လက်ရှိအချိန်အထိ မြန်မာနိုင်ငံ၏ မော်တော်ယာဉ် တပ်ဆင်ထုတ်လုပ် ရောင်းချမှုလုပ်ငန်းကဏ္ဍတွင် Ford ၊ Daewoo ၊ Suzuki နှင့် Scania အမှတ်တံဆိပ်များဖြင့် မော်တော်ကား တပ်ဆင်ထုတ်လုပ် ရောင်း ချမှုလုပ်ငန်းကို နိုင်ငံပေါင်းခြောက်နိုင်ငံက နိုင်ငံခြားရင်းနှီးမြှုပ်နှံမှုပမာဏ ဒေါ်လာ သန်း ၆၄၀ ကျော်အထိ ဝင်ရောက်ထားပြီး စင်ကာပူနိုင်ငံက အများဆုံး ဖြစ်ကြောင်း ရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှုဦး စီးဌာနမှ သိရသည်။
ရန်ကုန်တိုင်းဒေသကြီး တောင်ဒဂုံစက်မှုဇုန်တွင် ဂျပန်နိုင်ငံ Suzuki (Myanmar)Motor Co.,Ltd က ရာနှုန်းပြည့် နိုင်ငံခြား ရင်းနှီးမြှုပ်နှံမှုဖြင့် ဒေါ်လာခုနစ်သန်းမြှုပ်နှံကာ Suzuki အမှတ်တံဆိပ် မော်တော်ယာဉ် တပ်ဆင်ထုတ်လုပ်ရောင်းချခြင်း လုပ်ငန်းလုပ်ကိုင်လျက်ရှိသည်။
တရုတ်ကုမ္ပဏီ Khaing Khaing Sang Da Group Co.,Ltd က ဖက်စပ်နိုင်ငံခြား ရင်းနှီးမြှုပ်နှံမှုဖြင့် ရွှေပြည်သာမြို့နယ်၊ သာဓုကန်စက်မှုဇုန် ၃၊ ၄တွင် ဒေါ်လာနှစ်သန်းကျော်မြှုပ်နှံကာ မော်တော်ယာဉ်ထုတ်လုပ် ခြင်းနှင့် ရောင်းချခြင်း လုပ်ကိုင်လျက်ရှိသည်။
မလေးရှားကုမ္ပဏီ Tan Chong Motor (Myanmar) Co.,Ltd က ရာနှုန်းပြည့် နိုင်ငံခြား ရင်းနှီးမြှုပ်နှံမှုဖြင့်လှိုင်သာယာစက်မှုဇုန်(၁)နှင့် ပဲခူးတိုင်းဒေသကြီးရှိ စက်မှုဇုန် နယ်မြေတို့တွင် Nissan အမှတ်တံဆိပ် မော်တော်ကား ထုတ်လုပ်ရောင်းချခြင်းလုပ်ငန်းကို ဒေါ်လာသန်း ၅၆၀ နီးပါးမြှုပ်နှံကာ လုပ် ကိုင်လျက်ရှိသည်။
စင်ကာပူကုမ္ပဏီ SC AUTO (Myanmar) Company Limited က ဖက်စပ်နိုင်ငံခြား ရင်းနှီးမြှုပ်နှံမှုဖြင့် ရန်ကုန်တိုင်းဒေသကြီး၊ မင်္ဂလာဒုံမြို့နယ်အတွင်း Scania အမှတ်တံဆိပ် ခရီးသည်တင်ယာဉ်များ တပ်ဆင်
ထုတ်လုပ် ရောင်းချခြင်း၊ပြုပြင်ခြင်းနှင့် ထိန်းသိမ်းရေးလုပ်ငန်း လုပ်ကိုင်လျက်ရှိသည်။
စင်ကာပူကုမ္ပဏီ CAPITAL MOTORS Limited က ဖက်စပ် နိုင်ငံခြား ရင်းနှီး မြှုပ်နှံမှုဖြင့် Ford အမှတ်တံဆိပ် မော်တော်ယာဉ်များ ထုတ်လုပ်ရောင်းချခြင်းလုပ်ငန်းကို ရန်ကုန်တိုင်းဒေသကြီး၊ ဒဂုံမြို့သစ်
