မွန်ပြည်နယ် ကျိုက်ထိုမြို့နယ် သိမ်ဇရပ်မြို့၊ ဝါးဒက်ကွင်းနေကျေးရွာနေ အမျိုးသားတစ်ဦး သေနတ်ဖြင့် ပစ်သတ်ခံခဲ့ရကြောင်း ဒေသခံများ၏ ပြောကြားချက်များအရ သိရသည်။
ပြီးခဲ့သည့် နိုဝင်ဘာ ၁၉ ရက်နေ့၊ ည ၁၀ နာရီအချိန်ခန့်က ဝါးဒက်ကွင်းကျေးရွာနေ အသက် ၄၀ နှစ်အရွယ်ခန့်ရှိ ဦးချစ်ကို ဆိုသူအား လက်နက်ကိုင်အဖွဲ့တစ်ဖွဲ့မှ ဖမ်းဆီးခေါ်ဆောင်သွားခြင်းဖြစ်ကြောင်း ဒေသခံတစ်ဦးက ပြောကြားသည်။
၎င်းကဆက်လက်ပြီး “ဦးချစ်ကို ရဲ့ ရုပ်အလောင်းကို နိုဝင်ဘာလ ၂၀ ရက်နေ့ မနက် ခုနစ်နာရီအလောက်မှာ ဝါးဒက်ကွင်းရွာထိပ်က ရော်ဘာခြံထဲမှာ ပြန်တွေ့ရတာပါ။ နဖူးကို သေနတ်နဲ့ အနီးကပ်ပစ်သတ်သွားတဲ့ ပုံစံမျိုး၊ နောက်စေ့ပါပွင့်ပြီး သေဆုံးနေတာပါ” ဟု ပြောကြားသည်။
ဦးချစ်ကိုမှာ ဝါးဒက်ကွင်းကျေးရွာတွင် ဆိုင်ကယ်ပြုပြင်ရေးဆိုင်ဖွင့်ထားသူဖြစ်ကြောင်းနှင့် ၎င်းအားမည်သည့်လက်နက်ကိုင်အဖွဲ့အစည်းက သတ်ဖြတ်သွားသည်ကို မသိရသေးကြောင်း ၎င်းဒေသခံက ဆိုသည်။
ပြီးခဲ့သည့် နိုဝင်ဘာ ၇ ရက်နေ့ည ခုနစ်နာရီအချိန်ခန့်ကလည်း သထုံမြို့နယ်ကျောက်တန်းကျေးရွာနေ ဦးစိုးလှိုင်ဆိုသူအား အမည်မသိ သေနတ်သမားများမှ သေနတ်ဖြင့် ပစ်ခတ်သွားသည့်အတွက်ကြောင့် ဦးစိုးလှိုင်တွင် ရင်ဘတ်၊ ဝမ်းဗိုက်နှင့် ဦးခေါင်း သေနတ်ဒဏ်ရာများဖြင့် သေဆုံးခဲ့ကြောင်း သိရသည်။
ယခုနှစ် ဇန်နဝါရီလမှ အောက်တိုဘာလအတွင်း မွန်ပြည်နယ်၌ လုပ်ကြံပစ်ခတ်သတ်ဖြတ်မှုများကြောင့် ၆၀ ဦးထက်မနည်း သေဆုံးခဲ့ပြီး၊ ၁၀ ဦးထက်မနည်း ထိခိုက်ဒဏ်ရာရရှိခဲ့သည်။
-
ထိုင်းနိုင်ငံတွင် ကွန်ဒိုဝယ်ယူမှု ယခုနှစ် ကိုးလတာကာလအတွင်း တရုတ်ပြီးလျှင် မြန်မာနိုင်ငံက ဒုတိယနေရာတွင် ရှိနေ
-
ကချင်ပြည်နယ်တွင် တရုတ်-မြန်မာနယ်စပ်ဂိတ်ရှိသည့် ကန်ပိုင်တည်မြို့ကို KIA နှင့်ပူးပေါင်းအဖွဲ့များက ဝင်ရောက်တိုက်ခိုက်
-
အာဆီယံအထူးကိုယ်စားလှယ်အဖြစ် မြန်မာနိုင်ငံသို့ လာရောက်ခဲ့သည့် ပရက်ဆော့ခွန်းအား ကမ္ဘောဒီးယား နိုင်ငံခြားရေး ဝန်ကြီးအဖြစ် ပြန်လည်ခန့်အပ်
-
လာအိုတွင် အရက်အဆိပ်သင့်ပြီး ပြည်ပခရီးသွားလေးဦး သေဆုံး
-
■ ထိုင်းနိုင်ငံ နခွန်ပထုန်ခရိုင်တွင် လမ်းဘေးဓာတ်တိုင်ကို ကားဝင်တိုက်ရာ ယာဉ်ပေါ်တွင် လိုက်ပါလာသည့် မြန်မာနိုင်ငံသား ခြောက်ဦး နှင့် ထိုင်းနိုင်ငံသား ယာဉ်မောင်းတစ်ဦးတို့ သေဆုံး
