မန္တလေးမြို့၊ ပြည်ကြီးတံခွန်မြို့နယ်၊ (စ)ရပ်ကွက်၊ ၆၂လမ်း၊ ၁၂၄လမ်းနဲ့ ၁၂၅လမ်းကြားတွင် ယာဉ်ထိန်းရဲမေတစ်ဦး အောက်တိုဘာလ ၁၃ ရက် ညနေပိုင်းက ပစ်ခတ်ခံရကြောင်း သိရှိရသည် ။
ဖြစ်စဉ်မှာ ပြည်ကြီးတံခွန်မြို့နယ်၊ (စ)ရပ်ကွက်၊ ၆၂လမ်း၊ ၁၂၄လမ်းနှင့် ၁၂၅လမ်းကြားတွင် ရဲအုပ်သိင်္ဂီဝင်း ဦးစီး(၃+၈)ဦးဆောင်၍ ယာဉ်စစ်လုပ်ငန်းဆောင်ရွက်နေစဉ် အမည်မသိအမျိုးသား(၂)ဦး (CZIဆိုင်ကယ်၊ အရောင်မမှတ်မိ၊ နံပါတ် စိစစ်ဆဲ)ဆိုင်ကယ်ဖြင့် မြောက်မှတောင်သို့ မောင်းနှင်လာစဉ် ဒုရဲအုပ် ဖူပွင့်ဇော် အားသေနတ်အတို(စိစစ်ဆဲ)ဖြင့် ပစ်ခတ်ခဲ့ရာ ဒုရဲအုပ်ဖူးပွင့်ဇော်၏ နောက်ညာဘက်လက်ပြင်မှ ဖောက်ဝင်၍ ရှေ့ရင်ဘက်သို့ဖောက်ထွက်ဒဏ်ရာ ၁ ချက်(စိုးရိမ်ရ)ရရှိပြီး မဆရ(၁)သို့ ပို့ဆောင်ခဲ့ကြောင်း သိရှိရသည် ။
အဆိုပါဖြစ်စဉ်နှင့်ပတ်သက်၍ တရားခံဖမ်းဆီးရမိရေးအတွက် ဆောင်ရွက်လျက်ရှိကြောင်း သတင်းထုတ် ပြန်ထားကြောင်း တွေ့ရှိရသည် ။
မန္တလေးမြို့ပေါ်တွင် ယာဉ်စည်းကမ်း လမ်းစည်းကမ်း စစ်ဆေးဆောင်ရွက်မှုများကို လမ်းဆုံလမ်းခွများ နှင့် မီးပွိုင့်များတွင် ရှောင်တခင်စစ်ဆေးဆောင်ရွက်ခြင်း ၊ စီမံချက်ဖြင့် ဖမ်းဆီးအရေးယူခြင်းများကို နေ့စဉ်ဆောင်ရွက်လျက်ရှိကြောင်း သိရှိသည်။
-
တနိုင်းမြို့အနီးကို ဗဟိုပြု၍ အင်အားရစ်ချ်တာစကေး ၄ အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ခတ်ခဲ့ပြီး နှစ်ရက်ဆက်တိုက် ငလျင်လှုပ်ခတ်မှုဖြစ်ပွား
-
MAI လေကြောင်းလိုင်း၏ လုပ်သက်ရင့်ဝန်ထမ်းများအား ဂုဏ်ပြုချီးမြှင့်ခြင်းနှင့်ပညာရေး၊ လူထုအကျိုးပြုလုပ်ငန်း နှင့်စပ်လျဉ်းသည့် အစီအစဉ်သစ်များအား မိတ်ဆက်ခြင်းအခမ်းအနားပြုလုပ်
-
မန္တလေးမြို့တွင် ယာဉ်စစ်လုပ်ငန်းဆောင်ရွက်နေသော ယာဉ်ထိန်းအမျိုးသမီး အရာရှိတစ်ဦး ပစ်ခတ်ခံရ
-
မြစ်ကြီးနားတွင် နိုင်ငံကူးလက်မှတ် လျှောက်ထားမှု ယနေ့ စတင်လက်ခံ
-
ဘီလူးချောင်း အမှတ်(၁)နှင့် အမှတ်(၂) ရေအားလျှပ်စစ်စက်ရုံအကြား ရေတားတမံအသစ်တည်ဆောက်မှု (၉၀) ရာခိုင်နှုန်းခန့် ပြီးစီး
