အစ္စရေးနှင့်ဟားမာ့စ်လက်နက်ကိုင်အဖွဲ့တို့ အပစ်အခတ်ရပ်စဲရေးသဘောတူညီမှုယူထားသည့် ဒုတိယမြောက်နေ့တွင် အစ္စရေးဝန်ကြီးချုပ် ဘန်ဂျမင်နေတန်ရာဟုက ဂါဇာကမ်းမြောင်သည် အစ္စရေးအတွက် ခြိမ်းခြောက်မှု ထပ်မဖြစ်စေရဟု ကြုံးဝါးလိုက်သည်။
အနောက်ဘက်ကမ်းဒေသရှိ အစ္စရေးအကျဉ်းထောင်တစ်ခုမှ ပါလက်စတိုင်းအကျဉ်းသား ၉၀ ပြန်လွတ်လာပြီးနောက်၊ ဇန်နဝါရီ ၁၉ ရက်တွင် ဟားမာ့စ်ဘက်ကလည်း အစ္စရေးစားစာခံအမျိုးသမီးသုံးဦးကို ပြန်လွှတ်ပေးလိုက်သည်။
ကာတာ၊ အီဂျစ်နှင့် အမေရိကန်တို့ကြား ဝင်ညှိနှိုင်းပေးမှုဖြင့် အစ္စရေး-ဟားမာ့စ် အပစ်အခတ်ရပ်စဲရေးကို ၄၇ ဦးမြောက်သမ္မတအဖြစ် ဒေါ်နယ်ထရန့် ကျမ်းသစ္စာကျိန်ဆိုမည့်နေ့မတိုင်မီ တစ်ရက်အလို ဇန်နဝါရီ ၁၉ ရက်တွင် စတင်လိုက်သည်။
နောက်တစ်နေ့ ဇန်နဝါရီ ၂၀ ရက်တွင် ဝန်ကြီးချုပ်နေတန်ရာဟုက ဗီဒီယိုတစ်ခုထုတ်ပြန်လိုက်ပြီး ဓားစာခံလွတ်မြောက်ရေးကူညီပေးမှုအတွက် ထရန့်အား ကျေးဇူးတင်ရှိပါကြောင်းနှင့် ကျန်ရှိနေသည့် ဓားစာခံများ ပြန်လွတ်အောင် ဆောင်ရွက်မည်ဖြစ်ကြောင်း ဗီဒီယိုထဲတွင်ပြောဆိုထားသည်။
ဆက်လက်၍နေတန်ရာဟုက အစ္စရေးအတွက် ဂါဇာဒေသသည် ခြိမ်းခြောက်မှုထပ်မဖြစ်လာစေရဟုပါ ကြုံးဝါးပြောဆိုခဲ့သည်။
အပစ်ရပ်သဘောတူညီချက် ပထမအဆင့်က သီတင်းပတ်ခြောက်ပတ်ကြာမည်ဖြစ်ပြီး ထိုအတောအတွင်း နှစ်ဖက်စလုံးက အပြီးတိုင်အပစ်အခတ်ရပ်စဲရေးအတွက် ညှိနှိုင်းကြမည်ဖြစ်သည်။
ပထမအဆင့် ၄၂ ရက်ကြာ အပစ်ခတ်ရပ်စဲရေးကာလအတွင်း ပါလက်စတိုင်း အကျဉ်းသား ၁၉၀၀ နီးပါးကို ဂါဇာတွင်အဖမ်းခံထားရသည့် အစ္စရေးဓားစာခံစုစုပေါင်း ၃၃ ဦးနှင့် အလဲအလှယ်ပြုလုပ်မည်။
နောက်ထပ်အကျဉ်းသား-ဓားစာခံလဲလှယ်မှုကို လာမည့်ဇန်နဝါရီ ၂၅ ရက်တွင်ပြုလုပ်မည်ဟု ဟားမာ့စ်အကြီးပိုင်းအရာရှိတစ်ဦးက AFP သတင်းဌာနကို ပြောသည်။
ပြန်လွတ်လာသည့် ဓားစာခံသုံးဦး၏ မိသားစုများကလည်း ကျန်ဓားစာခံ ၉၁ ဦးစလုံး ပြန်လွတ်မြောက်ရေးအတွက် တောင်းဆိုနေကြသည်။
ကုလသမဂ္ဂကူညီထောက်ပံ့ရေးဆိုင်ရာ အကြီးအကဲတွမ်ဖလက်ချာ အဆိုအရ အပစ်ရပ်စဲရေးစတင်လိုက်ပြီးနောက် နာရီပိုင်းအတွင်း ဂါဇာသို့ ထောက်ပံ့ရေးကုန်ကား အစီး ၆၃၀ ဝင်ရောက်သွားပြီဖြစ်သည်။ ကာတာအဆိုအရ အပစ်ရပ်စဲရေးကာလ ပထမဆုံး ၁၀ ရက်အတွင်း ဂါဇာသို့ လောင်စာဆီ လီတာပေါင်း ၁၂ သန်းခွဲရောက်ရှိရမည်။
ပါလက်စတိုင်းလက်နက်ကိုင်အဖွဲ့ ဟားမာ့စ်ဘက်ကမူ ဂါဇာနှင့်ဂါဇာဒေသခံများပြန်လည်ဦးမော့လာမည်ဟု ကြွေးကြော်ထားသည်။ “စစ်ပွဲကာလ ၄၇၁ ရက်အတွင်း ကျူးကျော်သူတွေက ပြစ်မှုတွေကျကျနန ကျူးလွန် ခဲ့ကြပေမဲ့ ဂါဇာပြည်သူတွေရဲ့မာကျောတဲ့ခုခံလိုစိတ်ကို မဖျောက်ဖျက်ပေးနိုင်ခဲ့ဘူး”ဟု ဟားမာ့စ်အဖွဲ့က ပြောသည်။
ဂါဇာစစ်အတွင်း အစ္စရေး၏တိုက်ခိုက်မှုကြောင့် လူပေါင်း ၄၆၉၁၃ ဦးသေဆုံးထားသည်ဟု ဟားမာ့စ်လက်အောက်ရှိ ကျန်းမာရေးဝန်ကြီးဌာနက ထုတ်ပြန်ကြေညာထားပြီး ၂၀၂၃ ခုနှစ် ၊ နိုဝင်ဘာတွင် အပစ်ခတ်ရပ်စဲရေးအတွင်း အကျဉ်းသား-ဓားစာခံလဲလှယ်မှု ပြုလုပ်ခဲ့သေးသည်။ သို့သော်သက်တမ်း ကာလတိုခဲ့သည်။
Ref: AFP
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
