Top News

ယူကရိန်းစစ်ပဋိပက္ခကြောင့် ဆိုနီဂရု(ပ်)ကော်ပိုရေးရှင်းက ၎င်းအပိုင်တေးဂီတ စီးပွားရေးလုပ်ငန်းကို ရုရှားမှ ထွက်ခွာခိုင်းလိုက်ပြီဖြစ်သည်။

“စစ်ကြောင့် ယူကရိန်းမှာ စိတ်မချမ်းမြေ့ဖွယ် လူသားချင်း အကျပ်အတည်းဒုက္ခတွေ ဆက်ဖြစ်နေတဲ့အတွက်ရော၊ ရုရှားအပေါ် ဒဏ်ခတ်ပိတ်ဆို့မှုတွေ တိုးလာတဲ့အတွက်ပါ ရုရှားမှာဆက်ပြီးနေဖို့ မဖြစ်နိုင်တော့လို့ပါ” ဟု Sony Music က ထုတ်ပြန်သည်။

ယူကရိန်းကို ရုရှားက ကျူးကျော်လိုက်ပြီးနောက် ယခုနှစ်အစောပိုင်းကတည်းက ဆိုနီဂီတလုပ်ငန်းများ ရုရှားတွင် ဆိုင်းငံ့ထားသည်။

ဆိုနီက ဂိမ်း၊ ဂီတ၊ ရုပ်ရှင်နှင့် အီလက်ထရွန်နစ်လုပ်ငန်းများ ရုရှားတွင် လည်ပတ်လုပ်ကိုင်နေခြင်းဖြစ်ပြီး ဖေဖော်ဝါရီတွင် ယူကရိန်းကျူးကျော်ခံရပြီးနောက်ပိုင်း ရုရှားရှိ စီးပွားရေးလုပ်ငန်းအားလုံးကို ရပ်ဆိုင်းလိုက်သည်။