နာမည်ကြီး အမေရိကန် YouTuber ဂျိတ်ပေါလ်သည် အမေရိကန် ဟဲဗီးဝိတ်တန်း လက်ဝှေ့သမား ဟာဆင်ရာမန်ဂျူနီယာနှင့် ပြောင်းလဲထိုးသတ်မည်ဖြစ်ကြောင်း သိရသည်။
ဂျိတ်ပေါလ်သည် မူလက သြဂုတ် ၆ ရက်တွင် အမေရိကန်နိုင်ငံ နယူးယောက်မြို့၌ ဗြိတိန်လက်ဝှေ့သမား တွမ်မီဖျူရီနှင့် ထိုးသတ်ရန် စီစဉ်ထားသော်လည်း တွမ်မီမှာ အမေရိကန်သို့ ပြည်ဝင်ခွင့်ငြင်းဆန်ခံရသဖြင့် ယင်းပွဲမှာ ပျက်ပြယ်သွားခြင်းဖြစ်သည်။
၎င်းတို့(၂)ဦးမှာ ပြီးခဲ့သည့် နှစ်ဒီဇင်ဘာလကတည်းက ထိုးသတ်ရန် ပွဲစီစဉ်ခဲ့သော်လည်း တွမ်မီဖျူရီ၏ဒဏ်ရာကြောင့် ပွဲမဖြစ်မြောက်ခဲ့ပေ။
ထို့ကြောင့် ၎င်းနေရာတွင် အစားထိုးရန် ရှာဖွေခဲ့ရာ အမေရိကန် ဟဲဗီးဝိတ်တန်း ဟာဆင်ရာမန်ဂျူနီယာနှင့် ထိုးသတ်ရန်သဘောတူညီမှုရရှိခဲ့ခြင်း ဖြစ်သည်။ ရာမန်ဂျူနီယာသည် ဟဲဗီးဝိတ်တန်းချန်ပီယံဟောင်း ဟာဆင်ရာမန်၏သား ဖြစ်ပြီး ၁၃ ပွဲထိုးသတ်ရာ ၁၂ ပွဲ အနိုင်ရထားသည်။ ဂျိတ်ပေါလ်မှာလည်း ပရော်ဖက်ရှင် နယ်လက်ဝှေ့ပွဲ ငါးပွဲစလုံး အနိုင်ရထားသည်။
-
■ ၂၀၂၆ ကမ္ဘာ့ဖလားခြေစစ်ပွဲ အာရှဇုန် ပွဲစဉ်-၆ ပွဲကြိုသုံးသပ်ချက်
-
ဒဏ်ရာပြဿနာအချို့ရှိသော်လည်း လက်ဘနွန်နှင့်ပွဲ၌ ရလဒ်ကောင်းမည်ဟု ယုံကြည်ကြောင်း ဦးမျိုးလှိုင်ဝင်း ဆို
-
ဟဲဗီးဝိတ်တန်းလက်ဝှေ့သမား ဟာဆင်ရာမန်ဂျူနီယာနှင့် ဂျိတ်ပေါလ် ပြောင်းလဲထိုးသတ်မည်
-
ရုရှားနိုင်ငံ၌ မူးယစ်ဆေးမှုဖြင့် ဖမ်းဆီးခံထားရသည့် အမျိုးသမီးဘတ်စကက်ဘောသမား ဂရီနာ အပြစ်ရှိကြောင်း ဝန်ခံထွက်ဆို
-
စင်ကာပူအိုးပင်း ကြက်တောင်ပြိုင်ပွဲတွင် သက်ထားသူဇာ လက်ရည်စစ်ပွဲအဆင့်မှ စတင်ယှဉ်ပြိုင်ရမည်
