အီရတ်နိုင်ငံတွင် အခက်အခဲကြုံတွေ့နေရသည့် ချင်းတိုင်းရင်းသူနှင့် ရခိုင်တိုင်းရင်းသူတို့အား ကိုင်ရိုမြို့ရှိ မြန်မာသံရုံးမှ ကာဒစ္စတန် ကိုယ်ပိုင်အုပ်ချုပ်ခွင့်ရဒေသ အစိုးရထံ သံတမန်စာပေးပို့၍ ညှိနှိုင်းကာ အမိနိုင်ငံသို့ ပြန်လည်ခေါ်ဆောင်နိုင်ခဲ့ကြောင်း သိရသည်။
အီရတ်နိုင်ငံ၊ အာဘေးမြို့တွင် အခက်အခဲကြုံတွေ့နေရသည့် မြန်မာနိုင်ငံသား ချင်းတိုင်းရင်းသူ Lal Lawm Tluangi နှင့် ရခိုင်တိုင်းရင်းသူ မစန္ဒီလင်းတို့အား အမိနိုင်ငံသို့ အမြန်ဆုံးပြန်လည်ပို့ဆောင်နိုင်ရန် ကိုင်ရိုမြို့ရှိ မြန်မာသံရုံးမှ ကာဒစ္စတန် ကိုယ်ပိုင်အုပ်ချုပ်ခွင့်ရဒေသ အစိုးရထံ သံတမန်စာပေးပို့၍ ညှိနှိုင်းဆောင်ရွက်ခြင်း၊ SEED Organization နှင့် ပူးပေါင်းဆောင်ရွက်ခဲ့ကြောင်း သိရသည်။
ထိုသို့ဆောင်ရွက်ခဲ့ရာမှ ၎င်းတို့နှစ်ဦးမှာ မြန်မာနိုင်ငံသို့ ပြန်လည်ထွက်ခွာခွင့် (Exit permit) ရရှိခဲ့ရာ စက်တင်ဘာ (၁၂) ရက်တွင် Erbil – Istanbul – Bangkok – Yangon ခရီးစဉ်ဖြင့် ထွက်ခွာခဲ့ကြပြီး စက်တင်ဘာ (၁၄) ရက် ရန်ကုန်မြို့သို့ ပြန်လည်ရောက်ရှိခဲ့ကြောင်း သိရသည်။
နိုင်ငံတော် အစိုးရအနေဖြင့် ပြည်ပတွင် အလုပ်လုပ်ကိုင်စဉ် အခက်အခဲ ကြုံတွေ့ရသည့် မြန်မာနိုင်ငံသားများအား မြန်မာသံရုံးနှင့် မြန်မာကောင်စစ်ဝန်ချုပ်ရုံးတို့မှ ညှိနှိုင်းကူညီဆောင်ရွက်မှုဖြင့် အမိနိုင်ငံသို့ ပြန်လည်ခေါ်ဆောင်ပေးလျက်ရှိကြောင်း သိရသည်။
-
ဗီယက်နမ်တိရစ္ဆာန်ရုံများ၌ ကြက်ငှက်တုပ်ကွေးကြောင့် ကျား ၄၇ ကောင်သေဆုံး
-
အမေရိကန်သမ္မတဟောင်း ဂျင်မီကာတာ၏ အသက် ၁၀၀ ပြည့်မွေးနေ့တွင် ဂျိုးဘိုင်ဒင်က ဂုဏ်ပြုစကားပြောကြား
-
ဥပဒေပါတားမြစ်ချက်များအား ကုမ္ပဏီ/အဖွဲ့အစည်းက ကျူးလွန်ပါက ငွေဒဏ်သိန်းသုံးထောင်အထိ ချမှတ်နိုင်သော အကြမ်းဖက်မှုတိုက်ဖျက်ရေးဥပဒေကို ပြင်ဆင်ပြဋ္ဌာန်း
-
လူဦးရေနှင့် အိမ်အကြောင်းအရာ သန်းခေါင်စာရင်း ကောက်ယူခြင်းကို နိုင်ငံတစ်ဝန်း စာရင်းစစ်၊ စာရင်းကောက် ၄၂၀၀၀ ခန့်ဖြင့် ဆောင်ရွက်လျက်ရှိဟုဆို
-
တာခ်ီလိတ္ၿမိဳ႕နယ္ လြယ္ေတာ္ခမ္းေက်း႐ြာရွိ မယ္ဆိုင္ေခ်ာင္းကူးတံတား ေခ်ာင္းေရျဖင့္ ေမ်ာပါပ်က္စီးခဲ့ၿပီး လူႏွင့္ ေမာ္ေတာ္ဆိုင္ကယ္မ်ား ျဖတ္သန္းႏိုင္ရန္ ယာယီတံတား ေဆာက္လုပ္ထား
