တစ်နှစ်ခွဲကျော်ကြာပြီးနောက် ပါတီမှတ်ပုံတင်ခွင့် ရရှိခဲ့ပြီဖြစ်သည် မွန်ညီညွတ်ရေးပါတီအနေဖြင့် ပါတီတွင်း စည်းလုံးရေးလုပ်ငန်းစဉ်များကို ဦးစားပေးပြန်လည်တည်ဆောက်သွားမည်ဖြစ်ကြောင်း ယင်းပါတီ၏ ပြောရေး ဆိုခွင့်ရှိသူ နိုင်သန်းရွှေက ပေါ်ပြူလာနယူးစ်သို့ ပြောသည်။
ယမန်နေ့ စက်တင်ဘာ (၁၅)ရက်က ပြလုပ်ခဲ့သည့် ပါတီဗဟိုအလုပ်အမှုဆောင်အစည်းအဝေးအတွင်း ထိုသို့ ဆုံးဖြတ်ချက်ချခဲ့ခြင်းဖြစ်ကြောင်း ၎င်းက ဆိုသည်။
ထို့ပြင် မွန်ညီညွတ်ရေးပါတီအနေဖြင့် တိုင်းရင်းသားပါတီများအပြင် ဒီမိုကရက်တစ် အင်အားစုနိုင်ငံရေးပါတီများဖြင့် မိတ်ဖွဲ့ကာ ဖက်ဒရယ်ဒီမိုကရေစီ ပြည်ထောင်စု ပေါ်ပေါက်လာသည်အထိ လက်တွဲဆောင်ရွက်သွားရန်လည်းဆုံးဖြတ်ချက်ထားကြောင်း ၎င်းက ဆိုသည်။
” ကျွန်တော်တို့ ပါတီမှတ်ပုံတင်ခွင့်ကျပြီးနောက်မှာ ပါတီတည်ဆောက်ရေး လုပ်ငန်းတွေပြန်ပြီးလုပ်ဖို့ရှိတယ်။ နောက်ပါတီဝင်တွေကို အောက်ခြေအဆင့်အထိ သေချာ ပြန်လည်စိစစ်ဖို့ပေါ့။ ပြည်တွင်းမှာရှိတဲ့ နိုင်ငံရေးပါတီအားလုံး တိုင်းရင်းသားပါတီတွေရော ဒီမိုကရက်တစ်ပါတီတွေရော ပူးပေါင်းပြီးလုပ် ဆောင်သွားဖို့ပေါ့။ အဓိက ကတော့ ပါတီတွင်း အခြေအနေတွေပေါ် ပြန်သုံးသပ်တာပေါ့။ တစ်နှစ်ခွဲကျော်ကြာသွားတော့ ပါတီဝင်အားလုံး ကွဲကုန်တော့ ပြန်စုစည်းမှာပေါ့”ဟု ၎င်းက ရှင်းပြသည်။
မွန်ညီညွတ်ရေးပါတီ မှတ်ပုံတင်ခွင့်ခြင်းကို ယမန်နှစ် မတ်လ (၁၅)ရက်တွင်ဆောင်ရွက်ခဲ့ကြပြီး တစ်နှစ်ခွဲကျော်အကြာ ယခုလ စက်တင်ဘာ (၉)ရက်တွင် ပြည်ထောင်စုရွေးကောက်ပွဲကော်မရှင် (UEC)က နိုင်ငံရေးပါတီများ မှတ်ပုံတင်ခြင်းဥပဒေပုဒ်မ (၉)နှင့်အညီ မှတ်ပုံတင်ခွင့်ပြုလိုက်ခြင်းဖြစ်သည်။
ပါတီအနေဖြင့် မွန်ပြည်နယ်တစ်ဝန်း မဲဆန္ဒနယ်များအားလုံးကို ကိုယ်စားပြုထားပြီး ပါတီမှတ်ပုံတင်အမှတ်မှာ (၅၂) ဖြစ်သည်။
ပါတီရုံးချုပ်ကို မွန်ပြည်နယ်၊ မော်လမြိုင်မြို့၊ မြိုင်သာယာရပ်ကွက်၊ (၁၉) လမ်း၊ အိမ်အမှတ် (၁၆) တွင် ဖွင့်လှစ်ထားပြီး၊ လက်ရှိ UEC ၌ ပါတီမှတ်ပုံတင်ခွင့်ပြုခဲ့သည့် နိုင်ငံရေးပါတီ (၅၂) ပါတီရှိလာပြီဖြစ်သည်။
-
ဗီယက်နမ်တိရစ္ဆာန်ရုံများ၌ ကြက်ငှက်တုပ်ကွေးကြောင့် ကျား ၄၇ ကောင်သေဆုံး
-
အမေရိကန်သမ္မတဟောင်း ဂျင်မီကာတာ၏ အသက် ၁၀၀ ပြည့်မွေးနေ့တွင် ဂျိုးဘိုင်ဒင်က ဂုဏ်ပြုစကားပြောကြား
-
ဥပဒေပါတားမြစ်ချက်များအား ကုမ္ပဏီ/အဖွဲ့အစည်းက ကျူးလွန်ပါက ငွေဒဏ်သိန်းသုံးထောင်အထိ ချမှတ်နိုင်သော အကြမ်းဖက်မှုတိုက်ဖျက်ရေးဥပဒေကို ပြင်ဆင်ပြဋ္ဌာန်း
-
လူဦးရေနှင့် အိမ်အကြောင်းအရာ သန်းခေါင်စာရင်း ကောက်ယူခြင်းကို နိုင်ငံတစ်ဝန်း စာရင်းစစ်၊ စာရင်းကောက် ၄၂၀၀၀ ခန့်ဖြင့် ဆောင်ရွက်လျက်ရှိဟုဆို
-
တာခ်ီလိတ္ၿမိဳ႕နယ္ လြယ္ေတာ္ခမ္းေက်း႐ြာရွိ မယ္ဆိုင္ေခ်ာင္းကူးတံတား ေခ်ာင္းေရျဖင့္ ေမ်ာပါပ်က္စီးခဲ့ၿပီး လူႏွင့္ ေမာ္ေတာ္ဆိုင္ကယ္မ်ား ျဖတ္သန္းႏိုင္ရန္ ယာယီတံတား ေဆာက္လုပ္ထား