လူမျိုးတုံးသတ်ဖြတ်မှုနှင့် ပတ်သက်၍ မြန်မာနိုင်ငံအား တရားစွဲဆိုထားသောအမှုတွင် အရေးပေါ်စီမံချက်မှုများ ချမှတ်ပေးရန် ဂမ်ဘီယာ၏ တောင်းဆိုထားမှုကို ကုလသမဂ္ဂ၏ အမြင့်ဆုံးတရားရုံးဖြစ်သော International Court of Justice (ICJ) က ဇန်နဝါရီ ၂၃ တွင် စီရင်ချက်ချမည်ဖြစ်ကြောင်း ဂမ်ဘီယာတရားရေးဝန်ကြီးဌာနက ဇန်နဝါရီ ၁၅ အစောပိုင်းတွင် Twitter ၌ ထုတ်ပြန်ခဲ့သည်။
အနောက်အာဖရိကတွင် မွတ်စလင် အများစုနေထိုင်သော ဂမ်ဘီယာက မြန်မာတွင် လူနည်းစု ဘင်္ဂါလီမွတ်စလင်များအား လူမျိုးတုံးသတ်ဖြတ်မှုများ ကျူးလွန်နေဆဲဖြစ်ကြောင်း စွပ်စွဲလျက် ပြီးခဲ့သောနှစ် နိုဝင်ဘာတွင် ICJ ၌ တရားစွဲခဲ့သည်။
မြန်မာတပ်မတော်က ဘင်္ဂါလီမွတ်စလင် သိန်းနှင့်ချီအား နိုင်ငံမှထွက်ပြေးစေခဲ့သော နယ်မြေရှင်းလင်းမှုအတွင်း မြန်မာသည် ၁၉၄၈ ခုနှစ် လူမျိုးတုံးသတ်ဖြတ်မှုဆိုင်ရာ ကွန်ဗင်းရှင်းကို ချိုးဖောက်ခဲ့ကြောင်း ဂမ်ဘီယာက စွပ်စွဲခဲ့သည်။ နှစ်နှင့်ချီ ကြာမြင့်နိုင်သော ထိုအမှုတွင် ပထမအဆင့်အဖြစ် ထပ်မံထိခိုက်မှုများမှ ကြိုတင်ကာကွယ်နိုင်ရေးအတွက် ကြားဖြတ် အရေးယူတုံ့ပြန်မှုများ ချမှတ်ရန် ဂမ်ဘီယာက iCJ ကို တောင်းဆိုထားခြင်းဖြစ်သည်။
မြန်မာ၏ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြီးခဲ့သောလတွင် သည်ဟိဂ်ရှိ တရားရုံးတွင် မြန်မာအား စွပ်စွဲထားသော စွဲချက်များကို ခုခံကာကွယ်ခဲ့သည်။ လူမျိုးတုံးသတ်ဖြတ်မှု ဖြစ်ပွားနေကြောင်း စွပ်စွဲချက်အား ၎င်းက ငြင်းဆန်ခဲ့ပြီး ICJ သည် ထိုအမှုအား ကြားနာစစ်ဆေးရန် စီရင်ပိုင်ခွင့် မရှိကြောင်းလည်း ပြောကြားခဲ့သည်။
ရာဇဝတ်မှုများ ကျူးလွန်ခဲ့သည်ဟု စွပ်စွဲခံခဲ့ရသော စစ်သားများနှင့် တာဝန်ရှိသူများအား မြန်မာက စုံစမ်းစစ်ဆေးပြီး တရားစွဲဆိုခဲ့ကြောင်းလည်း ဒေါ်အောင်ဆန်းစုကြည်က ပြောကြားခဲ့သည်။ ထိုအခြေအနေများ အောက်တွင် ICJ သည် ဝင်ရောက်မစွက်ဖက်သင့်ကြောင်းလည်း ၎င်းက ပြောကြားခဲ့သည်။
အဖွဲ့ဝင် ၅၇ နိုင်ငံပါဝင်သော အစ္စလာမ္မစ် ပူးပေါင်းဆောင်ရွက်ရေးအဖွဲ့ (OIC) ၏ ထောက်ပံ့မှု ရခဲ့ပြီးနောက် ဂမ်ဘီယာက မြန်မာအား တရားစွဲဆိုခဲ့ခြင်းဖြစ်သည်။ နိုင်ငံတစ်နိုင်ငံကသာ အခြားနိုင်ငံတစ်နိုင်ငံအား ICJ တွင် တရားစွဲနိုင်သည်။
-
ရွှေတိဂုံ စေတီတော်မြတ်ကြီးအား လုံးတော်ပြည့် ရွှေစင်ရွှေပြားသင်္ကန်းတော်များ ကပ်လှူပူဇော်ရန် ရွှေစင်ရွှေပြား ၄၇၃၉ ချပ် အလှူခံရရှိ
-
ပိုးမွှားကင်းရှင်းကြောင်း သတ်မှတ်ချက်များနှင့် ကိုက်ညီသဖြင့် မြန်မာနာနတ်သီး တရုတ်သို့ တင်သွင်းခွင့်ပြုမည်
-
မူဆယ်မြို့ရှိ ဆင်ဖြူဂိတ်တွင် မြန်မာဘက်အခြမ်းသို့ ကုန်ပစ္စည်းများတင်သွင်းခွင့် တရုတ်ဘက်က ခွင့်ပြု
-
မြန်မာနိုင်ငံတွင် ပဋိပက္ခကြောင့် ထိခိုက်ခံစားနေရသည့် ကလေးငယ်များအားပံ့ပိုးကူညီရန် ဒေါ်လာ ၂၀၈ သန်း အရေးပေါ်လိုအပ်နေကြောင်း UNICEF Myanmar ထုတ်ပြန်
-
သန်လျင်မြို့နယ်၊ ကုလားဝဲကျေးရွာ၊ ကုလားဝဲတံတားအဆင်းတွင် ဆီဘောက်ဆာယာဉ် မီးလောင်မှု ဖြစ်ပွား
