နယူးဇီလန်တွင် ကိုဗစ်-၁၉ နောက်ဆုံး လူနာသည် သက်သာ ပျောက်ကင်းသွားပြီးနောက် ဇွန် ၈ တွင် ပြည်တွင်း၌ ဗိုင်းရပ်စ်ဆိုင်ရာ ကန့်သတ်မှုအားလုံးကို ရုပ်သိမ်းကြောင်း ဝန်ကြီးချုပ် ဂျာဆင်ဒါအာဒန်းက ကြေညာခဲ့သည်။ ထိုအောင်မြင်မှုအကြောင်းအား လာပြောချိန်တွင် မိမိသည် ဧည့်ခန်းထဲ၌ ပတ်၍ ကခုန်ခဲ့သေးကြောင်း ၎င်းက ထုတ်ဖော်ပြောကြားခဲ့သည်။
တင်းကျပ်သော နယ်စပ်ထိန်းချုပ်မှုများကိုမူ ဆက်လက်ထားရှိမည်ဟု ပြောကြားလျက် အာဒန်းက လူအချင်းချင်း ခွာခွာကင်းကင်းနေရေးကဲ့သို့ ကန့်သတ်မှုများနှင့် အများပြည်သူဆိုင်ရာ စုဝေးမှုများအား ကန့်သတ်မှုများသည် မလိုအပ်တော့ကြောင်း ပြောကြားခဲ့သည်။
နယူးဇီလန်တွင် ယခုအချိန်၌ ဗိုင်းရပ်စ်ကူးစက်မှုကို မိမိတို့က တားဆီးနိုင်ခဲ့သည်ဟု ယုံကြည်မှုရှိကြောင်း၊ ဗိုင်းရပ်စ်အား တိုက်ဖျက်ရန်အတွက် မကြုံစဖူးနည်းလမ်းများအား ပြည်သူများက ညီညီညွတ်ညွတ် လိုက်နာခဲ့ကြကြောင်း အာဒန်းက ရုပ်သံမိန့်ခွန်း ပြောကြားခဲ့သည်။
လူဦးရေ ငါးသန်းသာရှိသော တောင်ပစိဖိတ်နိုင်ငံ နယူးဇီလန်တွင် ကိုဗစ်-၁၉ အတည်ပြုလူနာ ၁၁၅၄ ဦးအနက် ၂၂ ဦး သေဆုံးခဲ့သည်။ ဇွန် ၈ အထိ ၁၇ ရက်ကြာ အတည်ပြုလူနာသစ် မရှိခဲ့ဘဲ ပြီးခဲ့သော တစ်ပတ်ကျော်အတွင်း အတည်ပြုလူနာ တစ်ဦးသာ ရှိခဲ့သည်။
ထိုနောက်ဆုံး အတည်ပြုလူနာ၏ အသေးစိတ် အချက်အလက်များကို ကိုယ်ရေးကိုယ်တာ လုံခြုံရေးအတွက် ထုတ်ပြန်ခြင်း မရှိသော်လည်း Auckland ရှိ စောင့်ရှောက်ရေးဂေဟာတစ်ခု၌ အစုလိုက် ကူးစက်မှုနှင့် ဆက်နွယ်သော အသက် ၅၀ ကျော်အရွယ် အမျိုးသမီးတစ်ဦး ဖြစ်သည်ဟု ယူဆထားကြသည်။
ကူးစက်မှုနှုန်းများအား တားဆီးရန် ကူညီပေးခဲ့သည့် သီတင်းပတ် ခုနစ်ပတ် ကြာမြင့်ခဲ့သော ပြင်းထန်သည့် Lockdown စီမံချက်များ အပါအဝင် နယူးဇီလန်နိုင်ငံသားများ၏ အနစ်နာခံမှုများကြောင့် ယခုအခါ နိုင်ငံထဲ၌ အတည်ပြုလူနာ မရှိတော့သည့် အခြေအနေကို ကြုံတွေ့ခံစားရခြင်း ဖြစ်ကြောင်း အာဒန်းက ပြောကြားခဲ့သည်။
အတည်ပြုလူနာသစ် မရှိသည့်သတင်းအား တုံ့ပြန်မှုနှင့်ပတ်သက်၍ မေးမြန်းခဲ့ရာ အာဒန်းက ၎င်း၏ သမီးငယ် နီဗီနှင့်အတူ အနည်းငယ် ကခုန်ခဲ့ကြောင်း ဖြေကြားခဲ့သည်။ သမီးဖြစ်သူသည် ရုတ်တရက် အံ့အားသင့်သွားခဲ့ပြီး မည်သည့်အတွက်ကြောင့် မိမိကခုန်ရသည်ဆိုခြင်းကို လုံးဝမသိသော်လည်း ပူးပေါင်းပါဝင်ခဲ့ကြောင်း အာဒန်းက ပြောကြားခဲ့သည်။
ပိုမိုကျယ်ပြန့်သော အဆင့်တွင် အာဒန်းက ကန့်သတ်ခြင်းများအား ဖြေလျှော့ခြင်းသည် နယူးဇီလန်စီးပွားရေးကို အထောက်အပံ့ဖြစ်စေမည်ဟု ပြောကြားခဲ့သည်။
