ရှမ်းပြည်နယ်(အရှေ့ပိုင်း) ကျိုင်းတုံမြို့နယ်မှ မိုင်းဖြတ်မြို့နယ်သို့ သယ်ဆောင်ရောင်းဝယ်မည့် ငွေကျပ် (၁) ဒသမ (၄၅) ဘီလီယံကျော်တန်ဖိုးရှိ အိုက်စ် (မက်သ်အဖက်တမင်း) (၁၅၀) ကီလိုနှင့် ကက်တမင်း (၃၀) ကီလို မိုင်းပျဉ်းမြို့နယ်တွင် ဖမ်းဆီးရမိကြောင်း မြန်မာနိုင်ငံ မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့ ထုတ်ပြန်ချက်အရ သိရသည်။
မိုင်းပျဉ်းမြို့နယ်၊ နားခေါကျေးရွာအနီးတွင် လုံခြုံရေးတပ်ဖွဲ့ဝင်များ ပါဝင်သော ပူးပေါင်းအဖွဲ့က စက်တင်ဘာ (၁၆) ရက် နံနက် (၇) နာရီခွဲခန့်တွင် မိုင်းပျဉ်းမှ မိုင်းပုအွန်ဘက်သို့ စိုင်းဦးပေတ မောင်းနှင်ပြီး မနန်းရှဲန်အွမ်နှင့် စိုင်းကော်တို့ လိုက်ပါလာသည့် TOYOTA SUCCEED မော်တော်ယာဉ်ကို သတင်းအရ ရှာဖွေရာ ယာဉ်ပေါ်မှ အိုက်စ်(မက်သ်အဖက်တမင်း) (၁၀၀) ကီလို သိမ်းဆည်းရမိခဲ့သည်။
ကွင်းဆက် စစ်ဆေးဖော်ထုတ်ချက်အရ ယင်းနေ့ နံနက် (၈) နာရီတွင် မိုင်းပျဉ်းမြို့နယ်၊ ယမ်းမိုင်ကျေးရွာရှိ အိုက်ဝန်း၏ နေအိမ်မှ အိုက်စ်(မက်သ်အဖက်တမင်း) (၅၀) ကီလိုနှင့် ကက်တမင်း (၃၀) ကီလို ထပ်မံသိမ်းဆည်းရမိခဲ့ရာ စုစုပေါင်းဒေသကာလတန်ဖိုးငွေကျပ် (၁) ဒသမ (၄၅) ဘီလီယံကျော်တန်ဖိုးရှိ အိုက်စ် (မက်သ်အဖက်တမင်း) (၁၅၀) ကီလိုနှင့် ကက်တမင်း (၃၀) ကီလို သိမ်းဆည်းရမိခဲ့ကြောင်း သိရသည်။
ဆက်လက် စစ်ဆေးဖော်ထုတ်ချက်များအရ သိမ်းဆည်းရမိ စိတ်ပြောင်းဆေးဝါးများအား ကျိုင်းတုံမြို့နယ်မှ မိုင်းဖြတ်မြို့နယ်သို့ သယ်ဆောင်ရောင်းဝယ်ခြင်းဖြစ်ကြောင်း သိရပြီး ၎င်းတို့အား ဥပဒေအရ အရေးယူထားကာ ကွင်းဆက်ပြစ်မှုကျူးလွန်သူများအား စစ်ဆေးဖော်ထုတ်လျက်ရှိကြောင်း သိရသည်။
-
မကွေးတိုင်း မြို့နယ် (၅)ခုတွင် နေအိမ်နှင့် လမ်းများပေါ်သို့ သစ်ပင်လဲကျမှုနှင့် မြေပြိုမှုတို့ ဆက်တိုက်ဖြစ်ပွား
-
ရှမ်း/တောင် ရေဘေးသင့်ပြည်သူများထံသို့ ရှမ်း/မြောက်ဒေသခံပြည်သူများပူးပေါင်း၍ စားနပ်ရိက္ခာများ သွားရောက်လှူဒါန်းမည်
-
မြန်မာ-ထိုင်းအမှတ်(၂)ချစ်ကြည်ရေးတံတားပေါ်မှ ယာဉ်မောင်း တစ်ဦး ခုန်ချသေဆုံး
-
နောက်ဆုံးစိစစ်တွေ့ရှိချက်အတိုင်း ပုံမှန်ဝင်ငွေ မရှိသည့် အခြေခံလူတန်းစား ထပ်တိုးအိမ်ထောင်စု နှစ်သန်းကျော်အတွက် ကျပ် ၅၆ ဘီလျံကျော် ထောက်ပံ့မည်
-
တရုတ်နိုင်ငံမှ အကြောင်းအမျိုးမျိုးဖြင့် ကုန်းလမ်းမှတစ်ဆင့် ပြန်လာသူအားလုံးကို သက်ဆိုင်ရာ နှစ်နိုင်ငံနယ်စပ်ဂိတ်များတွင် Quarantine ထားရှိပြီး စောင့်ကြပ်ကြည့်ရှုနေ