ဧရာဝတီတိုင်းဒေသကြီး၊ ဓနုဖြူမြို့နယ်၊ ဖုန်းဆိုတောင်ကျေးရွာအုပ်စုမှ ရေဘေးသင့် ကျေးရွာ(၆)ရွာသို့ Malaysian Association Myanmar နှင့် မလေးရှား-မြန်မာ ကုန်သည်ကြီးများ၏ အသင်းဝင်များနှင့်အတူ ကမ္ဘောဇဘဏ်ဝန်ထမ်းများက ထောက်ပံ့ရေးပစ္စည်းများ သွားရောက်လှူဒါန်းပေးခဲ့ကြောင်း သိရသည်။
ဓနုဖြူမြို့နယ်၊ ဖုန်းဆိုတောင်ကျေးရွာအုပ်စုမှ ရေဘေးသင့်ကျေးရွာများဖြစ်သော သံလွင်ငူကျေးရွာ၊ ယင်းကထစ်ကျေးရွာ၊ တောင်ဇီးကျေးရွာ၊ ကျုံကောက်ကျေးရွာ၊ ဂရက်ကလှိုင်ကျေးရွာ၊ ကျောင်းရွာကျေးရွာများသို့ စက်တင်ဘာ (၂၉) ရက်တွင် ရေဘေးသင့်မိသားစု (၁၀၀) အတွက် ဆန်၊ ဆီ၊ ခေါက်ဆွဲခြောက်နှင့် ပဲ စသည်တို့ကို ပါဝင်လှူဒါန်းခဲ့ကြောင်း သိရသည်။
ထို့ပြင် မိသားစု (၅၀၀) အတွက် အကိုက်အခဲပျောက်သောက်ဆေးနှင့် လိမ်းဆေး၊ အနာလိမ်းဆေး၊ အစာအိမ်ဆေးနှင့် BPI ဓာတ်ဆားအစရှိသည့် အိမ်သုံးဆေးဝါးများကိုလည်း My- Medicine မှ ဝယ်ယူ၍ ထပ်လောင်းပံ့ပိုးလှူဒါန်းခဲ့ကြောင်း သိရသည်။
ထို့ပြင် ပဲခူးတိုင်းဒေသကြီး၊ တောင်ငူမြို့ရှိ တောင်ငူလော ကုတ္တရာမဟာစည် ဘုန်းကြီးကျောင်းမှ ရေဘေးသင့် အိမ်ထောင်စု (၂၅၀)နှင့် ရွှေလင်းယုန်ဘုန်းကြီးကျောင်းမှ ရေဘေးသင့် အိမ်ထောင်စု (၁၀၀)တို့အတွက် ဆန်၊ ငါးနီတူခြောက်ကြော်၊ ငါးသေတ္တာ၊ ခေါက်ဆွဲခြောက်၊ ပုစွန်ဘာလချောင်ကြော်၊ ပုစွန်ခြောက်ငါးပိကြော်၊ အသင့်စား ချဉ်ပေါင်ကြော်ဘူး၊ ရေသန့်နှင့် အဝတ်အစားများကို စက်တင်ဘာ (၃၀) ရက်က သွားရောက်လှူဒါန်းခဲ့ကြောင်း သိရသည်။
-
နိုင်ငံခြားငွေကြေးစျေးကွက်အတွင်း တစ်ဒေါ်လာ ကျပ် ၄၇၅၀ ဝန်းကျင်သို့ ရောက်ရှိလာပြီး တစ်လအတွင်း တစ်ဒေါ်လာလျှင် ကျပ် ၈၅၀ ကျဆင်း
-
(၁၉၀) ကြိမ်မြောက် မော်လမြိုင်မြို့လုံးကျွတ် ဆွမ်းဆန်စိမ်းလောင်းလှူပွဲ ကျင်းပ
-
မြန်မာအမျိုးသားလေကြောင်းလိုင်းက ရေဘေးကယ်ဆယ်ရေးပစ္စည်းများနှင့် ဆေးဝါးများကို အခမဲ့သယ်ဆောင်ပေးနေပြီး အာဆီယံ AHA Centre မှ ပေးပို့သည့် ကယ်ဆယ်ရေးပစ္စည်းများအား ထိုင်းနိုင်ငံမှတစ်ဆင့် သယ်ဆောင်ပေးခဲ့
-
လက်ဘနွန်တောင်ပိုင်းတွင် မြေပြင်စစ်ဆင်ရေး စတင်ကြောင်း အစ္စရေးစစ်တပ် ကြေညာ
-
ဓနုဖြူမြို့နယ်မှ ရေဘေးသင့် ကျေးရွာ(၆)ရွာသို့ Malaysian Association Myanmar နှင့် မလေးရှား-မြန်မာ ကုန်သည်ကြီးများ အသင်းဝင်များနှင့်အတူ ကမ္ဘောဇဘဏ်မှ ထောက်ပံ့ရေးပစ္စည်းများ သွားရောက်လှူဒါန်း