CB Bank မှ ရေဘေးအတွက် ကျပ်သိန်းပေါင်း သုံးသောင်း မတည်လှူဒါန်းကြောင်း CB Bank ၏ သတင်းထုတ်ပြန်မှုအရ သိရသည်။
ထုတ်ပြန်မှုအရ CB Bank မှ ရေဘေးကျရောက်သည့်ဒေသများအတွက် ကျပ်သိန်းပေါင်း သုံးသောင်း မတည် လှူဒါန်းလျက်ရှိပြီး ဆက်လက်လှူဒါန်းသွားမည်ဖြစ်ကြောင်း သိရသည်။
၂၀၂၄ ခုနှစ် စက်တင်ဘာ ၁၄ ရက်မှစတင်၍ CB Bank မှ ရေဘေးကျရောက်သည့် ဒေသများအတွက် ကယ်ဆယ်ရေးနှင့် ပြန်လည်ထူထောင်ရေးလုပ်ငန်းများတွင် ပံ့ပိုးကူညီလှူဒါန်းရန်အတွက် စုစုပေါင်းကျပ်သိန်းပေါင်း သုံးသောင်း မတည်၍ လှူဒါန်းပေးလျက်ရှိရာ ကယ်ဆယ်ရေးနှင့် ပြန်လည်ထူထောင်ရေးစခန်းများ၊ ပရဟိတအသင်းများ၊ ကြက်ခြေနီအသင်းများနှင့် လိုအပ်သည့်နေရာများသို့ အလှူငွေများ၊ စက်လှေများ၊ အစားအသောက်များ၊ ဆေးဝါးများ စသည်တို့ကို နေ့စဉ်လှူဒါန်းပေးလျက်ကြောင်း0 သိရသည်။
ထပ်မံ၍လည်း ရေဘေးကျရောက်သည့် လိုအပ်နေသည့် ဒေသများထံသို့ လိုအပ်သည်များအား လှူဒါန်းပေးသွားပေးမည်ဖြစ်ပြီး ပြန်လည်ထူထောင်ရေးလုပ်ငန်းများတွင်လည်း ပါဝင်ကူညီလှူဒါန်းသွားမည်ဖြစ်ကြောင်း CB Bank ၏ သတင်းထုတ်ပြန်မှုအရ သိရသည်။
အလားတူ ဧရာဝတီဘဏ်ကလည်း ရေဘေးသင့်ပြည်သူများအတွက် ကျပ်သိန်းတစ်သောင်း တန်ဖိုးရှိ အစားအသောက် ရိက္ခာခြောက်များ၊ ဆန်၊ ဆီ၊ ငွေသား၊ ဆေးဝါး၊ ရေသန့်အပါအဝင် အဝတ်အထည်နှင့် အသုံးအဆောင် ပစ္စည်းများကို သွားရောက်လှူဒါန်းခဲ့ကြောင်း သိရသည်။
ယင်းအပြင် KBZ ဘဏ်ကလည်း ရေကြီးရေလျှံဖြစ်ပွားလျက်ရှိသော သဘာဝဘေးအန္တရာယ်သင့် နေရာဒေသ အသီးသီးအတွက် ဘဏ်ခွဲပေါင်း ၁၀၀ ကို အရေးပေါ်ကူညီရန်ဌာနများအဖြစ်သတ်မှတ်ကာ ဘဏ်ခွဲတစ်ခုလျှင် ကျပ်သိန်း ၁၀၀၀ ဖြင့် ကျပ်ငွေ ၁၀ ဘီလျံ မတည်၍ လှူဒါန်းခဲ့ကြောင်း သိရသည်။
-
အီတလီကမ်းရိုးတန်းအနီး လှိုင်းကြမ်းပင်လယ်တွင် လှေတစ်စင်းနစ်မြုပ်သဖြင့် အနည်းဆုံး ရွှေ့ပြောင်း ၅၉ ဦးသေဆုံး
-
ထိုင်ဝမ်ကိုကျူးကျော်နိုင်စွမ်းနှင့် ပတ်သက်၍ တရုတ်တွင် စိုးရိမ်မှုအချို့ရှိနေကြောင်း စီအိုင်အေအကြီးအကဲ ပြောကြား
-
ဆိုင်ကလုန်းမုန်တိုင်းဒဏ်မှ ပြန်လည်ထူထောင်ရေးအတွက် နိုင်ငံတကာ၌ ရန်ပုံငွေကောက်ခံမည့် အစီအစဉ်ကို နယူးဇီလန် စတင်
-
တူရကီကန့်ကွက်မှုကြောင့်ဆွီဒင်မပါဘဲ နေတိုးမဟာမိတ်အဖွဲ့ကို ဖင်လန်ဝင်ရောက်ရန် ပိုမိုနီးစပ်လာ
-
ထိုင်ဝမ်ရေလက်ကြားမှ အမေရိကန်ကင်းထောက်လေယာဉ် ပျံသန်းခဲ့ပြီးနောက် အမေရိကန်သည် ဒေသတွင်း တည်ငြိမ်အေးချမ်းမှုကို ခြိမ်းခြောက်နေသည်ဟု တရုတ်စွပ်စွဲ
