဲ့ခြင်းဖြစ်သည်။

လက်ရှိတွင် ပေါ့ဘာအား ခေါ်ယူရန် ပြင်သစ်၊ ဆော်ဒီနှင့် အမေရိကန်ကလပ်များက စိတ်ဝင်စားနေပြီး ပရီးမီးယားလိဂ်ကလပ် နယူးကာဆယ်နှင့် ဝက်စ်ဟမ်းတို့လည်း ပါဝင်လာခြင်းဖြစ်သည်။