ကရင်ပြည်နယ် ကော့ကရိတ်မြို့တောင်ဘက် တစ်မိုင်ခန့်အကွာ ကမိုင်ကုန်းရွာအနီးတွင် ဩဂုတ် ၂၄ ရက် မွန်းလွဲပိုင်းက တပ်မတော်နှင့် ကရင်အမျိုးသားအစည်းအရုံး (KNU) လက်အောက်ခံ KNLA အဖွဲ့တို့ ပစ်ခတ်မှု ဖြစ်ပွားခဲ့ပြီး လက်နက်ကြီးပစ်ခတ်မှုများလည်း ရှိခဲ့ကာ နှစ်ဖက်ထိခိုက်မှုများ ရှိကြောင်းသိရသည်။
ကော့ကရိတ်မြို့တွင်းဗုံးပေါက်ကွဲမှု ဖြစ်ပြီးနောက် တစ်မိုင်ကုန်းအနီး ဗုံးပေါက်ကွဲရာ အရပ်သား နှစ်ဦးသေဆုံးပြီး သုံးဦးဒဏ်ရာရရှိ၍ KNU တောနော်ဆေးရုံသို့ ပို့ဆောင်ခဲ့ကြောင်း သိရသည်။
ထို့နောက် မွန်းလွဲ ၁ နာရီခန့်တွင် အံဖလေးဘက်မှ KNLA ၏ ပစ်ခတ်မှုကြောင့် ကမိုင်ကုန်းဘုန်းကြီးကျောင်းတွင် စခန်းထိုင်နေသော တပ်မတော်ဘက်မှ နှစ်ဦး ထိခိုက်မှုရှိခဲ့ကြောင်း ကော့ကရိတ်မြို့ဒေသခံတစ်ဦးက ပြောသော်လည်း သီးခြားအတည်ပြုချက် မရသေးပေ။
" KNLA ဘက်က စနိုက်ပါနဲ့ပစ်တာ တပ်မတော်သားနှစ်ယောက် ကျသွားတယ်လို့ ကြားသိရတယ်။ ဒါကြောင့် ရွာဘက်ကို ပစ်နေတာ၊ ကမိညင်ကုန်း အံဖကြီး၊ အံဖလေး၊ ကြောင်လျှာကုန်း ရွာသားတွေလည်း လွတ်ရာကို ရှောင်ပြေးနေကြပြီ ဖြစ်ပါတယ်" ဟု ကော့ကရိတ် ဒေသခံတစ်ဦးက ပြောကြားသည်။
ယခင်ရက်လည်း ကော့ကရိတ်မြို့နယ် ကမိုင်ကုန်းကျေးရွာအနီးတွင် တပ်မတော်စစ်ကြောင်းနှင့် ကရင်အမျိုးသားအစည်းရုံး (KNU/KNLA) တို့ကြား ပစ်ခတ်မှု ဖြစ်ပွားခဲ့သည်။
-
ရွှေတိဂုံ စေတီတော်မြတ်ကြီးအား လုံးတော်ပြည့် ရွှေစင်ရွှေပြားသင်္ကန်းတော်များ ကပ်လှူပူဇော်ရန် ရွှေစင်ရွှေပြား ၄၇၃၉ ချပ် အလှူခံရရှိ
-
ပိုးမွှားကင်းရှင်းကြောင်း သတ်မှတ်ချက်များနှင့် ကိုက်ညီသဖြင့် မြန်မာနာနတ်သီး တရုတ်သို့ တင်သွင်းခွင့်ပြုမည်
-
မူဆယ်မြို့ရှိ ဆင်ဖြူဂိတ်တွင် မြန်မာဘက်အခြမ်းသို့ ကုန်ပစ္စည်းများတင်သွင်းခွင့် တရုတ်ဘက်က ခွင့်ပြု
-
မြန်မာနိုင်ငံတွင် ပဋိပက္ခကြောင့် ထိခိုက်ခံစားနေရသည့် ကလေးငယ်များအားပံ့ပိုးကူညီရန် ဒေါ်လာ ၂၀၈ သန်း အရေးပေါ်လိုအပ်နေကြောင်း UNICEF Myanmar ထုတ်ပြန်
-
သန်လျင်မြို့နယ်၊ ကုလားဝဲကျေးရွာ၊ ကုလားဝဲတံတားအဆင်းတွင် ဆီဘောက်ဆာယာဉ် မီးလောင်မှု ဖြစ်ပွား