(အရှေ့) စက်မှုဇုန်တွင်လည်းကောင်း၊ ဟောင်ကောင်ကုမ္ပဏီ Gold AYA Motors International Group Co.,Ltd က ဖက်စပ်နိုင်ငံခြား ရင်းနှီးမြှုပ်နှံမှုဖြင့် မန္တလေးတိုင်းဒေသကြီးအတွင်း ဒေါ်လာ ၁၅ သန်းကျော် မြှုပ်နှံ၍ လည်းကောင်း၊ စင်ကာပူကုမ္ပဏီ Shwe Daehan Motors Co.,Ltd က ရာနှုန်းပြည့်နိုင်ငံခြား ရင်းနှီးမြှုပ်နှံမှုဖြင့် သာဓုကုန်စက်မှုဇုန်၌ ဒေါ်လာ ၁၀ သန်းနီးပါးမြှုပ်နှံ၍လည်းကောင်း မော်တော်ယာဉ်နှင့် မော်တော်ဆိုင်ကယ်များ ထုတ်လုပ်ရောင်းချခြင်းနှင့်ရောင်း ချပြီးနောက်ပိုင်း ဝန်ဆောင်မှုပေးခြင်း လုပ်ငန်းကိုလည်း လုပ်ကိုင်လျက်ရှိသည်။
မလေးရှားကုမ္ပဏီ Go Excellent (Myanmar) Co.,Ltd က ဖက်စပ်နိုင်ငံခြား ရင်းနှီးမြှုပ်နှံမှုဖြင့် ရန်ကုန်တိုင်းဒေသကြီး ရွှေလင်ပန်းစက်မှုမြို့တွင် ဒေါ်လာ ခုနစ်သန်းကျော်မြှုပ်နှံကာ မော်တော်ယာဉ်တပ် ဆင်ထုတ်လုပ်ခြင်း လုပ်ငန်းလုပ်ကိုင်လျက် ရှိသည်။
ကိုရီးယားကုမ္ပဏီ Daewoo Bus Myanmar Co., Ltd က ဖက်စပ်နိုင်ငံခြားရင်းနှီးမြှုပ်နှံမှုဖြင့် မင်္ဂလာဒုံမြို့နယ်အတွင်း ဒေါ်လာ ငါးသန်းနီးပါးမြှုပ်နှံကာ ခရီးသည်တင် မော်တော်ယာဉ်များ တပ်ဆင်ထုတ်လုပ် ရောင်းချခြင်းလုပ်ငန်းနှင့် ပြုပြင်ခြင်းလုပ်ငန်းများကို လုပ်ကိုင်လျက်ရှိကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန မှ သိရသည်။
မြန်မာနိုင်ငံ၏ မော်တော်ယာဉ် ထုတ်လုပ်တပ်ဆင် ရောင်းချခြင်းလုပ်ငန်းကဏ္ဍတွင် စင်ကာပူ၊ ဟောင်ကောင်၊ မလေးရှား၊ ကိုရီးယား၊ တရုတ်နှင့် ဂျပန်နိုင်ငံတို့က ဒေါ်လာ သန်း ၆၄ဝကျော်မြှုပ်နှံကာ ဝင်ရောက် လုပ်ကိုင်နေခြင်းဖြစ်သည်။
-
လာအိုမြောက်ပိုင်း၌ ရေကြီးမှုကြောင့် စာသင်ကျောင်းအချို့ပိတ်ထားရ
-
တရားမဝင်ကမ္ဘောဒီးယားရွှေ့ပြောင်းလုပ်သားများ ဘန်ကောက်၌ထိန်းသိမ်းခံရ
-
တယ်လီကွန်းလိ-မ်လည်မှုတရားခံ တရုတ် ၁၃၁ ဦးကို တရုတ်သို့လွှဲပြောင်းပေး
-
ကလောမြို့ သောက်သုံးရေလုံလောက်စွာပေးဝေနိုင်ရေး ရေအေးကန်ဆည် ကြံ့ခိုင်မှုရှိရန်နှင့် ရေစစ်ကန် ကောင်းမွန်စွာ လည်ပတ်နိုင်ရေး လုပ်ဆောင်
-
နေပြည်တော် – တပ်ကုန်း – ပင်လောင်း ဖိုင်ဘာကေဘယ်လ်ဆက်ကြောင်း ပုံမှန်ပြန်ဖြစ်စေရေး ဒုတိယဝန်ကြီး ဆွေးနွေး
