ပေကျင်း၊စက်တင်ဘာ ၃၀
နယ်စပ်ဖြတ်ကျော် တယ်လီကွန်းလိ-မ်လည်မှုဖြင့် သံသယရှိသော တရုတ်နိုင်ငံသား ၃၁၃ ဦးကို မြန်မာနိုင်ငံမှ တရုတ်နိုင်ငံသို့ လွှဲပြောင်းပေးခဲ့ကြောင်း တရုတ်နိုင်ငံ ပြည်သူ့လုံခြုံရေးဝန်ကြီးဌာနက တနင်္လာနေ့ကထုတ်ပြန်ခဲ့သည်။
ယခုဆောင်ရွက်မှုသည် မြန်မာနိုင်ငံမြောက်ပိုင်းရှိ တယ်လီကွန်းနှင့်အွန်လိုင်းလိ-မ်လည်မှုများကိုနှိမ်နင်းရန်ရည်ရွယ်ကာ တရုတ်နှင့်မြန်မာရဲများပူးပေါင်းပြီး တရားဥပဒေစိုးမိုးရေးဆောင်ရွက်မှု၏ရလဒ်ပင်ဖြစ်သည်ဟုဖော်ပြထားသည်။
အဆိုပါစစ်ဆင်ရေးအတွင်း တရုတ်နိုင်ငံသား ၃၁၃ ဦးနှင့် မြန်မာနိုင်ငံသား ၅၅၇ ဦးတို့ပါဝင်သော နယ်စပ်ဖြတ်ကျော်ဆက်သွယ်ရေးလိ-မ်လည်သူများအဖြစ် သံသယရှိသူ ၈၇၀ ဦးကို ဖမ်းဆီးခဲ့ကြောင်း ဝန်ကြီးဌာန၏ သတင်းထုတ်ပြန်ချက်တွင်ဖော်ပြထားသည်။
မတ်လကစ၍ တရုတ်နှင့်မြန်မာရဲတပ်ဖွဲ့တို့သည် မြန်မာနိုင်ငံမူဆယ်ဒေသတွင် ပထမဆုံးသော ပူးတွဲတရားဥပဒေစိုးမိုးရေးလုပ်ငန်းကိုဆောင်ရွက်ခဲ့ရာ တယ်လီကွန်းလိ-မ်လည်မှုသံသယရှိသူ ၈၀၀ ကျော်ကို ဖမ်းဆီးနိုင်ခဲ့သည်ဟုသိရသည်။
မြန်မာနိုင်ငံရဲတပ်ဖွဲ့နှင့် တရားဥပဒေစိုးမိုးရေးပူးပေါင်းဆောင်ရွက်မှုအားကောင်းလာကာ တရုတ်နိုင်ငံသားများပါ ပါဝင်နေသည့် မြန်မာနိုင်ငံမြောက်ပိုင်းရှိ တယ်လီကွန်းနှင့် အွန်လိုင်းလိ-မ်လည်မှုတိုက်ဖျက်ရေး လုပ်ငန်းများကို ပုံမှန်ပူးပေါင်းဆောင်ရွက်သွားမည်ဟုလည်း ဝန်ကြီးဌာနကပြောကြားခဲ့သည်။
တယ်လီကွန်းနှင့် အင်တာနက်လိ-မ်လည်မှု ရာဇ၀တ်မှုဆိုင်ရာ သံသယရှိသူ ၄၉,၀၀၀ ကို ၂၀၂၃ ခုနှစ် ဇူလိုင်လမှစတင်၍ မြန်မာနိုင်ငံဘက်မှ တရုတ်နိုင်ငံသို့လွှဲပြောင်းပေးခဲ့ကြောင်းလည်း ဝန်ကြီးဌာနကမေလတွင်ပြောကြားခဲ့သည်။
Source : ရှင်းဟွာ
-
လာအိုမြောက်ပိုင်း၌ ရေကြီးမှုကြောင့် စာသင်ကျောင်းအချို့ပိတ်ထားရ
-
တရားမဝင်ကမ္ဘောဒီးယားရွှေ့ပြောင်းလုပ်သားများ ဘန်ကောက်၌ထိန်းသိမ်းခံရ
-
တယ်လီကွန်းလိ-မ်လည်မှုတရားခံ တရုတ် ၁၃၁ ဦးကို တရုတ်သို့လွှဲပြောင်းပေး
-
ကလောမြို့ သောက်သုံးရေလုံလောက်စွာပေးဝေနိုင်ရေး ရေအေးကန်ဆည် ကြံ့ခိုင်မှုရှိရန်နှင့် ရေစစ်ကန် ကောင်းမွန်စွာ လည်ပတ်နိုင်ရေး လုပ်ဆောင်
-
နေပြည်တော် – တပ်ကုန်း – ပင်လောင်း ဖိုင်ဘာကေဘယ်လ်ဆက်ကြောင်း ပုံမှန်ပြန်ဖြစ်စေရေး ဒုတိယဝန်ကြီး ဆွေးနွေး
