လက်ဘနွန်ဘက်မှ လာသော ဒုံးကျည်များ အစ္စရေးလေပိုင်နက်ထဲသို့ကျရောက်လာ သောကြောင့် အစ္စရေးမြောက်ပိုင်း နယ်စပ် ဒေသရှိ မြို့ကြီးများနှင့် မြို့ငယ်များတွင် အချက်ပေးသံများ ကျယ်လောင်စွာမြည်ခဲ့ သည်ဟု အောက်တိုဘာ ၁၁ ရက်တွင် အစ္စရေး စစ်တပ်က ထုတ်ပြန်ခဲ့သည်။
အကြီးစားတိုက်ခိုက်မှု ဖြစ်လာမည်ကို စိုးရိမ်သောကြောင့်ဘိတ်ရှန်း၊ ဆာဖက်၊ တီဘာရီးယားစသောမြို့ကြီးများတွင်နေ ထိုင်သူများ နောက်ထပ်ကြေညာချက် ထုတ်မထုတ်မချင်း အကာအကွယ်များ အောက်တွင်နေ ထိုင်ကြရန် အစ္စရေးစစ်တပ် ၏ Home front command က မေတ္တာ ရပ်ခံထားသည်။
လက်ဘနွန်နှင့်ထိစပ်နေသော ရက်စ်နာ ကူရာနယ်စပ်ဒသတွင် ဒုံးကျည်ဟုယူဆရ သောအရာကို တွေ့ရကြောင်း အစ္စရေးမီဒီ ယာက ဖော်ပြခဲ့သည်။ လုံခြုံရေးတပ်ဖွဲ့များ က ယင်းဒေသတွင် အမြင့်ဆုံးတပ်လှန့်ထား ပြီး အနီးဝန်းကျင်တွင်ရှာဖွေမှုများကိုလုပ် ဆောင်လျက်ရှိသည်ဟုဆိုသည်။
ထို့အပြင် လက်ဘနွန်ဘက်မှ ထိုးဖောက် စိမ့်ဝင်လာသူများနှင့်ပတ်သက်၍ အစ္စရေးမီ ဒီယာက အသေးစိတ်ဖော်ပြခြင်းမရှိပေ။
ဒုံးကျည်များ အစ္စရေးလေပိုင်နက်ထဲ ကျရောက်လာသည်ဟူသောသတင်းထွက် ပေါ်လာချိန်တွင် အေအက်ဖ်ပီသတင်းအဖွဲ့ သည် ဂါလီလီပင်လယ်၏ ကမ်းခြေတွင် တည် ရှိသော တီဘာရီးယားမြို့ကိုရောက်ရှိနေပြီး ချက်ချင်း အကာအကွယ်များအောက်ကို ပြေးဝင်ခဲ့ရသည်ဟုဆိုသည်။
ဟားမာ့စ်အဖွဲ့ခွဲတစ်ခုဖြစ်သော ezzedine al Qassam တပ်က အစ္စရေး မြောက်ပိုင်းရှိ ကမ်းရိုးတန်းမြို့ကြီးဟိုင်ဖာကို ဒုံးကျည်များဖြင့် ပစ်ခဲ့သည်ဟု ယင်းအဖွဲ့က ပြောကြားသည်။
အစ္စရေးစစ်တပ်က လက်ဘနွန်တောင် ပိုင်းရှိ အဆိုပါအုပ်စု၏ စောင့်ကြည့်ရေးစခန်း များကို တိုက်ခိုက်ခြင်းဖြင့် တုံ့ပြန်ခဲ့သည်ဟု ဆိုသည်။
အစ္စရေးစစ်တပ်က ဂိုလန်ကုန်းမြင့်ကို လက်နက်ကြီးများဖြင့် ပစ်ခဲ့ပြီးနောက် အောက်တိုဘာ ၁၀ ရက်တွင် ဆီးရီးယားရှိစစ် သွေးကြွများနှင့် အစ္စရေးစစ်တပ်တို့ အပြန် အလှန်ပစ်ခတ်ခဲ့သည်ဟု သိရသည်။
Ref: AFP
Photo: AFP
-
ရန်ကုန်တိုင်းဘောလုံးအဖွဲ့ချုပ်ဥက္ကဋ္ဌဖလား အ သက်(၂၀)နှစ်အောက် အမျိုးသားဖိတ်ခေါ်ဘောလုံးပြိုင်ပွဲကျင်းပမည်
-
ဆို၊ က၊ ရေး၊ တီးပြိုင်ပွဲများသည် အမျိုးသားရေးစိတ်ဓာတ်ကို ပိုမိုတက်ကြွအောင်လှုံ့ဆော်ပေးသည့် ကြိုးပမ်းမှုတစ်ရပ်ဖြစ်ဟု နစက ဥက္ကဋ္ဌပြော
-
တနိုင်းမြို့အနီးကို ဗဟိုပြု၍ အင်အားရစ်ချ်တာစကေး ၄ အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ခတ်ခဲ့ပြီး နှစ်ရက်ဆက်တိုက် ငလျင်လှုပ်ခတ်မှုဖြစ်ပွား
-
MAI လေကြောင်းလိုင်း၏ လုပ်သက်ရင့်ဝန်ထမ်းများအား ဂုဏ်ပြုချီးမြှင့်ခြင်းနှင့်ပညာရေး၊ လူထုအကျိုးပြုလုပ်ငန်း နှင့်စပ်လျဉ်းသည့် အစီအစဉ်သစ်များအား မိတ်ဆက်ခြင်းအခမ်းအနားပြုလုပ်
-
မန္တလေးမြို့တွင် ယာဉ်စစ်လုပ်ငန်းဆောင်ရွက်နေသော ယာဉ်ထိန်းအမျိုးသမီး အရာရှိတစ်ဦး ပစ်ခတ်ခံရ