တရုတ်ပြည်သူ့လွတ်မြောက်ရေးတပ်မတော်က မြန်မာ့တပ်မတော်သို့ ပေးအပ်လှူဒါန်းသည့် COVID-19 ကာကွယ်ဆေး လေးသိန်းသည် သြဂုတ် ၂၂ ရက်က ရန်ကုန်အပြည်ပြည်ဆိုင်ရာ လေဆိပ်သို့ ရောက်ရှိလာကြောင်း သိရသည်။
အဆိုပါ တရုတ်ပြည်သူ့လွတ်မြောက်ရေးတပ်မတော်နှင့် ပေကျင်းမြို့ရှိ မြန်မာသံရုံး၊ စစ်သံရုံးတို့က လှူဒါန်းသည့် COVID-19 ရောဂါကာကွယ်ဆေးများနှင့် ဆေးဘက်ဆိုင်ရာ အထောက်အကူပြုပစ္စည်းများ တင်ဆောင်လာသည့် Air China လေယာဉ်သည် ပေကျင်းမြို့မှ သြဂုတ် ၂၂ ရက် ည ၆ နာရီခွဲတွင် ရန်ကုန်အပြည်ပြည်ဆိုင်ရာ လေဆိပ်သို့ ရောက်ရှိလာခြင်းဖြစ်ပြီး ယင်းဆေးနှင့် ဆေးပစ္စည်းများကို ဒဂုံမြို့နယ်ရှိ နယ်မြေခံတပ်မတော်ဆေးရုံမှ ဗိုလ်မှူးကြီးဇော်မျိုးဟန်နှင့် ကျန်းမာရေးဝန်ကြီးဌာနမှ တာဝန်ရှိသူများက လက်ခံရယူခဲ့သည်။
ထိုသို့ရောက်ရှိလာသော ဆေးနှင့် ဆေးပစ္စည်းများမှာ တရုတ်ပြည်သူ့လွတ်မြောက်ရေး တပ်မတော်က မြန်မာ့တပ်မတော်သို့ လှူဒါန်းသည့် COVID-19 ရောဂါကာကွယ်ဆေး SARS-CoV-2 Vaccine (Vero Cell) အလုံး ၄၀၀၀၀၀ ၊ ဆေးထိုးအပ် အခု ၄၀၃၂၀၀ ၊ ပေကျင်းမြို့ရှိ မြန်မာစစ်သံ (ကြည်း၊ ရေ၊ လေ) ရုံးက ဆေးဘက်ဆိုင်ရာ အထောက်အကူပြုပစ္စည်းများ ဖြစ်သည့် Oxygen Concentrator ၁၆ လုံး၊ PPE ဝတ်စုံ ၂၄၀ ၊ Mask အခု ၁၀၃၅၀၀ ၊ ပေကျင်းမြို့ရှိ မြန်မာသံရုံးကလှူဒါန်းသည့် Carrimycin ဆေးပြား ၇၂၀၀၀၊ Mask အခု တစ်သိန်းတို့ ဖြစ်ကြောင်း သိရသည်။
တရုတ်နိုင်ငံမှ ရောက်ရှိလာသည့် COVID-19 ရောဂါကာကွယ်ဆေးများနှင့် ဆေးဘက်ဆိုင်ရာ အထောက်အကူပြုပစ္စည်းများအား ရန်ကုန်အပြည်ပြည်ဆိုင်ရာလေဆိပ်မှ ဒဂုံမြို့နယ်ရှိ ဆေးသိုလှောင်ရေးတပ် နှင့် မရမ်းကုန်းမြို့နယ် မင်းဓမ္မလမ်းရှိ ပြည်သူ့ကျန်းမာရေးဦးစီးဌာန၊ ဗဟိုကာကွယ်ဆေးသိုလှောင်ခန်းသို့ ပို့ဆောင်ထားရှိထားကြောင်း သိရသည်။
-
ရွှေတိဂုံ စေတီတော်မြတ်ကြီးအား လုံးတော်ပြည့် ရွှေစင်ရွှေပြားသင်္ကန်းတော်များ ကပ်လှူပူဇော်ရန် ရွှေစင်ရွှေပြား ၄၇၃၉ ချပ် အလှူခံရရှိ
-
ပိုးမွှားကင်းရှင်းကြောင်း သတ်မှတ်ချက်များနှင့် ကိုက်ညီသဖြင့် မြန်မာနာနတ်သီး တရုတ်သို့ တင်သွင်းခွင့်ပြုမည်
-
မူဆယ်မြို့ရှိ ဆင်ဖြူဂိတ်တွင် မြန်မာဘက်အခြမ်းသို့ ကုန်ပစ္စည်းများတင်သွင်းခွင့် တရုတ်ဘက်က ခွင့်ပြု
-
မြန်မာနိုင်ငံတွင် ပဋိပက္ခကြောင့် ထိခိုက်ခံစားနေရသည့် ကလေးငယ်များအားပံ့ပိုးကူညီရန် ဒေါ်လာ ၂၀၈ သန်း အရေးပေါ်လိုအပ်နေကြောင်း UNICEF Myanmar ထုတ်ပြန်
-
သန်လျင်မြို့နယ်၊ ကုလားဝဲကျေးရွာ၊ ကုလားဝဲတံတားအဆင်းတွင် ဆီဘောက်ဆာယာဉ် မီးလောင်မှု ဖြစ်ပွား