ဗိုင်းရပ်စ်နှိမ်နင်းရေးအတွက် အဆင့် ၄ ဆင့်အနက် နယူးဇီလန်က အနိမ့်ဆုံးဖြစ်သည့် အဆင့် ၁ သို့ လျှော့ချခဲ့ခြင်းကြောင့် မိမိတို့သည် ကမ္ဘာတွင် ကန့်သတ်မှု အနည်းဆုံး စီးပွားရေးနိုင်ငံ တစ်နိုင်ငံ ဖြစ်လာမည်ဖြစ်ပြီး စီးပွားရေးပြန်လည် ထူထောင်မှုကို ဦးဆောင်နိုင်မည် ဖြစ်ကြောင်း အာဒန်းက ပြောကြားခဲ့သည်။
နယူးဇီလန်စီးပွားရေးသည် အဆင့် ၄ Lockdown ကို ချမှတ်ထားစဉ်က ၃၇ ရာခိုင်နှုန်း ထိခိုက်ခဲ့ချိန်တွင် အဆင့် ၁ ကို ချမှတ်ထားချိန်တွင် ပုံမှန်အနေအထားအောက် ၃.၈ ရာခိုင်နှုန်း၌ လည်ပတ်နိုင်မည် ဖြစ်ကြောင်း ပုံစံထုတ် တွက်ချက်မှုတွင် ဖော်ပြခဲ့သည်ဟု အာဒန်းက ပြောကြားခဲ့သည်။
ကန့်သတ်ချက် အဆင့် ၁ သို့ လျှော့ချလိုက်ခြင်းကြောင့် နိုက်ကလပ်များသည် ကခုန်သည့် နေရာများတွင် မည်သည့် ကန့်သတ်မှုမျှမပါဘဲ ဖွင့်လှစ်နိုင်မည်ဖြစ်ပြီး ပြဇာတ်ရုံများကိုလည်း ပြန်လည်ဖွင့်လှစ်မည် ဖြစ်သည်။
ထို့ပြင် အားကစားပွဲများကိုလည်း ပွဲကြည့်စင်များတွင် ပရိသတ်များအား ဝင်ရောက်ခွင့်ပြုပြီး ကျင်းပနိုင်မည် ဖြစ်သောကြောင့် နယူးဇီလန် ရပ်ဘီအဖွဲ့သည် ယခု သီတင်းပတ်အကုန်တွင် ၎င်းတို့၏ Super Rugby Aotearoa ပြိုင်ပွဲအား ကျင်းပမည့် အခွင့်အရေးရရှိခဲ့ခြင်း ဖြစ်သည်။
မိမိတို့သည် ပြိုင်ပွဲဝင်အသင်းများက ၎င်းတို့၏ ပရိသတ်များရှေ့တွင် ပထမဆုံးအကြိမ် ပရော်ဖက်ရှင်နယ် အားကစားပြိုင်ပွဲတစ်ရပ်ကို ယှဉ်ပြိုင်နိုင်တော့မည် ဖြစ်သောကြောင့် အလွန်အမင်းဂုဏ်ယူပြီး ကျေးဇူးတင်ကြောင်း ထိုရပ်ဘီအဖွဲ့၏ အမှုဆောင်အရာရှိချုပ် မက်ခ်ရော်ဘင်ဆန်က ပြောကြားခဲ့သည်။
ကမ္ဘာတစ်ဝန်းရှိ အခြားအားကစားပြိုင်ပွဲ အများအပြားကလည်း ပြန်လည် စတင်မည့် အစီအစဉ်များကို ထုတ်ပြန်ခဲ့ကြသော်လည်း ထိုပြိုင်ပွဲအများစုအား ပရိသတ်မပါဘဲ သို့မဟုတ် အလွန်အမင်း ကန့်သတ်ထားသော အရေအတွက်ဖြင့်သာ ကျင်းပရမည် ဖြစ်သည်။
-
ရွှေတိဂုံ စေတီတော်မြတ်ကြီးအား လုံးတော်ပြည့် ရွှေစင်ရွှေပြားသင်္ကန်းတော်များ ကပ်လှူပူဇော်ရန် ရွှေစင်ရွှေပြား ၄၇၃၉ ချပ် အလှူခံရရှိ
-
ပိုးမွှားကင်းရှင်းကြောင်း သတ်မှတ်ချက်များနှင့် ကိုက်ညီသဖြင့် မြန်မာနာနတ်သီး တရုတ်သို့ တင်သွင်းခွင့်ပြုမည်
-
မူဆယ်မြို့ရှိ ဆင်ဖြူဂိတ်တွင် မြန်မာဘက်အခြမ်းသို့ ကုန်ပစ္စည်းများတင်သွင်းခွင့် တရုတ်ဘက်က ခွင့်ပြု
-
မြန်မာနိုင်ငံတွင် ပဋိပက္ခကြောင့် ထိခိုက်ခံစားနေရသည့် ကလေးငယ်များအားပံ့ပိုးကူညီရန် ဒေါ်လာ ၂၀၈ သန်း အရေးပေါ်လိုအပ်နေကြောင်း UNICEF Myanmar ထုတ်ပြန်
-
သန်လျင်မြို့နယ်၊ ကုလားဝဲကျေးရွာ၊ ကုလားဝဲတံတားအဆင်းတွင် ဆီဘောက်ဆာယာဉ် မီးလောင်မှု ဖြစ်ပွား
