မြန်မာကြက်တောင်အားကစားမယ် သက်ထားသူဇာသည် ဇူလိုင် (၁၂) ရက် မှ (၁၇)ရက်အထိကျင်းပမည့် စင်ကာပူအိုးပင်း ကြက်တောင်ပြိုင်ပွဲတွင် ဝင်ရောက်ယှဉ်ပြိုင်မည်ဖြစ်ကြောင်း သိရသည်။
သက်ထားသူဇာသည် ကမ္ဘာ့ကြက်တောင်အဖွဲ့ချုပ် (BWF) က ပြုလုပ်သည့် ပြိုင်ပွဲများတွင် ပြန်လည်ယှဉ်ပြိုင်လျက်ရှိပြီး မလေးရှားမာစတာ ကြက်တောင်ရိုက် ပြိုင်ပွဲအပြီးတွင် စင်ကာပူအိုးပင်းပြိုင်ပွဲ ထပ်မံယှဉ်ပြိုင်ရန် စီစဉ်ထားခြင်းဖြစ်သည်။
စင်ကာပူအိုးပင်း ကြက်တောင်ပြိုင်ပွဲမှာ BWF က ပြုလုပ်သည့်ပြိုင်ပွဲများအနက် အဆင့်မြင့်သည့်ပြိုင်ပွဲဖြစ်သည့် HSBC BWF World Tour Super 500 အဆင့်ရှိ ပြိုင်ပွဲဖြစ်ပြီး အမျိုးသမီးတစ်ဦးချင်းပြိုင်ပွဲတွင် နောက်ဆုံးအဆင့်၌ (၃၂) ဦး၊ လက်ရည်စစ်ပွဲအဆင့်တွင် (၈)ဦးသာ ယှဉ်ပြိုင်ခွင့်ပြုခြင်းဖြစ်သည်။
နောက်ဆုံး အဆင့်တွင် ယှဉ်ပြိုင်ရမည့် (၃၂)ဦးအနက် (၂၈)ဦး ထွက်ပေါ် ပြီးဖြစ်သောကြောင့် လက်ရည်စစ်ပွဲအဆင့်မှ (၄)ဦးသာ တက်ရောက်ခွင့်ရမည်ဖြစ်သည်။ လက်ရည်စစ်ပွဲ တွင် (၈)ဦး ယှဉ်ပြိုင်မည်ဖြစ်ပြီး အနိုင်ရသူ (၄)ဦး လက်ရည်စစ်ပွဲ အောင်မြင်မည်ဖြစ်သည်။
BWF ၏ ပွဲစဉ်ရေးဆွဲထားမှုအရ သက်ထားသူဇာသည် လက်ရည်စစ်ပွဲတွင် ပြင်သစ်နိုင်ငံသူ ဟိုယော့နှင့် ယှဉ်ပြိုင်ရမည်ဖြစ်သည်။ ဟိုယော့သည် လက်ရှိ ကမ္ဘာ့အဆင့်သတ်မှတ်ချက် (၇၁)ရှိသူဖြစ်ပြီး သက်ထားသူဇာမှာမူ ကမ္ဘာ့အဆင့် (၇၆) နေရာတွင် ရပ်တည်လျက်ရှိသည်။
-
■ ၂၀၂၆ ကမ္ဘာ့ဖလားခြေစစ်ပွဲ အာရှဇုန် ပွဲစဉ်-၆ ပွဲကြိုသုံးသပ်ချက်
-
ဒဏ်ရာပြဿနာအချို့ရှိသော်လည်း လက်ဘနွန်နှင့်ပွဲ၌ ရလဒ်ကောင်းမည်ဟု ယုံကြည်ကြောင်း ဦးမျိုးလှိုင်ဝင်း ဆို
-
ဟဲဗီးဝိတ်တန်းလက်ဝှေ့သမား ဟာဆင်ရာမန်ဂျူနီယာနှင့် ဂျိတ်ပေါလ် ပြောင်းလဲထိုးသတ်မည်
-
ရုရှားနိုင်ငံ၌ မူးယစ်ဆေးမှုဖြင့် ဖမ်းဆီးခံထားရသည့် အမျိုးသမီးဘတ်စကက်ဘောသမား ဂရီနာ အပြစ်ရှိကြောင်း ဝန်ခံထွက်ဆို
-
စင်ကာပူအိုးပင်း ကြက်တောင်ပြိုင်ပွဲတွင် သက်ထားသူဇာ လက်ရည်စစ်ပွဲအဆင့်မှ စတင်ယှဉ်ပြိုင်ရမည်