ထိုင်းနိုင်ငံသို့ ကုန်ပစ္စည်းသွားရောက်ဝယ်ယူသည့် ယာဉ်မောင်းတစ်ဦးသည် မြန်မာ-ထိုင်း အမှတ်(၂) ချစ်ကြည်ရေးတံတားအပေါ်မှ မွန်းလွဲ ၂နာရီခန့်က ခုန်ချ၍ မိမိကိုယ်ကို အဆုံးစီရင်မှု ပြုလုပ်ခဲ့ရာ နေရာတွင်ပင် သေဆုံးခဲ့ကြောင်း သိရသည်။
အမှတ်၂ ချစ်ကြည်ရေး တံတားပေါ်မှ ခုန်ချ၍ သေဆုံး သွားသောသူမှာ မြဝတီမြို့၊ အမှတ်(၄)ရပ်ကွက်တွင် နေထိုင်သူဖြစ်သပြီး ၄င်းသည်ထိုင်းနိုင်ငံမှ မုန့်မျိုးစုံတင်ဆောင်လာသည့် ယာဉ်ကို မောင်းနှင်လာခဲ့ပြီး တံတားအလယ်သို့ အရောက်တွင် ယာဉ်အားရပ်တန့်ကာ ခုန်ချလိုက်ခြင်းဖြစ်ကြောင်း သိရသည်။
အခင်း ဖြစ်ပွားကြောင်း သတင်းအရ မြဝတီမြို့နယ်ရဲတပ်ဖွဲ့မှူး ရဲမှူး မြင့်ဌေး၊ မြို့မရဲစခန်းမှူး ဒုရဲမှူး အောင်ကျော်ဦး ၊ အမှတ်(၂)ချစ်ကြည်ရေးတံတား တာဝန်ကျ ဒုရဲမှူး စောမြတို့ နှင့် တာဝန်ရှိသူများသွားရောက်၍ အလောင်းအား ပြန်လည် ဆယ်ယူသယ်ဆောင်နိုင်ရေး ထိုင်းနိုင်ငံ တာဝန်ရှိသူများနှင့် ညှိနှိုင်းဆောင်ရွက်ခဲ့သည်။
သေဆုံးသူအား မြဝတီမြို့ Z-RESCUE လူမှုကူညီရေးအသင်းအဖွဲ့ဝင်များမှ ဆယ်တင်ခဲ့ပြီး ထိုင်းတာဝန် ရှိသူများမှ မြန်မာနိုင်ငံ တာဝန်ရှိသူများထံသို့ လွှဲပြောင်းပေးအပ်ခဲ့ပြီး Z-RESCUE ယာဉ်ဖြင့် တင်ဆောင်၍ မြဝတီခရိုင် ပြည်သူ့ဆေးရုံကြီးသို့ သယ်ဆောင်သွားခဲ့ကြောင်း သိရသည်။
သေဆုံးမှုနှင့် ပတ်သက်၍ သေဆုံးသူ၏ ဇနီးဖြစ်သူအား မေးမြန်းခဲ့ရာ ၎င်းသည် ကုန်ပစ္စည်းများ တင်ဆောင်ရာတွင် အမှားအယွင်းများရှိခဲ့၍ ငွေကြေးအခက်အခဲကြောင့် စိတ်ညစ်နေကြောင်း ပြောပြသိရှိရပြီး ဖြစ်စဉ်နှင့်ပတ်သက်၍ ဓမ္မတာ အတိုင်း သေဆုံး ခြင်း ဟုတ်မဟုတ် ဆက်လက်စစ်ဆေး ဆောင်ရွက်သွားမည်ဟုသိရသည်။
-
မိနစ်နှစ်ဆယ်နဲ့ ဖုန်းအားအပြည့်သွင်းနိုင်တဲ့ ခရီးဆောင်လေအားတာဘိုင်
-
ရေဘေးကြောင့် အသက်ဆုံးရှုံးခဲ့သူ (၃၀၀) နီးပါးနှင့် ပျောက်ဆုံးသူ (၈၀) ကျော်ရှိကြောင်းနစက ထပ်မံထုတ်ပြန်
-
အမျိုးသမီး (၁) ဦးကို တရုတ်မယားအဖြစ် ရော-င်းစားသူကို လူကု-န်ကူးမှုဖြင့် ထောင်ဒဏ် (၁၀)နှစ် ချမှတ်
-
ရေကြီးရေလျှံမှုကြောင့် ပျက်စီးခဲ့ရသည့် ရန်ကုန်-မန္တလေး ရထားလမ်းပိုင်း အမြန်ဆုံး ပြေးဆွဲနိုင်ရေး ရထားလမ်းနှင့် တံတားများ ပြန်လည် ပြုပြင်လျက်ရှိ
-
မကွေးတိုင်း မြို့နယ် (၅)ခုတွင် နေအိမ်နှင့် လမ်းများပေါ်သို့ သစ်ပင်လဲကျမှုနှင့် မြေပြိုမှုတို့ ဆက်တိုက်ဖြစ်ပွား
