ရှမ်းပြည်နယ် (တောင်ပိုင်း) ကလောမြို့အား သောက်သုံးရေ လုံလောက်စွာရရှိစေရေး ရေပေးဝေသည့် ရေအေးကန်ဆည် ကြံ့ခိုင်မှုရှိရန်နှင့် ရေစစ်ကန် ကောင်းမွန်စွာ လည်ပတ်နိုင်ရန် စည်ပင်သာယာရေးဌာနမှ လိုအပ်သည့် လုပ်ငန်းများ လုပ်ဆောင်လျက်ရှိကြောင်း သိရသည်။
လက်ရှိတွင် ရေကြီးရေလျှံမှုများ ဖြစ်ပေါ်ခဲ့သည့် ကလောမြို့တွင် ပြန်လည်ထူထောင်လုပ်ငန်းများ နေ့စဉ်အရှိန်အဟုန်မြှင့် ဆောင်ရွက်လျက်ရှိရာ အဆိုပါ လုပ်ငန်းများထဲမှ တစ်ခုအပါဝင်ဖြစ်သည့် ကလောမြို့ သောက်သုံးရေလုံလောက်စွာရရှိစေရေးအတွက် ရေပေးဝေသည့် ရေအေးကန်ဆည် တမံကြံ့ခိုင်မှုအခြေအနေများ၊ ရေစစ်ကန်ကောင်းမွန်စွာ လည်ပတ်နိုင်ရေး စည်ပင်သာယာရေးဌာနမှ Total Station တိုင်းတာ၍ ရေပိုက်လိုင်း Level Profile တိုင်းတာမှုများ လုပ်ဆောင်လျက်ရှိကြောင်း သိရသည်။
ထို့ပြင် ကလောချောင်း ရေစီးရေလာကောင်းမွန်ရေးလုပ်ငန်းများ ရေနစ်မြုပ်ခဲ့သည့် ရပ်ကွက်၊ လမ်းများ၊ အများပြည်သူအပန်းဖြေအနားယူကြသည့် မောမြေဦးပန်းခြံတို့တွင် ရွှံ့နွံ၊ အမှိုက်များအား စုပေါင်းသန့်ရှင်းရေးများ လုပ်ဆောင်နေကြကြောင်း သိရသည်။
ကလောချောင်းအား ရေကြီး၊ ရေလျှံမှု မဖြစ်ပေါ်စေရေးနှင့် နဂိုမူလအတိုင်း ပြန်လည်စီးဆင်းရေး နုန်းမြေ၊ အမှိုက်များဆည်ယူခြင်းတို့ကို စက်ယာဉ်ယန္တရားတို့ဖြင့် ဆောင်ရွက်လျက်ရှိကြောင်း သိရသည်။
တောင်ပေါ်မြို့ဖြစ်သည့် ကလောမြို့တွင် မြေပြို၊ တောင်ပြို၊ ရေကြီး၊ ရေလျှံမှုတို့ကို ဆိုးရွားစွာ ကြုံတွေ့ခဲ့ရသော ကြောင့် လူေ-သဆုံးမှု ပျောက်ဆုံးမှုများ ဖြစ်ပေါ်ခဲ့ပြီး ရေကြီးမှုကို ကြိုတင်မတွက်မိခဲ့ကြသည့်အတွက် ပြင်ဆင်မှုများ မလုပ်နိုင်ဘဲ အပြင်းအထန်ခံခဲ့ရခြင်းဖြစ်ရာ လက်ရှိတွင် ပြန်လည်ထူထောင်ရေးလုပ်ငန်းများ လုပ်ဆောင်လျက်ရှိကြောင်း သိရသည်။
-
လာအိုမြောက်ပိုင်း၌ ရေကြီးမှုကြောင့် စာသင်ကျောင်းအချို့ပိတ်ထားရ
-
တရားမဝင်ကမ္ဘောဒီးယားရွှေ့ပြောင်းလုပ်သားများ ဘန်ကောက်၌ထိန်းသိမ်းခံရ
-
တယ်လီကွန်းလိ-မ်လည်မှုတရားခံ တရုတ် ၁၃၁ ဦးကို တရုတ်သို့လွှဲပြောင်းပေး
-
ကလောမြို့ သောက်သုံးရေလုံလောက်စွာပေးဝေနိုင်ရေး ရေအေးကန်ဆည် ကြံ့ခိုင်မှုရှိရန်နှင့် ရေစစ်ကန် ကောင်းမွန်စွာ လည်ပတ်နိုင်ရေး လုပ်ဆောင်
-
နေပြည်တော် – တပ်ကုန်း – ပင်လောင်း ဖိုင်ဘာကေဘယ်လ်ဆက်ကြောင်း ပုံမှန်ပြန်ဖြစ်စေရေး ဒုတိယဝန်ကြီး ဆွေးနွေး
