ယခုနှစ်အတွင်း နာမည်ကျော်တောင် ကိုရီးယားအနုပညာရှင်အချို့ ဟောလိဝုဒ်သို့ ခြေဆန့်ကာ ဇာတ်ကားများ လက်တွဲရိုက်ကူးကြတော့မည်ဖြစ်ပြီး ထိုသို့ရိုက်ကူးကြတော့မည့်အထဲ ကိုရီးယားသရုပ်ဆောင်များအပြင် ကေပေါ့အဆိုတော်များလည်း ပါဝင်လျက်ရှိသည်။
Netflix မှပြသသည့် Squid Game ဇာတ်လမ်းတွဲဖြင့် ကမ္ဘာကျော်သွားခဲ့သည့် မင်းသား Lee Jung Jae က ဘရတ်ပစ်၊ ဂျော့ ကလူနီ၊ တွမ်ဟန့်စ်စသည့် ဟောလိဝုဒ်မင်းသားကြီးများနှင့် လက်တွဲလုပ်ကိုင်နေသည့် American Creative Artists Agency နှင့် စာချုပ်ချုပ်ထားသည်။ အတည်မဖြစ်သေးသည့်သတင်းတစ်ခုက ၎င်းသည် မာဗယ်စတူဒီယိုမှထုတ်လုပ်မည့် ဇာတ်ကားတစ်ကားတွင် ပါဝင်သရုပ်ဆောင်ရန် ဆွေးနွေးထားသည်။
မာဗယ်၏ Captain Marvel နောက်ဆက်တွဲရုပ်ရှင် The Marvels တွင် Park Seo Joon ပါဝင်မည်ဆိုသည့်သတင်းကြောင့် ပရိသတ်များက ၎င်း၏ပွဲဦးထွက်ဟောလိဝုဒ်ရုပ်ရှင်ကို မျှော်တလင့်လင့်ဖြစ်နေကြသည်။ Park သည် တောင်ကိုရီးယားတွင် အချစ်ဇာတ်မြူးရုပ်ရှင်များ၏ဘုရင်အဖြစ် နာမည်ကြီးသည်။
Squid Game ကြောင့် ဟောလိဝုဒ်၏ အာရုံစိုက်မှုကိုခံလားရသည့် Jung Ho Yeon က အမေရိကန်ရုပ်ရှင်ထုတ်လုပ်ရေး A24 မှရိုက်မည့် The Governesses တွင် မော်ဒယ်၊ မင်းသမီး လီလီရို့စ်ဒပ်( ဂျွန်နီဒပ်၏သမီး) နှင့် တွဲဖက်သရုပ်ဆောင်မည်ဖြစ်သည်။ Jung သည် The Weednd ၏ Out Of Time သီချင်းတွင်လည်း ပါဝင်ထားသည်။
ဟောလိဝုဒ်နှင့် စိမ်းသူမဟုတ်သည့် Bae Doona က Netfilx မှထုတ်မည့်၊ အမေရိကန်ဒါရိုက်တာ ဇက်စနိုက်ဒါရိုက်မည့် Rebel Moon ဇာတ်ကားတွင်ပါဝင်မည်ဖြစ်သည်။ စနိုက်ဒါသည် Batman VS Superman ၊ Wonder Woman ဇာတ်ကားများဖြင့် နာမည်ကျော်သည်။
ASTRO အဖွဲ့ဝင် Cha Eunwoo က K-Pop : Lost In America ဆိိုသည့် ဇာတ်မြူးရုပ်ရှင်တွင် ဇာတ်လိုက်နေရာမှကမ်းလှမ်းခံထားရပြီး BLACKPINK အဖွဲ့ဝင် Jennie သည်လည်း HBO မှပြသမည့် The Idol ဇာတ်လမ်းတွဲတွင် အဆိုတော် The Weeknd၊ မင်းသမီး လီလီ ရို့စ်ဒပ်တို့နှင့်အပြိုင် ပါဝင်သရုပ်ဆောင်မည်ဖြစ်သည်။
-
သန်လျင်မြို့နယ်၊ ကုလားဝဲကျေးရွာ၊ ကုလားဝဲတံတားအဆင်းတွင် ဆီဘောက်ဆာယာဉ် မီးလောင်မှု ဖြစ်ပွား
-
မြောက်ဥက္ကလာပမြို့နယ်တွင် ကျပ် မူးယစ်ဆေးပြား ၁၃ သိန်းကျော် ဖမ်းဆီးရမိ
-
တရုတ်စက်ရုံက ရုရှားအတွက် စစ်ဘက်သုံး ဒရုန်းများ ထုတ်လုပ်ပေးနေသည်ဟူသောကိစ္စကို ဂျာမနီဝန်ကြီးချုပ် အိုလက်ဖ်ရှိုးလ်က တရုတ်သမ္မတ ရှီကျင်းပင်နှင့် ဆွေးနွေးမည်
-
ထိုင်းနိုင်ငံရောက် မြန်မာမိဘများက မွေးဖွားသည့် ကလေးများအတွက် မွေးဖွားခြင်း မှတ်ပုံတင်နိုင်ပြီဟု မြန်မာသံရုံး ကြေညာ
-
■ ၂၀၂၆ ကမ္ဘာ့ဖလားခြေစစ်ပွဲ အာရှဇုန် ပွဲစဉ်-၆ ပွဲကြိုသုံးသပ်ချက်
