မြေနှင့်ပတ်သက်၍ ထုတ်ပြန်ထားသည့် စည်းမျဉ်းစည်းကမ်း၊ ဥပဒေများကို တိကျစွာလိုက်နာဆောင်ရွက်သွားရန်လိုအပ်ပြီး မြို့မြေများ တိုးချဲ့ရာတွင် Town Plan များစနစ်တကျရေးဆွဲ၍ စည်းကမ်းနှင့်အညီ တင်ပြပြီးမှသာ လုပ်ငန်းများဆက်လက်ဆောင်ရွက်ရန် နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ပြောကြားခဲ့သည်။
စက်တင်ဘာ ၁၆ ရက်က ညောင်ဦးခရိုင်အတွင်းရှိ ဌာနဆိုင်ရာတာဝန်ရှိသူများနှင့် ပုဂံရှေးဟောင်း ယဉ်ကျေးမှုနယ်မြေ၊ ပုဂံယဉ်ကျေးမှုပြတိုက်၌ တွေ့ဆုံ၍ ဒေသဖွံ့ဖြိုးတိုးတက်ရေးဆိုင်ရာများကို ဆွေးနွေးစဉ် ထည့်သွင်းပြောကြားခဲ့ခြင်းဖြစ်သည်။
၎င်းက ပုဂံညောင်ဦးဒေသသည် ရှေးဟောင်းယဉ်ကျေးမှုအမွေအနှစ်မြေများရှိသည့်အတွက် မြေယာစီမံခန့်ခွဲမှုနှင့် ပတ်သက်၍ အထူးအလေးထား ဆောင်ရွက်ရေး၊ စိုက်ပျိုးမြေများကို အခြားနည်းများဖြင့် သုံးစွဲခြင်းကြောင့် ဒေသ၏ ဖူလုံရေးကို ထိခိုက်စေနိုင်သည့်အတွက် စနစ်တကျကြပ်မတ်ဆောင်ရွက်ရေးတို့ကို မှာကြားသည်ဟု သိရသည်။
ထို့ကြောင့် မြေလွတ်မြေရိုင်းများ၊ လယ်ယာမြေများ၊ ရှေးဟောင်းမြေများ စီမံခန့်ခွဲရာတွင် သတ်မှတ်ထုတ်ပြန်ထားသည့် စည်းမျဉ်းစည်းကမ်း၊ ဥပဒေတို့နှင့်အညီ တိကျစွာလိုက်နာလုပ်ဆောင်ရန်လိုအပ်ပြီး ဒေသရှိ မြေများကို အကျိုးရှိရှိ အသုံးချနိုင်ရေး Town Plan များ စနစ်တကျရေးဆွဲရမည်ဖြစ်ကြောင်း မှာကြားသည်။
ထိုသို့ Town Plan ရေးဆွဲရာတွင်လည်း ဘာသာရေးဆိုင်ရာအဆောက်အဦများ၊ စာသင်ကျောင်းများ၊ အုပ်ချုပ်ရေးဆိုင်ရာ ရုံး ဌာန အဆောက်အဦများ၊ အပန်းဖြေနေရာများကို စနစ်တကျထည့်သွင်းနိုင်ရေး အချိန်ယူဆွေးနွေးတိုင်ပင်၍ တွက်ချက်ရေးဆွဲသွားရန်လိုကြောင်းကိုလည်း ထပ်မံမှာကြားသည်။
နိုင်ငံတော်အစိုးရအနေဖြင့် ပုဂံရှေးဟောင်းယဉ်ကျေးမှုနယ်မြေသို့လာရောက်သည့် ပြည်တွင်း၊ ပြည်ပ ခရီးသွားများ ပိုမိုတိုးတက်စေရေးအတွက် ညောင်ဦးလေဆိပ်ကိုလည်း အဆင့်မြှင့်တင်နိုင်ရေး ဆောင်ရွက်နေပြီး တာဝန်ရှိသူများကလည်း မိမိတို့တာဝန်ထမ်းဆောင်ရသည့် ဒေသဖွံ့ဖြိုးတိုးတက်ရေး အတွက် အခြေအနေအရပ်ရပ်ကို ကြိုတင်တွက်ချက် လုပ်ဆောင်သင့်ကြောင်းလည်း ပြောကြားခဲ့သည်ဟု သိရသည်။
-
လက်ဘနွန်တောင်ပိုင်းတွင် မြေပြင်စစ်ဆင်ရေး စတင်ကြောင်း အစ္စရေးစစ်တပ် ကြေညာ
-
ဓနုဖြူမြို့နယ်မှ ရေဘေးသင့် ကျေးရွာ(၆)ရွာသို့ Malaysian Association Myanmar နှင့် မလေးရှား-မြန်မာ ကုန်သည်ကြီးများ အသင်းဝင်များနှင့်အတူ ကမ္ဘောဇဘဏ်မှ ထောက်ပံ့ရေးပစ္စည်းများ သွားရောက်လှူဒါန်း
-
ရေနံနှင့် သဘာဝဓာတ်ငွေ့ ကဏ္ဍ အပါအဝင် ရင်းနှီးမြှုပ်နှံမှုလုပ်ငန်း (၈) ခုခွင့်ပြုခဲ့
-
KARATHON မုန်တိုင်းအရှိန်ကြောင့် (၄၈) နာရီအတွင်း စစ်ကိုင်း၊ မန္တလေး၊ ရှမ်းရှေ့နှင့် မြောက်ပိုင်းတို့တွင် မိုးပိုများလာနိုင်
-
မန္တလေးတောင်ခြေ ကျောက်တော်ကြီးဘုရားပွဲ၌ အမျိုးသမီးများ အုပ်စုဖွဲ့၍ ခါးပိုက်နှိုက်မှုများ ကျူးလွန်နေ