ဆိုးလ်၊စက်တင်ဘာ ၂၃
မြောက်ကိုရီးယားက နယ်စပ်ဖြတ်ကျော်၍ လွှတ်တင်လိုက်သည့် အမှိုက်မီးပုံးပျံများကြောင့် တောင်ကိုရီးယားပြည်သူတစ်ဦးတစ်ယောက် ထိခိုက်ေ-သဆုံးမှုရှိပါက စစ်ရေးအရ ပြတ်ပြတ်သားသားအရေးယူမည်ဟု တောင်ကိုရီးယားအစိုးရက စက်တင်ဘာ ၂၃ ရက်တွင်ပြောကြားခဲ့သည်။
ပြုံယမ်းသည် ဆိုးလ်ဘက်သို့ မေလကတည်းက အမှိုက်မီးပုံးပျံများကို လွှတ်တင်နေခြင်းဖြစ်ပြီး ယခုအထိ စုစုပေါင်း အလုံးရေ ၅,၅၀၀ ကျော်ရှိလာကာ အဆိုပါမီးပုံးများကြောင့် လေကြောင်းခရီးစဉ်များ အနှောင့်အယှက်ဖြစ်ပြီး မီးလောင်ခြင်းအပြင် အချို့သောအစိုးရအဆောက်အအုံများကို ထိမှန်ခဲ့ကြောင်းသိရသည်။
ပြုံယမ်းကမူ အဆိုပါနည်းဗျူဟာသည် တောင်ဘက်ရှိ တက်ကြွလှုပ်ရှားသူများက မြောက်ကိုရီးယားသို့ ဝါဒဖြန့်သည့် မီးပုံးပျံများ လွှတ်တင်ခဲ့ခြင်းကို တုန့်ပြန်ခြင်းဖြစ်သည်ဟု ပြုံယမ်းကပြောကြားခဲ့သည်။
မြောက်ကိုရီးယားက လွှတ်တင်လိုက်သော မီးပုံးပျံအများစုသည် ကျန်းမာရေးအရ ဥပဒ်မဖြစ်နိုင်သည့် အမှိုက်အိတ်များသာပါရှိသော်လည်း မကြာသေးမီရက်သတ္တပတ်များအတွင်းကမူ အချို့သောမီးပုံးများတွင် စက်ပစ္စည်းအသစ်များပါဝင်လာကာ မီးလောင်မှုများဖြစ်ပေါ်ခဲ့သည့်အတွက် စိုးရိမ်မှုများမြင့်တက်လာခြင်းလည်းဖြစ်သည်။
“ကျွန်တော်တို့စစ်တပ်အနေနဲ့ မြောက်ကိုရီးယားစစ်တပ်ကို အနီးကပ်စောင့်ကြည့်နေပြီး မီးပုံးပျံလွှတ်တင်တဲ့နေရာကို အချိန်နှင့်တပြေးညီခြေရာခံ နေပါတယ်” ဟုလည်း တာဝန်ရှိသူတစ်ဦးကပြောကြားခဲ့သည်။
Source : အေအက်ဖ်ပီ/စီအမ်
-
တိုင်းဒေသကြီးနှင့် ပြည်နယ် အချို့တွင် လေပြင်းတိုက်ခတ်ခြင်းနှင့်မိုးသီးကြွေခြင်းများဖြစ်ပေါ်နိုင်ဟုမိုး/ဇလသတိပေး
-
မန္တလေးတိုင်း မြို့နယ်(၄)မြို့နယ်ရှိ အိမ်ခြေ(၁၀၀)အတွက် ဝမ်းပျက်ဝမ်းလျောရောဂါ ကာကွယ်နိုင်ရန် ယင်လုံ အိမ်သာသုံးပစ္စည်းများ ထောက်ပံ့လှူဒါန်းမည်
-
ဘာစီလိုနာဂိုးသမား စတီဂန် ဒူးဒဏ်ရာ ပြင်းထန်စွာရရှိခဲ့ပြီး ရာသီကုန်အထိ အနားယူရဖွယ်ရှိ
-
ကွင်းလယ်ဒိုင် မိုက်ကယ်အိုလီဗာအား ဝေဖန်နေသည့် အာတီတာအနေဖြင့် အဆင့်အတန်းနည်းနည်းပြပြီး ကိုယ်တိုင်ရှေ့ဆက်သင့်သည်ဟု ရွိုင်ကင်း ဝေဖန်
-
အာဆင်နယ်နှင့်ပွဲ၌ ဒူးဒဏ်ရာ ပြင်းထန်စွာရရှိခဲ့သည့် မန်စီးတီးကွင်းလယ်လူ ရိုဒရီ ရာသီကုန်အထိ အနားယူရဖွယ်ရှိကြောင်း ဗြိတိန်မီဒီယာများ ဖော်ပြ