စက်တင်ဘာ ၁၅ ရက်က နစက ဥက္ကဋ္ဌ သည် နေပြည်တော်ကောင်စီနယ်မြေအတွင်းရှိ ကင်းသာရေထိန်းတမံသို့ သွားရောက်ကြည့်ရှုစစ်ဆေးစဉ် ထည့်သွင်းမှာကြားခဲ့ခြင်း ဖြစ်သည်။
ချောင်းအထက်ပိုင်း၌ သစ်ပင်များကို အများအပြားထုတ်ယူခြင်းကြောင့် ရေစီးဆင်းမှုနှုန်းထိန်းသိမ်းနိုင်စွမ်းအားနည်းလာကာ ယခုကဲ့သို့ မိုးအဆက်မပြတ်ရွာသွန်းချိန်တွင် ရေအလုံးအရင်းဖြင့် စီးဆင်းခဲ့ခြင်းဖြစ်သည်ဟု ပြောသည်။
ထို့အတူ သစ်ပင်သစ်တုံးများကို ခုတ်ယူပြီး ချောင်းကမ်းနဖူးများတွင် စုပုံထားခြင်းကြောင့် ရေစီးနှင့်အတူမျောပါလာသည့် သစ်တုံးကြီးများ၏ ရိုက်ခတ်မှုများကြောင့် ရေလမ်းကြောင်းတစ်လျှောက်ထိခိုက်ပျက်စီးမှုများနှင့် တမံကျိုးပေါက်ခြင်းများဖြစ်ပေါ်ခဲ့ခြင်းဖြစ်သည်ဟု ပြောသည်။
” ဒါ့ကြောင့် ရေလမ်းကြောင်းရှင်းလင်းတာ တမံထဲမှာပြည့်နှက်နေတဲ့ နုန်းတွေ သဲတွေဖယ်ထုတ်တာတွေကို အဆင့်လိုက်ဆောင်ရွက်ရပါမယ်။ ကနဦးအနေနဲ့ အပျက်အစီးတွေရှင်းလင်းတာ တမံဧရိယာပြန်လည်ဖော်ဆောင်တာတွေကို အရင်ဆုံးလုပ်ပြီးမှသာ ကျိုးပေါက်နေတဲ့တမံနေရာတွေကို စနစ်တကျနဲ့ ပြန်လည်ပြုပြင်သွားနိုင်မှာပါ”ဟု နစက ဥက္ကဋ္ဌကမှာကြားသည်။
ထို့နောက် နစက ဥက္ကဋ္ဌသည် ကင်းသာတမံအတွင်း သောင်ထွန်းနေမှု၊ တောင်ကျချောင်းရေများ အရှိန်အဟုန်ဖြင့် စီးဝင်ခဲ့မှုကြောင့် တမံကျိုးပေါက်နေမှု၊ သစ်ပင်သစ်တုံးကြီးများ တမံအတွင်း ပိတ်ဆို့နေမှုတို့ကို ကြည့်ရှုစစ်ဆေးခဲ့ကြောင်း သိရသည်။
ကင်းသာရေထိန်းတမံသည် ၁၉၉၄-၁၉၉၅ ခုနှစ်တွင် တည်ဆောက်ပြီးစီးခဲ့ကာ မြေသားတမံအမျိုးအစားဖြစ်ပြီး တမံအတွင်း(၇၂)ဧကပေသာ သိုလှောင်ထိန်းသိမ်းနိုင်သည့် ရေထိန်းတမံငယ်ဖြစ်၍ “ယာဂီ” မုန်တိုင်းအရှိန်ကြောင့် မိုးရွာသွန်းမှုများပြားပြီး ကင်းသာရေထိန်းတမံအတွင်း ရေဝင်ရောက်မှုများပြားကာ တမံထိပ်မျက်နှာပြင်မှ ၃ ပေအထိ ရေကျော်စီးဆင်းခဲ့သည်။
ထို့ပြင် တမံ၏ ရေထုတ်ပြွန်အနီးတွင်လည်း ရေတိုက်စားမှုများဖြစ်ပေါ်ခဲ့ကာ တမံအတွင်း သိုလှောင်နိုင်သည့် ရေပမာဏထက် ၁၂ ဆခန့်ရှိသည့် တောင်ကျချောင်းရေများဝင်ရောက်ခဲ့ခြင်း၊ တောင်ကျချောင်းရေနှင့်အတူ သဲနုန်းပို့ချခြင်းများရှိခဲ့ခြင်းတို့ကြောင့် တမံမှ ရေသိုလှောင်နိုင်ခြင်းမရှိတော့ဘဲ မြေသားပေါင်ထိခိုက်ပျက် စီးခဲ့ခြင်းဖြစ်သည်။
ထို့အတူ ကင်းသာသစ်ဆိပ်မှ သစ်လုံးကြီးများ ရေစီးကြောင်းအတိုင်းမျောပါကာ ရေထိန်းတမံအား အရှိန်အဟုန်ဖြင့်ဝင်ဆောင့်ခဲ့မှုများကြောင့်လည်း တမံထိခိုက်ပျက်စီးခဲ့ရခြင်းဖြစ်ကြောင်း သိရသည်။
-
ကိုရီးယားသို့ အလုပ်သွားရောက်လုပ်ကိုင်ရန် ကုန်ထုတ်လုပ်ငန်းအတွက် ပထမအသုတ် စာမေးပွဲကို အောက်တိုဘာ ၁၅ ရက်တွင် ပြုလုပ်မည်
-
မိုးသည်းထန်စွာ ရွာသွန်းမှုကြောင့် မြစ်သားမြို့နယ်အတွင်းရှိ ရပ်ကွက် ကျေးရွာ ၁၅ ရွာများမှ လူဦးရေ ၁၉၈၄၅ ဦး ရေဘေးသင့်ခဲ့
-
MSME လုပ်ငန်းများ ဖွံ့ဖြိုးတိုးတက်စေရန် နိုင်ငံတော်မှ ငွေကျပ် (၁၅၀) ဘီလီယံ မတည်ပြီး PFI ဘဏ်များမှ တဆင့် ချေးငွေများကို စနစ်တကျ ထုတ်ချေးနိုင်ရေး လုပ်ဆောင်နေ
-
ရုရှား – မြန်မာ နှစ်နိုင်ငံအကြား ကုန်သွယ်ရေး၊ ပညာရေး၊ ခရီးသွားလာရေးကဏ္ဍများ ပိုမိုတိုးမြှင့်ရေးဆွေးနွေး
-
International Army Games- 2021 ပိတ်ပွဲအခမ်းအနားသို့ တက်ရောက်ရန် ဒုတိယတပ်မတော်ကာကွယ်ရေး ဦးစီးချုပ် ဒုတိယဗိုလ်ချုပ်မှူးကြီး စိုးဝင်း ရုရှားနိုင်ငံသို့ သွားရောက်