မန်ယူအသင်းသည် PSG အသင်းတွင် ပုံမှန်နေရာရရန် ရုန်းကန်နေရသည့် ပြင်သစ်လက်ရွေးစင်တိုက်စစ်မှူး မူအာနီအား လာမည့်ဇန်နဝါရီအပြောင်းအရွှေ့ကာလတွင် အငှားဖြင့် ခေါ်ယူရန် စဉ်းစားနေကြောင်း သတင်းထွက်ပေါ်နေသည်။
မန်ယူအသင်းသည် ယခုရာသီတွင် ရုန်းကန်နေရပြီး အသင်းနည်းပြ တန်ဟက်ဂ်ကို ရာထူးမှထုတ်ပယ်ကာ စပို့တင်းလစ္စဘွန်းနည်းပြ အာမိုရင်မ်ကို အစားထိုးခန့်အပ်ခဲ့ရသည်။
မန်ယူအသင်းအနေဖြင့် လာမည့်ဇန်နဝါရီအပြောင်းအရွှေ့စျေးကွက်တွက် ငွေကြေးများစွာ အသုံးပြုဖွယ်မရှိသော်လည်း နည်းပြသစ် အာမိုရင်မ်အတွက် အသင်းတိုက်စစ်ပိုင်းကို အင်အားဖြည့်တင်းပေးရန် စီစဉ်နေကြောင်း သိရသည်။
ပြင်သစ်မီဒီယာများ၏ဖော်ပြမှုအရ မန်ယူအသင်းသည် ယခုအခါ PSG တိုက်စစ်မှူး မူအာနီအား အပြီးသတ်ခေါ်ယူခွင့် ပါဝင်သည့် အငှားစာချုပ်ဖြင့် ခေါ်ယူရန် စောင့်ကြည့်နေကြောင်း သိရသည်။
အသက် (၂၅) နှစ်အရွယ်ရှိ မူအာနီသည် ၂၀၂၃ နွေရာသီတွင် ဖရန့်ဖတ်အသင်းမှ PSG အသင်းသို့ Add-ons ကြေးများအပါအဝင် ယူရို (၈၅)သန်းဖြင့် ပြောင်းရွှေ့ခဲ့သူဖြစ်သည်။
၎င်းသည် PSG အသင်းတွင် ပုံမှန်နေရာရရန် ရုန်းကန်နေရပြီး ပြိုင်ပွဲစုံ (၅၂) ပွဲတွင် (၁၁) ဂိုးသာ သွင်းယူထားနိုင်သေးသည်။
PSG နည်းပြ အန်နရီကေးသည် မူအာနီအား ကြိုက်နှစ်သက်ခြင်းမရှိသဖြင့် လာမည့် ဇန်နဝါရီတွင် ၎င်းအား အငှားချထားဖွယ်ရှိနေကြောင်း သိရှိရသည်။
-
အာဆီယံအထူးကိုယ်စားလှယ်အဖြစ် မြန်မာနိုင်ငံသို့ လာရောက်ခဲ့သည့် ပရက်ဆော့ခွန်းအား ကမ္ဘောဒီးယား နိုင်ငံခြားရေး ဝန်ကြီးအဖြစ် ပြန်လည်ခန့်အပ်
-
လာအိုတွင် အရက်အဆိပ်သင့်ပြီး ပြည်ပခရီးသွားလေးဦး သေဆုံး
-
■ ထိုင်းနိုင်ငံ နခွန်ပထုန်ခရိုင်တွင် လမ်းဘေးဓာတ်တိုင်ကို ကားဝင်တိုက်ရာ ယာဉ်ပေါ်တွင် လိုက်ပါလာသည့် မြန်မာနိုင်ငံသား ခြောက်ဦး နှင့် ထိုင်းနိုင်ငံသား ယာဉ်မောင်းတစ်ဦးတို့ သေဆုံး
-
ကျိုက်ထိုမြို့နယ် သိမ်ဇရပ်မြို့၊ ဝါးဒက်ကွင်းကျေးရွာနေ အမျိုးသားတစ်ဦး သေနတ်ဖြင့် ပစ်သတ်ခံရကျိုက်ထို
-
ပေါ့ဘာကိုခေါ်ယူရန် နယူးကာဆယ်နှင့် ဝက်စ်ဟမ်း စိတ်ဝင်စား
