တာချီလိတ်မြို့နယ် လွယ်တော်ခမ်းကျေးရွာရှိ မယ်ဆိုင်ချောင်းကူးတံတား ချောင်းရေဖြင့် မျောပါပျက်စီးခဲ့ပြီး လူနှင့် မော်တော်ဆိုင်ကယ်များ ဖြတ်သန်းနိုင်ရန် ယာယီတံတား ဆောက်လုပ်ထားကြောင်း သိရသည်။
ရှမ်းပြည်နယ်(အရှေ့ပိုင်း) တာချီလိတ်မြို့နယ်အတွင်း မိုးသည်းထန်စွာ ရွာသွန်းမှုကြောင့် မယ်ဆိုင်ချောင်းရေမြင့်တက်လာပြီး လွယ်တော်ခမ်းကျေးရွာရှိ အရှည် ၁၀၀ ပေ၊ အကျယ် ၁၅ ပေရှိ မယ်ဆိုင် ချောင်းကူး သံဘောင်ဘေလီတံတားသည် ရေစီးနှင့်မျောပါပျက်စီးသွားခဲ့ရကြောင်း သိရသည်။
အဆိုပါတံတားပျက်စီးခဲ့သည့်နေရာ၌ ယခုအခါ ယာယီတံတား ဆောက်လုပ်ထားရှိ၍ မော်တော်ဆိုင်ကယ်နှင့် လူများဖြတ်သန်း သွားလာနိုင်ရန် ဆောင်ရွက်ထားရှိပြီးဖြစ်ကာ တံတားအသစ်အား အမြန်ဆုံးပြန်လည်တည်ဆောက်နိုင်ရေး ဆောင်ရွက်လျက်ရှိကြောင်း သိရသည်။
မယ်ဆိုင်ချောင်းကူးတံတား ပျက်စီးခဲ့သည့်နေရာအား အောက်တိုဘာ ၁ ရက်တွင် တြိဂံဒေသတိုင်းစစ်ဌာနချုပ် တိုင်းမှူး ဗိုလ်မှူးချုပ်စိုးလှိုင်နှင့် တာဝန်ရှိသူများက သွားရောက်ကြည့်ရှုပြီး တာဝန်ရှိသူများ၏ တင်ပြချက်များပေါ် လိုအပ်သည်များ ညှိနှိုင်းဆောင်ရွက်ပေးခဲ့ကြောင်း သိရသည်။
-
ထိုင်းရဲတပ်ဖွဲ့က ကျောင်းကား မီးလောင်မှုဖြစ်စဉ်နှင့်ပတ်သက်၍ ယာဉ်မောင်းကို ဖမ်းဆီး
-
ထိုင်ဝမ်တွင် ဆေးရုံ မီးလောင်မှုကြောင့် လူကိုးဦး သေဆုံး
-
ဗီယက်နမ်တိရစ္ဆာန်ရုံများတွင် ငှက်တုပ်ကွေးကြောင့် ကျားအကောင်ရေ ၄၇ ကောင် သေဆုံး
-
လေဗာကူဆင်ကို ရှုံးနိမ့်ခဲ့သော်လည်း အသင်း၏စွမ်းဆောင်ရည်မှာ မိမိလက်ထက်တွင် အကောင်းဆုံးဖြစ်ခဲ့ကြောင်း အေစီမီလန်နည်းပြ ဖွန်ဆီကာ ပြောကြား
-
မေဂျာလိဂ် ပုံမှန်ရာသီပြီးဆုံးရန် နှစ်ပွဲအလိုမှာပင် အင်တာမိုင်ယာမီအသင်း Supporters' Shield ချန်ပီယံဆုဆွတ်ခူးနိုင်ခဲ့ပြီး မက်ဆီအတွက် ၄၆ ကြိမ်မြောက် ဆုဖလားအောင်မြင်မှုဖြစ်လာ