ရုရှား – မြန်မာ နှစ်နိုင်ငံအကြား ကုန်သွယ်ရေး၊ ပညာရေး၊ ခရီးသွားလာရေးကဏ္ဍများ ပိုမိုတိုးမြှင့်ရေး ကိစ္စရပ်များနှင့် ပတ်သက်၍ နိုင်ငံခြားရေးဝန်ကြီးဌာန၊ ဒုတိယဝန်ကြီး ဦးလွင်ဦးနှင့် ရုရှားဖက်ဒရေးရှင်းနိုင်ငံ သံအမတ်ကြီး မစ္စတာ အီစ်ကန်ဒဲ အာဇီဇော့ဖ်တို့ အမြင်ချင်းဖလှယ်ဆွေးနွေးခဲ့ကြကြောင်း သိရသည်။
နိုင်ငံခြားရေးဝန်ကြီးဌာန၊ ဒုတိယဝန်ကြီး ဦးလွင်ဦးသည် ပြည်ထောင်စုသမ္မတမြန်မာနိုင်ငံတော်ဆိုင်ရာ ရုရှားဖက်ဒရေးရှင်းနိုင်ငံသံအမတ်ကြီး မစ္စတာ အီစ်ကန်ဒဲ အာဇီဇော့ဖ် အား အောက်တိုဘာ(၃) ရက်၊ နံနက် (၁၀)နာရီတွင် နေပြည်တော်ရှိ နိုင်ငံခြားရေးဝန်ကြီးဌာန၊ ဒုတိယဝန်ကြီး၏ ဧည့်ခန်းမ၌ လက်ခံတွေ့ဆုံဆွေးနွေးခဲ့ခြင်းဖြစ်သည်။
ထိုသို့တွေ့ဆုံစဉ် နှစ်နိုင်ငံအကြား ချစ်ကြည်ရင်းနှီးသော ဆက်ဆံရေး တိုးတက်ခိုင်မာစေရေးနှင့် ကုန်သွယ်ရေး၊ ပညာရေး၊ ခရီးသွားလာရေးကဏ္ဍ အပါအဝင် ပူးပေါင်းဆောင်ရွက်မှုများ ပိုမိုတိုးမြှင့်ရေးတို့ကို ဆွေးနွေးခဲ့ကြသည်။
ထို့ပြင် နှစ်နိုင်ငံ ပူးပေါင်းဆောင်ရွက်မှုများ ပိုမိုတိုးမြှင့်ရေး ကိစ္စရပ်များ၊ ဒေသတွင်းနှင့် နိုင်ငံတကာမျက်နှာစာတွင် ပိုမိုနီးကပ်စွာ ပူးပေါင်းဆောင်ရွက်သွားရေးကိစ္စရပ်များနှင့် ပတ်သက်၍လည်း ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြကြောင်း သိရသည်။
-
အီရန်နှင့် အစ္စရေးတို့ ချောက်ကမ်းပါးစွန်းမှ နောက်ပြန်ဆုတ်ကြရန် ကမ္ဘာ့အင်အားကြီးနိုင်ငံများက တောင်းဆို
-
တယ်အဲဗစ်မြို့တွင် ဟားမာ့စ်အဖွဲ့၏ တိုက်ခိုက်မှုအတွင်း လူခုနစ်ဦး သေဆုံး
-
ကိုရီးယားသို့ အလုပ်သွားရောက်လုပ်ကိုင်ရန် ကုန်ထုတ်လုပ်ငန်းအတွက် ပထမအသုတ် စာမေးပွဲကို အောက်တိုဘာ ၁၅ ရက်တွင် ပြုလုပ်မည်
-
မိုးသည်းထန်စွာ ရွာသွန်းမှုကြောင့် မြစ်သားမြို့နယ်အတွင်းရှိ ရပ်ကွက် ကျေးရွာ ၁၅ ရွာများမှ လူဦးရေ ၁၉၈၄၅ ဦး ရေဘေးသင့်ခဲ့
-
MSME လုပ်ငန်းများ ဖွံ့ဖြိုးတိုးတက်စေရန် နိုင်ငံတော်မှ ငွေကျပ် (၁၅၀) ဘီလီယံ မတည်ပြီး PFI ဘဏ်များမှ တဆင့် ချေးငွေများကို စနစ်တကျ ထုတ်ချေးနိုင်ရေး လုပ်ဆောင်နေ
