ပရီးမီးယားလိဂ်စုံစမ်းစစ်ဆေးရေးအဖွဲ့သည် ဘဏ္ဍာရေးစည်းမျဉ်းချိုးဖောက်ကြောင်း စွပ်စွဲခံထားရသည့် မန်စီးတီးအသင်းကို တနင်္လာနေ့တွင် စတင်ကြားနာစစ်ဆေးသွားမည်ဖြစ်ကြောင်း သိရသည်။
မန်စီးတီးအသင်းသည် ၂၀၀၉-၁၀ ရာသီမှ ၂၀၂၂-၂၃ ရာသီအတွင်း ဘဏ္ဍာရေးစည်းမျဉ်းချိုးဖောက်မှု (၁၁၅)ခု ကျူးလွန်ထားကြောင်း ၂၀၂၃ ခုနှစ် ဖေဖော်ဝါရီလတွင် စတင်စွဲချက်တင်ခံခဲ့ရခြင်းဖြစ်သည်။
မန်စီးတီးအသင်းက ၎င်းတို့ အပြစ်ကင်းကြောင်း တုံ့ပြန်ထားသော်လည်း တနင်္လာနေ့တွင် ကြားနာစစ်ဆေးမှုနှင့် စတင်ရင်ဆိုင်ရမည်ဖြစ်ပြီး အဆိုပါကြားနာစစ်ဆေးမှုမှာ နှစ်လဝန်းကျင် ကြာမြင့်လိမ့်မည်ဟု ကျွမ်းကျင်သူများက ခန့်မှန်းထားသည်။
မန်စီးတီးအသင်းသည် ပြစ်မှုကျူးလွန်ကြောင်း တွေ့ရှိခဲ့ရပါက ကြီးလေးသည့် အမှတ်လျှော့ပြစ်ဒဏ်နှင့် ရင်ဆိုင်ရမည်ဖြစ်သောကြောင့် တန်းဆင်းရသည့်အခြေအနေအထိပင် ရောက်ရှိနိုင်ကြောင်း သုံးသပ်မှုများလည်း ရှိနေသည်။
မန်စီးတီးအသင်းသည် ပရီးမီးယားလိဂ်ချန်ပီယံဆုကို (၄)ရာသီဆက်တိုက် ရရှိထားသည့်အသင်းဖြစ်ပြီး လက်ရှိအချိန်၌ အင်္ဂလန်ဘောလုံးလောကတွင် ပြိုင်ဘက်ကင်းအသင်းအဖြစ် ရပ်တည်နေသည်။
သို့သော် ယခုကဲ့သို့ ၎င်းတို့ အင်အားကြီးထွားလာခဲ့ခြင်းမှာ စည်းမျဉ်းချိုးဖောက်မှုများကြောင့်ဖြစ်ကြောင်း ပြိုင်ဘက်အသင်းပရိ သတ်အချို့၏ စွပ်စွဲမှုများနှင့်လည်း ရင်ဆို်င်နေရသည်။
ယင်းအခြေအနေတွင် လာလီဂါအဖွဲ့ချုပ်ဥက္ကဋ္ဌ တီဘက်စ် မန်စီးတီးအသင်း အရေးယူခံရရန် ပရီးမီးယားလိဂ်ပြိုင်ဘက်အသင်းအများစုက လိုလားနေကြကြောင်း သုံးသပ်ပြောကြားခဲ့သည်။
"ပရီးမီးယားလိဂ်ကလပ်အသင်းများစွာနဲ့ ကျွန်တော် စကားပြောခဲ့တော့ အများစုက စီးတီးအသင်းအနေနဲ့ အရေးယူခံရသင့်တယ်လို့ ယူဆနေကြပါတယ်"ဟု တီဘက်စ်က ပြောကြားခဲ့သည်။
ပရီးမီးယားလိဂ်သည် လိဂ်ပြိုင်ပွဲနှင့် ကလပ်အသင်းများ ရေရှည်တည်မြဲရန်အတွက် ဘဏ္ဍာရေးစည်းမျဉ်းများ ချမှတ်ထားခြင်းဖြစ်ပြီး ချိုးဖောက်သည့်အသင်းများကို အမှတ်လျှော့ပြစ်ဒဏ်များ ချမှတ်လေ့ရှိသည်။
-
ကာမလိမ်လည်မှုဖြင့် တရားစွဲဆိုခံရသည့် သရုပ်ဆောင် ဝေဠုကျော်အား တရားရုံးက ကျပ်သိန်း ၅၀ ခံဝန်ဖြင့် အာမခံပေးခဲ့ပြီး အမှန်အတိုင်း ဆက်လက်ရင်ဆိုင်သွားမည်ဟု ဝေဠုကျော် ပြောကြား
-
ရွှေတိဂုံ စေတီတော်မြတ်ကြီးကို လုံးတော်ပြည့် ရွှေပြားသင်္ကန်းအသစ် ကပ်လှူခြင်း ၇၅ ရာခိုင်နှုန်း ပြီးစီးနေပြီဖြစ်ပြီး ဖေဖော်ဝါရီလကုန်တွင် လုပ်ငန်းပြီးစီးရန် ခန့်မှန်း
-
ဆေးရွက်ကြီး သုံးစွဲမှုကြောင့် ဖြစ်ပွားသည့် ကင်ဆာ၊ နှလုံး၊ သွေးတိုးနှင့် အသက်ရှူလမ်းကြောင်းဆိုင်ရာ ရောဂါများကြောင့် နှစ်စဉ် လူခြောက်သောင်းကျော် သေဆုံးနေ
-
ကိုယ်ဝန်ဆောင် မိခင်နှင့် နှစ်နှစ်ကလေးအထိ နိုင်ငံတော်၏ ငွေကြေးထောက်ပံ့မှု အစီအစဉ် ချင်း၊ ရခိုင်နှင့် နာဂဒေသ၌ စတင်နေပြီး ကယား၊ ကရင်၊ ဧရာဝတီနှင့် ရှမ်းဒေသတို့၌ တိုးချဲ့ဆောင်ရွက်မည်
-
မြောက်ဒဂုံတွင် တက္ကစီတစ်စီး ဘီးပေါက်ကာ ကား(၃)စီး ဆင့်တိုက်မှုဖြစ်ပွားပြီး လူ(၃)ဦး ဒဏ်ရာရ