ထိုင်ဝမ်အနီးရှိ ဝေးလံခေါင်သီသော ဖိလစ်ပိုင်ကျွန်းငယ်များအုပ်စုတစ်စုကို စက်တင်ဘာ ၃၀ ရက်က တိုင်ဖွန်းခရာသွန် ဝင်ရောက်တိုက်ခတ်ပြီး လျှပ်စစ်ဓာတ်အားများနှင့် ဆက်သွယ်ရေးများ ပြတ်တောက်လျက်ရှိသည်ဟု မိုးလေဝသဌာနနှင့်တာဝန်ရှိသူများက ပြောကြားခဲ့သည်။
ဘာတာနက်စ်ကျွန်းအုပ်စုရှိ ဆက်ဘ်တန်းကျွန်းအနီးတွင် တိုင်ဖွန်းဖြတ်သန်းတိုက်ခတ်ခဲ့ပြီး လေတိုက်နှုန်းသည် တစ်နာရီလျှက် ၁၇၀ ကီလိုမီတာ(၁၀၆မိုင်) နှုန်းရှိသည်ဟုသိရသည်။ လူဦးရေ ၂၀၀၀၀ ရှိသည့် ဘာတာနက်စ်တွင် တိုင်ဖွန်း၏ လေတိုက်နှုန်းကို ပြင်းပြင်းထန်ထန် ကြုံတွေ့ခံစားရနိုင်သည်ဟု မိုးလေဝသဌာနကထုတ်ပြန်ထားသည်။
တိုင်ဖွန်းသည် ကျွန်းများသို့ စက်တင်ဘာ ၂၉ ရက်ညအချိန်တွင် စတင်ဝင်ရောက်ခဲ့ပြီး မိသားစု ၂၇ ယောက်ဘေးလွတ်ရာသို့ ရွှေ့ပြောင်းခဲ့သည်ဟု ဘာတာနက်စ် ပြည်နယ်အုပ်ချုပ်ရေးမှူးမာရီလူကေကိုကဆိုသည်။
“လေတိုက်နှုန်းက ငလျင်လှုပ်နေသလိုပါပဲ အရမ်းပြင်းတယ်” ဟု ၎င်းက ဆိုသည်။
နေအိမ်အများအပြား ပျက်စီးခဲ့ပြီး အမိုးများ လေထဲလွှင့်ပါနေကြသည်ဟု ကေကိုကဆိုသည်။
“လူတွေက အကူအညီတောင်းနေကြပေမယ့် ကျွန်မတို့ အပြင်မထွက်နိုင်ကြပါဘူး။ အရမ်းအန္တရာယ်များလို့ပါ” ဟု ၎င်းက ဆိုသည်။
သေဆုံးသူမရှိသေးကြောင်းအကြီး တန်းဘာတာနက်စ်ရဲအရာရှိကဆိုသည်။
-
နီပေါ Army Command and Staff College မှ သင်တန်းသား အရာရှိများအား မြန်မာသံအမတ်ကြီးက မြန်မာနိုင်ငံ ၏ နိုင်ငံခြားရေးမူဝါဒများ၊ မြန်မာ-နီပေါ ဆက်ဆံရေးတို့နှင့် စပ်လျဉ်း၍ ဆွေးနွေးပို့ချ
-
(၆၇) ကြိမ်မြောက်အောင်ဘာလေသိန်းဆုထီ အမြင့်ဆုံး ကျပ်သိန်း ၅၀၀၀ ကို( က-၆၇၁၈၄၀ )မှ ဆွတ်ခူး
-
MNDAA အား တပ်မတော်က တန်ပြန် ထိုးစစ်ဆင်နေသဖြင့် မိုင်းရယ်နှင့် ဟိုယ ဒေသခံများ ကြိုတင်တိမ်းရှောင်နေ
-
အီရန်က ရုရှားနှင့်ပူးပေါင်းဆောင်ရွက်မှုမြှင့်တင်ရန်ကတိပြု
-
ရာသီဥတုပြောင်းလဲမှုဒဏ်ခံနိုင်ရန် ဗီယက်နမ်၊လာအို၊ကမ္ဘောဒီးယားနှင့် တောင်ကိုရီးယားတို့လက်တွဲဆောင်ရွက်မည်
