စက်တင်ဘာ ၂၀ ရက်တွင် ထိုင်းနိုင်ငံ ဘန်ကောက်မြို့၌ကျင်းပမည့် ONE Friday Fights 80 ပြိုင်ပွဲတွင် မြန်မာဖိုက်တာ သွေးသစ်ဝင်းလှိုင်၏တွဲဆိုင်း ပါဝင်လာမည်ဖြစ်ကြောင်း သိရသည်။
သွေးသစ်ဝင်းလှိုင်သည် ONE Championship အဖွဲ့အစည်းနှင့် လက်တွဲပြီးနောက် ဒုတိယမြောက်ပွဲစဉ်အဖြစ် ဥဇဘက်ကစ္စတန် နိုင်ငံသား ကာကိုရော့ဗ်နှင့် ယှဉ်ပြိုင်ထိုးသတ်ရမည်ဖြစ်သည်။ သွေးသစ်ဝင်းလှိုင်နှင့် ထိုးသတ်မည့် ဥဇဘက်ကစ္စတန်ဖိုက်တာမှာမူ ONE Championship နှင့် လက်တွဲပြီးနောက် ပထမဆုံးပွဲ ထိုးသတ်ရခြင်းဖြစ်သည်။
သွေးသစ်ဝင်းလှိုင်သည် ပထမပွဲထိုးသတ်ပြီးနောက် သုံးလကျော်အကြာတွင် ဒုတိယပွဲထိုးသတ်ရခြင်းဖြစ်ပြီး ပထမပွဲအရေးနိမ့်ထားသဖြင့် ယခုပွဲတွင် အနိုင်ရရန် လိုအပ်နေသည်။ ယခု ပွဲအနိုင်ရမှသာ သွေးသစ်ဝင်းလှိုင်အနေဖြင့် လာမည့်ပွဲများတွင် ပိုမိုကောင်းမွန်သည့် ပြိုင် ဘက်များနှင့် ရင်ဆိုင်ရဖွယ်ရှိနေသည်။
သွေးသစ်ဝင်းလှိုင်သည် ဇွန် ၇ ရက်တွင် ပထမဆုံးပွဲအဖြစ် ထိုင်းဖိုက်တာ ခွန်ဆက်နှင့် ယှဉ်ပြိုင်ထိုးသတ်ရာ သုံးချီပြည့်သည်အထိ အရှုံးအနိုင်မပေါ်ဘဲ အမှတ်ဖြင့် ဆုံးဖြတ်ရာ အရေးနိမ့်ခဲ့သည်။ သွေးသစ်ဝင်းလှိုင်သည် ယင်းပွဲတွင် လက်စွမ်းပြနိုင်ခြင်းမရှိဘဲ အလဲထိုးခံရခြင်းမရှိသော်လည်း အမှတ်ဖြင့် ဆုံးဖြတ်ရာတွင် အသာမရဘဲ ရှုံးနိမ့်ခဲ့ခြင်းဖြစ်သည်။
သောကြာညတွင်ကျင်းပသည့် ONE Friday Fights ပြိုင်ပွဲ၌ မြန်မာဖိုက်တာများ၏ တွဲဆိုင်းများ ဆက်တိုက်ပါဝင်လျက်ရှိသည်။ စက်တင်ဘာ ၂၇ ရက်တွင်ကျင်းပမည့် ONE Friday Fights 81 ပြိုင်ပွဲ၌ နာမည်ကြီး မြန်မာဖိုက်တာများဖြစ်သည့် စိုးလင်းဦးနှင့် သန့်ဇင်တို့၏တွဲဆိုင်းများ ပါဝင်မည်ဖြစ်ကြောင်း သိရသည်။
-
ဆန္ဒမပြသည့် ဆရာဝန်များကို အမည်ပျက်စာရင်းသွင်းသူကိုဖမ်းပြီ
-
ရေဘေးအလှူငွေလက်ခံပွဲတွင် ကျပ် ၃၂ ဘီလီယံကျော်ရရှိ
-
ရေဘေးကူညီကယ်ဆယ်ရေးနှင့်ပြန်လည်ထူ ထောင်ရေးလုပ်ငန်းများအတွက် အစိုးရမှ ငွေကျပ်ဘီလီယံ ၃၀ သုံးစွဲသွားမည်
-
မြန်မာရေဘေးသင့်ပြည်သူများကို ကူညီရန် OCHA နှင့်အတူ လူသားချင်းစာနာမှုဆိုင်ရာ ယာယီညှိနှိုင်းရေးမှူးတို့ ထပ်တိုးရန်ပုံငွေရရှိရေး အားစိုက်ကြိုးပမ်းနေဟု UNOCHA Myanmar ထုတ်ပြန်
-
မြန်မာပြည် အလွတ်တန်းချန်ပီယံ စိန်ခေါ်ပွဲအတွက် အဆင်သင့်ဖြစ်နေပြီဟု အသိပေးလိုက်သည့် ထွန်းထွန်းမင်း
