အက်သလက်တီကို - လီဟာနက်စ် (တနင်္ဂနွေညနေ ၅:၃၀ နာရီ)
အက်သလက်တီကိုနဲ့ နည်းပြ ဆီမြွန်နီအတွက်တော့ ဒီရာသီ ဖိအားအတော်များနေတယ်။ အသင်းကို အသစ်တည်ဆောက်နေရချိန်မှာ ဒဏ်ရာပြဿနာတွေကလည်း ထိုးနှက်မှုတစ်ခုလိုဖြစ်နေလို့ အခုလို အဆင့် (၃)နေရာယူထားနိုင်တာကိုပဲ တော်လှပြီလို့ပြောရမယ်။ အက်သလက်တီကိုမှာ ခံစစ်ရော၊ တိုက်စစ်ပါ ဒဏ်ရာပြဿနာတွေနဲ့ တည်ငြိမ်မှုရှာနေဆဲဆိုပေ မယ့် အိမ်ကွင်းပွဲတွေမှာတော့ ဟန်ချက်မပျက်ကစားနိုင်ဆဲပါပဲ။ အိမ်ကွင်းမှာ တိုက်စစ်ကလည်း ဂိုးရဖို့ပိုနီးစပ်သလို၊ ခံစစ်ကလည်း ဂိုးမပေးရအောင် ပိုကစားပြနေနိုင်တာလည်းတွေ့ရလို့ လီဟာနက်စ်လိုအသင်းနဲ့ပွဲအတွက် သိပ်ပြီးစိုးရိမ်စရာ မရှိ လောက်ပါဘူး။ လီဟာနက်စ်ကလည်း အမှတ်ပေးဇယားအောက်ဆုံးကအနေ အလွတ်ရုန်းနိုင်တဲ့အထိ တိုးတက်မှုပြလာ နိုင်ပေမယ့် အဝေးကွင်း နိုင်ပွဲလုံးဝမရှိသေးတဲ့အပြင်၊ အဝေးကွင်းသွင်းဂိုးလည်း (၆)ဂိုးသာရထားလို့ ဒီပွဲလည်းခက်ခဲဦးမှာပါ။ အက်သလက်တီကိုနဲ့ ဂိုးအများကိုပဲ ပိုကြိုက်နေမိတယ်။
ဆယ်လ်တာဗီဂို - အီဘာ (တနင်္ဂနွေည ၇:၃၀ နာရီ)
အီဘာ အခုနောက်ပိုင်းကြိုးစားမှုကောင်းလာပြီး ရလဒ်ပိုင်းတိုးတက်လာတာတွေ့ရတယ်။ ဒါပေမဲ့ အဝေးကွင်းမှာတော့ စိတ်ချရလောက်တဲ့အဆင့် မရှိသေးဘူး။ ဆယ်လ်တာဗီဂိုကလည်း ဒီရာသီခြေစွမ်းက မငြိမ်လှဘူး။ ဒါပေမဲ့ အိမ်ကွင်းမှာတော့ အနိုင်အတွက် ကြိုးစားလာမှာပါ။ ဆယ်လ်တာဗီဂိုပဲ ကြိုက်တယ်။
ဂီတာဖေး - ဘက်တစ် (တနင်္ဂနွေည ၉:၃၀ နာရီ)
အခုတလော ဂီတာဖေးခြေစွမ်းက မှန်းရခက်လာတယ်။ ဒါပေမဲ့ အိမ်ကွင်းပွဲဖြစ်လို့ ဂီတာဖေးကို သိပ်လျှော့တွက်လို့ မရပြန်ဘူး။ ဘက်တစ်ကလည်း ကစားပုံတိုးတက်လာမှုပြနေတယ်။ တစ်ခုရှိတာက ဘက်တစ်ရဲ့ အဝေးကွင်းမှာ နိုင်ပွဲရဖို့ခက်နေတဲ့ အခြေအနေပါပဲ။ ဒီနှစ်သင်းတွေ့ဆုံမှု နောက်ဆုံး (၅)ကြိမ်မှာလည်း ဂီတာဖေး တစ်ပွဲပဲရှုံးထားပါတယ်။ အိမ်ကွင်းကစားအားလည်း ကောင်းလို့ ဂီတာဖေးနဲ့ ဂိုးအများပဲ ကြိုက်တယ်။
ဆိုစီဒက် - မာယော့ကာ (တနင်္ဂနွေည ၁၂:၀၀ နာရီ)
ဒဏ်ရာပြဿနာတွေနဲ့အတူ ဆိုစီဒက်တို့ လာလီဂါ (၂) ပွဲဆက် ရှုံးပွဲတွေ့ထားတာတွေ့ရတယ်။ ဒါကြောင့် အခုပွဲကိုတော့ အိမ်ကွင်းမှာ အားပိုထည့်ပြီး ကစားလာဖို့များနေတယ်။ မာယော့ကာကလည်း အိမ်ကွင်းစွမ်းသလောက် အဝေးကွင်းမှာ နိုင်ပွဲမရှိ၊ သရေတစ်ပွဲသာရအောင်ကစားနိုင်တဲ့အထိ အခြေအနေဆိုးနေတာပါ။ ဆိုစီဒက်နဲ့ ဂိုးအများပဲရွေးထားရမယ်။
