ချယ်လ်ဆီးအသင်းသည် ရိုးမားအသင်း၏ အာဂျင်တီးနားတိုက်စစ်မှူး ပေါ်လိုဒီဘားလားအား ခေါ်ယူရန် ကြိုးစားနေသော်လည်း ဒီဘားလားသည် ရိုးမားအသင်းနှင့် စာချုပ်သစ်ချုပ်ဆို နိုင်ရန် နီးစပ်နေပြီဖြစ်သောကြောင့် လက်လျှော့ရဖွယ်ရှိနေကြောင်း သိရှိရသည်။
စာချုပ်သစ်ချုပ်ဆိုပြီးပါက ဒီဘားလား၏ လျော်ကြေးစာချုပ်မှာ ပိုမြင့်မားလာမည်ဖြစ်သလို၊ ခေါ်ယူရန် ပိုမိုခက်ခဲသွားမည့် အခြေအနေလည်း ဖြစ်သည်။
ချယ်လ်ဆီးအသင်း၏ နည်းပြဖြစ်သူ ပိုချက်တီနိုသည် တစ်နိုင်ငံတည်းသားဖြစ်သူ ဒီဘားလားအား အလွန်သဘောကျသူဖြစ်ပြီး ၂၀၁၉ ခုနှစ်က စပါးအသင်းတွင် နည်းပြနေချိန်တွင်လည်း ဒီဘားလားကို ခေါ်ယူရန် ကြိုးပမ်းခဲ့ဖူးသူဖြစ်သည်။
ဒီဘားလားကို ခေါ်ယူရန်အတွက် ရိုးမားအသင်းနှင့် မူလချုပ်ဆိုထားသည့် လျော်ကြေး စာချုပ်မှာ (၂) ခုရှိပြီး ပြည်ပ ကလပ်အသင်းများသို့ ပြောင်းရွှေ့မည်ဆိုပါက ယူရို (၁၂)သန်းသာ တန်ကြေးရှိကြောင်းလည်း သိရှိရသည်။
ယင်းအတွက်ကြောင့် ချယ်လ်ဆီးအသင်းသည် စာချုပ်လျော်ကြေးပေးကာ ခေါ်ယူရန် ကြိုးပမ်းနေသော်လည်း ဒီ ဘားလားက ရိုးမားအသင်းနှင့် စာချုပ်သစ်ချုပ်ဆိုရန် စီစဉ်ခဲ့ခြင်းဖြစ်သည်။
-
ပရီးမီးယားလိဂ် ပွဲစဉ် ၁၁ ပွဲကြိုသုံးသပ်ချက်
-
စီးရီးအေပွဲစဉ် (၁၂) ပွဲကြိုသုံးသပ်ချက်
-
နိုင်ငံကူးလက်မှတ် PV အမျိုးအစားမှ PJ အမျိုးအစားသို့ ပြောင်းလဲလျှောက်ထားလာပါက အလုပ်သမားဝန်ကြီးဌာနက သတ်မှတ်ထားသည့်အထောက်အထားဖြင့် လက်ခံဆောင်ရွက်ပေးမည်ဟု ထုတ်ပြန်
-
မှော်ရုံတောမှာ မောလှပြီ
-
ချယ်လ်ဆီးကွင်းလယ်ကစားသမား အန်ဇိုဖာနန်ဒက်ဇ် ကိုခေါ်ယူရန် ဘာစီလိုနာနှင့် အင်တာမီလန်အသင်းတို့ အပြိုင်စိတ်ဝင်စားနေ
