ရှမ်းပြည်နယ်၊ တောင်ကြီးခရိုင်၊ တောင်ကြီးမြို့၊ ရေအေးကွင်းရပ်ကွက်၊ ဗိုလ်ချုပ်အောင်ဆန်းလမ်းရှိ ဆိုင်ခန်း တစ်ခန်းတွင် မီးလောင်မှု တစ်ခုဖြစ်ပွားခဲ့ကြောင်း ရှမ်းပြည်နယ်မီးသတ်ဦးစီးမှူးရုံးမှ သိရသည်။
ယနေ့ စက်တင်ဘာ (၃၀) ရက်၊ နံနက် အစောပိုင်း (၂)နာရီ (၂၅)မိနစ်အချိန်ခန့်က ၎င်းနေရာရှိ ဆိုင်ခန်း တစ်ခန်းတွင် မီးလောင်မှုဖြစ်ပွားကြောင်း သတင်းအရ ရှမ်းပြည်နယ်မီးသတ်ဦးစီးမှူးရုံးမှ အုပ်ချုပ်မှုယာဉ်(၁)စီး၊ မီးငြှိမ်းသတ်ယာဉ်(၁)စီး၊ မီးသတ်ရေသယ်ယာည်(၁)စီး၊ တောင်ကြီးခရိုင်မီးသတ်စခန်းမှ မီးငြှိမ်းသတ်ယာဉ် (၂)စီး၊ တောင်ကြီးမြို့နယ်မီးသတ်စခန်းမှ မီးငြှိမ်းသတ်ယာဉ်(၄)စီး၊ မီးသတ်ရေသယ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရကြောင်း သိရသည်။
ထိုသို့ မီးသတ်တပ်ဖွဲ့ဝင်များ ထွက်ခွာငြှိမ်းသတ်ခဲ့ရာ နံနက် (၂)နာရီ (၄၅)မိနစ်အချိန်တွင် မီးငြှိမ်းသတ်နိုင်ခဲ့ပြီး မီးလောင်မှုဖြစ်စဉ်ကြောင့် ထိခိုက်ပျက်စီး ဆုံးရှုံးမှုအခြေအနေများနှင့် မီးလောင်မှု အကြောင်းရင်း အသေးစိတ်ကို မီးသတ်တပ်ဖွဲ့မှ ဆက်လက်စစ်ဆေးသွားမည်ဖြစ်ကြောင်း သိရသည်။
-
အာဂျင်တီးနားဂိုးသမား မာတီနက်ဇ် ရိုင်းပျသည့်အပြုအမူကြောင့် နိုင်ငံတကာပွဲ နှစ်ပွဲပယ်ခံရ
-
အာရှ ယူ-၂၀ ပြိုင်ပွဲဝင်မည့် မြန်မာအသင်း ခြေစစ်ပွဲဖြင့်ပင် ကျေနပ်ခဲ့ရ ၊ (၃)ပွဲကစား (၃)ပွဲရှုံး ရလဒ် ထွက်ပေါ်
-
မလေးရှားမှ မြန်မာ့ရေဘေးသင့်ဒေသများသို့ လှူဒါန်းသည့် ကီလို (၅၀၀၀)ရှိ လှူဒါန်းပစ္စည်းများ ရန်ကုန်သို့ ရောက်ရှိ
-
ဟစ်ဇ်ဘိုလာခေါင်းဆောင် နာဆရာလာကို ချေမှုန်းနိုင်ခဲ့ကြောင်း အစ္စရေးစစ်တပ်ပြောကြား
-
အစ္စရေးက ဟစ်ဇ်ဘိုလာ ခေါင်းဆောင်ကို ချေမှုန်းခဲ့ပြီးနောက် အီရန်၏ အမြင့်ဆုံးခေါင်းဆောင်က ဘေးကင်းလုံခြုံသည့်နေရာသို့ ရွှေ့ပြောင်းနေထိုင်