ရီးယဲလ်အသင်း၏ လာလီဂါပြိုင်ပွဲ၌ ရှုံးပွဲမရှိမှုမှာ တစ်နှစ်ပြည့်တော့မည်ဖြစ်ကြောင်း သိရသည်။
ရီးယဲလ်အသင်းသည် ၂၀၂၃ စက်တင်ဘာ(၂၄)တွင် အက်သလက်တီကိုအသင်းကို (၁-၃)ဂိုးဖြင့် ရှုံးနိမ့်ခဲ့ပြီးနောက်ပိုင်း လာလီဂါတွင် (၃၆)ပွဲဆက်တိုက် ရှုံးပွဲမရှိတော့ခြင်းဖြစ်သည်။
၎င်းတို့အနေဖြင့် ဆိုစီဒက်၊ အက်စ်ပန်ညိုနှင့် အလာဗတ်စ်တို့နှင့် ယှဉ်ပြိုင်ရမည့်ပွဲများတွင် မရှုံးနိမ့်အောင် စွမ်းဆောင်နိုင်ခဲ့ပါက လာလီဂါရှုံးပွဲမရှိမှု တစ်နှစ်ပြည့်မည်ဖြစ်ကြောင်း သိရသည်။
ရီးယဲလ်အသင်းသည် ယခုရာသီတွင် ပြီးခဲ့သည့်ရာသီကကဲ့သို့ ခြေစွမ်းပြနိုင်ရန် ရုန်းကန်နေရပြီး ယခုရာသီ လာလီဂါပွဲစဉ် (၄) အပြီးတွင် (၂) ပွဲနိုင်၊ (၂) ပွဲသရေဖြင့် (၈)မှတ်သာ ရရှိထားပြီး ရာနှုန်းပြည့်အနိုင်ရထားသည့် အမှတ်ပေးဇယားထိပ်ဆုံးမှ ဘာစီလိုနာအသင်း (၁၂ မှတ်)နှင့် (၄) မှတ်အထိ ကွာဟနေသည်။
ထို့ပြင် ပြီးခဲ့သည့်နွေကမှ ရီးယဲလ်အသင်းသို့ ပြောင်းရွှေ့လာခဲ့သည့် ပြင်သစ်တိုက်စစ်မှူး ဘာပေမှာလည်း လာလီဂါ (၄) ပွဲတွင် (၂) ဂိုးသာ သွင်းယူနိုင်သေးသည့်အတွက် ဝေဖန်မှုများနှင့် ရင်ဆိုင်နေရသည်။
-
ကာမလိမ်လည်မှုဖြင့် တရားစွဲဆိုခံရသည့် သရုပ်ဆောင် ဝေဠုကျော်အား တရားရုံးက ကျပ်သိန်း ၅၀ ခံဝန်ဖြင့် အာမခံပေးခဲ့ပြီး အမှန်အတိုင်း ဆက်လက်ရင်ဆိုင်သွားမည်ဟု ဝေဠုကျော် ပြောကြား
-
ရွှေတိဂုံ စေတီတော်မြတ်ကြီးကို လုံးတော်ပြည့် ရွှေပြားသင်္ကန်းအသစ် ကပ်လှူခြင်း ၇၅ ရာခိုင်နှုန်း ပြီးစီးနေပြီဖြစ်ပြီး ဖေဖော်ဝါရီလကုန်တွင် လုပ်ငန်းပြီးစီးရန် ခန့်မှန်း
-
ဆေးရွက်ကြီး သုံးစွဲမှုကြောင့် ဖြစ်ပွားသည့် ကင်ဆာ၊ နှလုံး၊ သွေးတိုးနှင့် အသက်ရှူလမ်းကြောင်းဆိုင်ရာ ရောဂါများကြောင့် နှစ်စဉ် လူခြောက်သောင်းကျော် သေဆုံးနေ
-
ကိုယ်ဝန်ဆောင် မိခင်နှင့် နှစ်နှစ်ကလေးအထိ နိုင်ငံတော်၏ ငွေကြေးထောက်ပံ့မှု အစီအစဉ် ချင်း၊ ရခိုင်နှင့် နာဂဒေသ၌ စတင်နေပြီး ကယား၊ ကရင်၊ ဧရာဝတီနှင့် ရှမ်းဒေသတို့၌ တိုးချဲ့ဆောင်ရွက်မည်
-
မြောက်ဒဂုံတွင် တက္ကစီတစ်စီး ဘီးပေါက်ကာ ကား(၃)စီး ဆင့်တိုက်မှုဖြစ်ပွားပြီး လူ(၃)ဦး ဒဏ်ရာရ