မတ် ၁၄ ရက်က Disney+ တွင်ထုတ်လွှင့်ပြသလိုက်သည့် တေလာဆွစ်၏ Eras Tour ရုပ်ရှင်ဇာတ်ကားသည် Disney+ ၏ ပရိသတ်ကြည့်ရှုမှုစံချိန်ကို ချိုးသွားသည်အထိ များပြားလွန်းခဲ့သည်။
ဝေါ့ဒစ္စနေကုမ္ပဏီအဆိုအရ ဆွစ်၏ ဖျော်ဖြေပွဲရုပ်ရှင်ကို Disney+ တွင်စပြလိုက်သည့် ရက်ပိုင်းမှာပင် ဝင်ရောက်ကြည့်ရှုမှု ၄ ဒသမ ၆ သန်း ၊ နာရီအားဖြင့် ၁၆ ဒသမ ၂သန်းအထိ ရှိခဲ့ပြီး ယခင်ကပြသခဲ့သည့် အခြားအဆိုတော်များ၏ ရုပ်ရှင်ကားများကိုကျော်ကာ Disney+ ၏ နံပတ်တစ်ဂီတရုပ်ရှင် ဇာတ်ကားဖြစ်လာခဲ့သည်။ ရှေ့တွင်လည်း ဆွစ်က ဇာတ်ကားတစ်ကားထွက်လာပြီး ယခုဇာတ်ကားက ပိုအောင်မြင်သွားသည်။
ဇာတ်ကားကြာချိန်က သုံးနာရီခွဲရှိပြီး Disney+ ပြသမှုတွင် ရုံတင်ပြသစဉ်တုန်းက မပါခဲ့သည့် သီချင်းသစ်ဖျော်ဖြေနေပုံများလည်း ပါလာသည်။ Eras Tour ကို ကမ္ဘာတစ် ဝန်းရုံတင်ပြခဲ့ရာ အမေရိကန်ဒေါ်လာ ၂၆၂ သန်း ရခဲ့သည်။
ဘီလီအိုင်းလစ်ရှ်၏ Happier Than Ever:A Love To Los Angeles ဇာတ်ကား ၊ ၀ါရင့်အဆိုတော်ကြီး အယ်လ်တန်ဂျွန်၏ Elton John: Farewall From Dodger Stadium ဇာတ်ကား ၊ ဘီယွန်းဆေး၏ Black Is King ဇာတ်ကား ၊The Beatles အဖွဲ့၏ The Beatles: Get Back ဇာတ်လမ်းတွဲတို့ကိုလည်း Disney+ က ပြသခဲ့သည်။
သို့သော် ယင်းဇာတ်ကားများထက် ဆွစ်၏ Eras Tour ဂီတဇာတ်ကားက လူကြည့် အများဆုံးဖြစ်လာကာ ၂၀၂၀ ခုနှစ်ကထွက်သည့် ဆွစ်၏ Folklore:The Long Pond Studio Sessions ဇာတ်ကားကိုလည်း ကျော် တက်သွားသည်။
ပြီးခဲ့သည့်ဂရမ်မီဆုပေးပွဲတွင် ဆွစ်က နောက်ဆုံးထွက်ထားသည့် Midnights အယ်လ်ဘမ်ဖြင့် Album of the Year ဆုကို ဆွတ်ခူးခဲ့ပြီး ဂရမ်မီဆုပေးပွဲကျင်းပလာသည့် သမိုင်းတစ်လျှောက် တစ်နှစ်တာအကောင်း ဆုံးတေးအယ်လ်ဘမ်ဆုကို လေးကြိမ်ရသွားသည့် ပထမဆုံးအဆိုတော်ဖြစ်လာသည်။
ထိုပွဲတွင်ဆွစ်က The Tortured Poets Department အမည်ဖြင့် ဧပြီ ၁၉ ရက်တွင် အယ်လ်ဘမ်သစ်ထွက်မည်ဟု ကြေညာခဲ့သည်။ဆွစ်သည် အကောင်းဆုံးအယ်လ်ဘမ် ဆုကို၂၀၁၀ ၊၂၀၁၆ နှင့် ၂၀၂၁ ခုနှစ်များတွင်လည်း ဆွတ်ခူးခဲ့သည်။
-
ဖိလစ်ပိုင်တွင် ဆဋ္ဌမမြောက် တိုင်ဖွန်းမုန်တိုင်း တိုက်ခတ်မှုကြောင့် မြေပြိုမှုများဖြစ်ပွားပြီး လူခုနစ်ဦး သေဆုံး
-
မိမိတို့နိုင်ငံထဲက ပစ်မှတ်များကို တိုက်ခိုက်ရာတွင် အမေရိကန်ပေးသော တာဝေးပစ်ဒုံးကျည်များကိုယူကရိန်း အသုံးပြုမည်ဆိုပါက ထင်သာမြင်သာတုံ့ပြန်မည်ဟု ရုရှား ပြောကြား
-
မြန်မာ့အရေးနှင့်ပတ်သက်ပြီး ကုလလုံခြုံရေးကောင်စီတွင် ယနေ့အစည်းအဝေးပြုလုပ်မည်
-
ဘရိုက်တန်-အဲဗာတန်တွင် ဘရိုက်တန်အသင်းအား ပယ်နယ်တီကန်ခွင့်ပြုခဲ့သည့် VAR ၏ ဆုံးဖြတ်ချက်မှားယွင်းကြောင်း ပရီးမီးယားလိဂ်ပြိုင်ပွဲ ထုတ်ပြန်
-
အသင်းခေါင်းဆောင်ရာထူး ရုပ်သိမ်းခံထားရသည့် ချာကာနှင့် နိုင်ငံတကာပွဲစဉ်အပြီးတွင်ထပ်မံဆွေးနွေးမည်ဖြစ်ပြီး ပြန်ကစားမည့်အချိန်ကို မသိရသေးဟု အူနိုင်းအမ်မရီပြောကြား
