ဆိုစီဒက်အသင်းအား (၂-၀)ဂိုး ဖြင့်အနိုင်ရခဲ့သည့် လာလီဂါပွဲစဉ်အပြီးတွင် ရီးယဲလ်မက်ဒရစ်အသင်းအနေဖြင့် ဖိအားများနည်းပါးလာပြီဟု စပိန်မီဒီယာများဖော်ပြခဲ့ပြီး ဂျာမန်ကလပ်စတုဂတ်အသင်းနှင့် ယှဉ်ပြိုင်ကစားမည့် ၂၀၂၄-၂၅ ရာသီချန်ပီယံလိဂ် အုပ်စုအဖွင့်ပွဲစဉ်တွင် ကွင်းလယ်လူများဖြစ်သည့် ဘယ်လင်ဂမ်နှင့် ချူယာမန်နီတို့ ပါဝင်လာဖွယ်ရှိနေကြောင်း သိရသည်။
ရီးယဲလ်အသင်းသည် ပြီးခဲ့သည့် ၂၀၂၄ နွေစျေးကွက်အတွင်း အသင်း၏ ကာလရှည်ပစ်မှတ် ဘာပေအားခေါ်ယူနိုင်ခဲ့သော်လည်း ရာသီအစတွင် ခြေစွမ်းပြရန် ရုန်းကန်ခဲ့ရသလို အဓိက ကစားသမားများ၏ ဒဏ်ရာပြဿနာများကြောင့် ဖိအားများနှင့် ရင်ဆိုင်ခဲ့ရခြင်းဖြစ်သည်။
သို့သော် လက်ရှိတွင် ဘာပေအနေဖြင့် ဂိုးများဆက်တိုက်သွင်းယူကာ ခြေစွမ်းပြလာနိုင်သလို၊ အသင်းဖော် ဗင်နီစီယပ်စ်၊ ရိုဒရီဂိုတို့နှင့် တွဲဖက်ညီစွာကစားနိုင်ခဲ့ပြီး အဝတ်လဲခန်းအတွင်း ယုံကြည်မှုပြန်လည်မြင့်တက်နေကြောင်း စပိန်အား ကစားသတင်းစာ Football Espana က ဖော်ပြခဲ့သည်။
ထို့ပြင် လက်ရှိဒဏ်ရာကြောင့် အနားယူနေရသည့် အင်္ဂလန်ကြယ်ပွင့် ကွင်းလယ်လူ ဘယ်လင်ဂမ်နှင့် ပြင်သစ်ကွင်းလယ်လူ ချူယာမန်နီတို့မှာလည်း စတုဂတ်အသင်းနှင့် ယှဉ်ပြိုင်ကစားမည့် (စက်တင်ဘာ ၁၈) ချန်ပီယံအုပ်စုအဖွင့်ပွဲစဉ်တွင် ပြန်လည်ပါဝင်လာမည်ဖြစ်ကြောင်း သိရသည်။
ဘယ်လင်ဂမ်သည် ရီးယဲလ်အသင်းအတွက် ယခုရာသီတွင် လာလီဂါအဖွင့်ပွဲစဉ် (၁)ပွဲသာပါဝင်ကစားထားပြီး နောက်ကျောဒဏ်ရာအား ခွဲစိတ်မှုပြုလုပ်ခဲ့သလို၊ ချူယာမန်နီမှာလည်း ပြီးခဲ့သည့် နိုင်ငံတကာရက်သတ္တပတ်အတွင်း ဒဏ်ရာရရှိခဲ့ခြင်းဖြစ်ပြီး လက်ရှိတွင် နှစ်ဦးစလုံး ကြံ့ခိုင်မှုပြန်လည်ပြည့်ဝနေပြီဖြစ်ကြောင်း သိရသည်။
-
ကလောမြို့ပေါ် ရပ်ကွက်(၆)ခုမှ လူဦးရေ (၄၄၀၀)ကျော်အတွက် အလှည့်ကျစနစ်ဖြင့် သောက်သုံးရေများ ပြန်လည် ဖြန့်ဝေပေးနိုင်
-
အမြန်လမ်းတွင် ရေဘေးသင့်ဒေသသို့ သွားရောက်လှူဒါန်းသည့် အလှူကား(၁)စီး တိမ်းမှောက်မှု ထပ်မံဖြစ်ပွား
-
ပုဂံရှေးဟောင်းယဉ်ကျေးမှုနယ်မြေအတွင်း မိုးသည်းထန်စွာရွာသွန်းမှုကြောင့် သစ်ပင်လဲကျမှုများ ဆက်တိုက်ဖြစ်ပေါ်
-
ထိုင်းနိုင်ငံတွင် တန်းစီဝယ်ယူခဲ့ရသည့် iPhone 16S ကို ပထမဆုံးဝယ်ယူနိုင်ခဲ့သူမှာ မြန်မာအမျိုးသမီးတစ်ဦးဖြစ်
-
ဒညင်းကုန်းဂေါက်ကွင်းအနီးတွင် လမ်းဘေး၌ရပ်ထားသည့် လိုက်ထရပ်ယာဉ်အား ဘိလပ်မြေယာဉ်မှ တိုက်မိသဖြင့် ခြောက်ဦးဒဏ်ရာရရှိ