ပြီးခဲ့သည့်ရက်ပိုင်းအတွင်းကဖြစ်ပွားခဲ့သည့် ရေဘေးအန္တရာယ်ကြောင့် ရေဘေးသင့်ခဲ့သော ဆရာ၊ဆရာမ၊ဝန်ထမ်း (၉၅၁၈)ဦးရှိခဲ့ကြောင်း ပညာရေးဝန်ကြီးဌာန ပြည်ထောင်စုဝန်ကြီးဒေါက်တာညွှန့်ဖေ၏ ပြောကြားချက်အရ သိရသည်။
၎င်းမှ တက္ကသိုလ်ပါမောက္ခချုပ်များ၊ တိုင်းနှင့်ပြည်နယ်ပညာရေးမှူးများအား ယမန်နေ့ စက် တင်ဘာ ၁၈ ရက်နံနက်ပိုင်းက နေပြည်တော်၌ တွေ့ဆုံစဥ် ပြောကြားခဲ့ခြင်းဖြစ်သည်။
တိုင်းနှင့်ပြည်နယ်များရှိ မြို့နယ်အချို့တွင် ရေ ဘေးအန္တရာယ်ကြုံတွေ့ခဲ့ရ၍ ပညာရေးဝန်ကြီး ဌာနတွင် ရေဘေးရေဘေးသင့်ကျောင်း(၁၄၆၉) ကျောင်းရှိခဲ့ပြီး ဆရာ၊ဆရာမ၊ဝန်ထမ်း(၉၅၁၈) ဦး ရေဘေးသင့်ခဲ့သည်ဟု ပြောသည်။
ထို့ကြောင့် ရေဘေးသင့် ဆရာ၊ဆရာမများအား ရေဘေးကင်းလွတ်သည့်ဒေသများရှိ ပညာရေးဝန်ထမ်းမိသားစုများ၏ ဆန္ဒအလျောက်ကူညီမှုဖြင့် ထောက်ပံ့ကူညီပေးသွားမည်ဖြစ်၍ တာဝန်ရှိသူများက ရေဘေးကြောင့် ထိခိုက်၊ ပျက်စီး၊ ဆုံးရှုံးမှုဆိုင်ရာစာရင်းများကို မှန်မှန်ကန်ကန်နှင့် စနစ်တကျပြုစုပေးပို့ရမည်ဟု ပြောသည်။
” ရေဘေးကျရောက်တဲ့ ဒေသတွေမှာ မိမိတို့ကျောင်းအလိုက် လက်ရှိအနေအထားကနေ တိုးတက်အောင်ဆောင်ရွက်ပြီးစီးမှုမှတ်တမ်းတွေကို နှစ်ပတ်တစ်ကြိမ် ပေးပို့ကြရပါမယ်။ ကျောင်းတွေအမြန်ဆုံးပြန်လည်ဖွင့်လှစ်နိုင်ဖို့ အားလုံးညီညီညွတ်ညွတ် ဝိုင်းဝန်းကြိုးပမ်းဆောင်ရွက်ကြရပါမယ်”ဟု ပြည်ထောင်စုဝန်ကြီးဒေါက်တာညွှန့်ဖေက ပြောသည်။
ထို့နောက် ပညာရေးဝန်ကြီးဌာန ဒု-ဝန်ကြီးဒေါက်တာဇော်မြင့်နှင့် ဒု-ဝန်ကြီးဒေါက်တာမိုးဇော်ထွန်းတို့က လာမည့်စက်တင်ဘာ၂၁ ရက်မှ ၂၅ ရက်အတွင်း မိမိတို့နေရာဒေသအလိုက် မိုးလေဝသအခြေအနေများကို အမြဲမပြတ်လေ့လာပြင်ဆင်ထားနိုင်ရေးအတွက် မိုးလေဝ သသတင်းကို အထူးဂရုစိုက်နေထိုင်ကြရန် မှာ ကြားခဲ့ကြကြောင်း သိရသည်။
-
နေမာ၏သတိပေးချက်သတင်းများ ထွက်ပေါ်နေမှုကို အမ်ဘာပေနှင့် ဆက်ဆံရေးကောင်းမွန်ကြောင်း ပြောကြားပြီး ရိုဒရီဂို တုံ့ပြန်
-
အယ်လ်ဗာရက်ဇ်ကို အချိန်ပေးရမည်ဟု ဆီမြွန်နီ ဆို
-
ရီးယဲလ်မက်ဒရစ်နှင့် အပြောင်းအရွှေ့သတင်းများကို မန်စီးတီးကွင်းလယ်ကစားသမား ရိုဒရီ တုံ့ပြန်
-
နည်းပြ ဒီရော့ဆီကို ရာထူးမှထုတ်ပယ်ခြင်းအတွက် ဆန္ဒပြမည်ဖြစ်ပြီး နည်းပြသစ် ဂျူရစ်၏ ပထမဆုံးပွဲကို ကန့်ကွက်သွားမည်ဟု ရိုးမားအမာခံပရိသတ်အဖွဲ့ ကြေညာ
-
ပွဲများခြင်းအတွက် ရိုဒရီ၏ ဝေဖန်မှုကို ထောက်ခံသည်ဟု ခွန်ဒဲ ပြောကြား