ဗယ်လာဒိုလစ် - ရီးယဲလ်မက်ဒရစ် (တနင်္လာနံနက် ၂:၃၀ နာရီ)
ဗယ်လာဒိုလစ်ရဲ့ အိမ်ကွင်းကစားအားကို လျှော့တွက်လို့ မရပါဘူး။ အိမ်ကွင်းရှုံးပွဲတစ်ပွဲသာရှိပြီး အိမ်ကွင်းမှာမရှုံးအောင် ပိတ်ဆို့ကစားရာမှာ ကျွမ်းကျင်မှုရှိကြတာကို တွေ့ရတယ်။ အိမ်ကွင်းမှာ နိုင်ပွဲ (၂)ပွဲသာရထားပေမယ့် သရေပွဲ (၆)ပွဲအထိရှိပြီး ပေးဂိုးကလည်း (၆)ဂိုးသာပေးထားရလို့ ဗယ်လာဒိုလစ်ရဲ့ အိမ်ကွင်းကစားပုံက အလုပ်ဖြစ်နေတယ်လို့ပြောနိုင်တယ်။ ရီးယဲလ်မက်ဒရစ်ကတော့ နှစ်သစ်ကို ချန်ပီယံဆုဖလားတစ်လုံးနဲ့ စဖွင့်ထားနိုင်ခဲ့လို့ ချန်ပီယံစိတ်ဓာတ်မျိုး ပြန် ဝင်နေချိန်ဖြစ်နေတယ်။ ဒီပွဲမှာ ဘန်ဇီမာနဲ့ ရာမို့စ်လည်း ပွဲ ထွက်အဖြစ်ပြန်လာနိုင်လို့ အသင်းအင်အားလည်း ပိုတောင့်တင်းနေနိုင်တယ်။ ရီးယဲလ်မက်ဒရစ်ရဲ့ လက်ရှိခံစစ်ကစားနေပုံအရလည်း တိုက်စစ်အားနည်းတဲ့ ဗယ်လာဒိုလစ်ကို ထိန်း ချုပ်ထားနိုင်ဖို့ သိပ်မခက်လှပါဘူး။ ဒီတော့ အခုပွဲမှာ ဂိုးသွင်း နှုန်းအတက်အကျရှိနေသေးတဲ့ ရီးယဲလ်တိုက်စစ်က အိမ် ကွင်းခံစစ်မာကျောတဲ့ ဗယ်လာဒိုလစ်ကို ဘယ်လောက်ဖိအားပေးနိုင်မလဲဆိုတာက အဖြေပါပဲ။ ရီးယဲလ်ပဲ နိုင်ဖို့များပါတယ်။
-
ရွေးကောက်ပွဲဖြစ်စဉ်အား စုံစမ်းစစ်ဆေးမှုများပြုလုပ်စဉ်ကာလအတွင်း ကော်မရှင်က ထုတ်ပေးထားသည့် လွှတ်တော်ကိုယ်စားလှယ်အသိအမှတ်ပြုလွှာများသည် အကျိုးသက်ရောက်မှုမရှိကြောင်း ပြည်ထောင်စုရွေးကောက်ပွဲကော်မရှင်ထုတ်ပြန်
-
နိုင်ငံအတွင်း ဖြစ်ပေါ်နေသည့် အခြေအနေများကို တပ်မတော်နှင့် အခြား အင်အားစုအားလုံးက စိတ်ရှည်သည်းခံမှုဖြင့် ထိန်းသိမ်းဆောင်ရွက်ရန် ပေါင်းစည်းတိုင်းရင်းသားပါတီငါးပါတီ မေတ္တာရပ်ခံ
-
မြန်မာ့တပ်မတော်၏ ဥပဒေနှင့်အညီ ဆောင်ရွက်ချက်များကို ထောက်ခံပွဲ မန္တလေးမြို့တွင် ကျင်းပ
-
ရွှေတိဂုံစေတီတော်အပါအဝင် တိုင်းဒေသကြီး ပြည်နယ်အသီးသီးရှိ ဘုရား ပုထိုး စေတီများကို ဖေဖော်ဝါရီ ၈ ရက်တွင် စတင်ဖူးမြော်ခွင့်ပြုမည်
-
မြန်မာပြည်သူတို့၏ ဒီမိုကရေစီရေးနှင့် လွတ်လပ်ရေးတို့အတွက် ကုလသမဂ္ဂနှင့် ကမ္ဘာ့နိုင်ငံများက ဝိုင်းဝန်းဆောင်ရွက်ပေးရန် NLD ပါတီ ဗဟိုအလုပ် အမှုဆောင်အဖွဲ့ ထုတ်ပြန်
