ကိုရိုနာဗိုင်းရပ်စ်ကို တိုက်ဖျက်ရန်အတွက် ကာကွယ်ဆေး နှစ်မျိုးအား လူသားများနှင့် စမ်းသပ်ရန် တရုတ်အစိုးရက သဘောတူခွင့်ပြုထားကြောင်း အစိုးရမီဒီယာဆင်ဟွာက ဧပြီ ၁၄ တွင်ဖော်ပြခဲ့သည်။
ယင်းကာကွယ်ဆေးနှစ်မျိုးကို China National Pharmaceutical Group (Sinopharm) လက်အောက်ရှိ Wuhan Institute of Biological Products ကုမ္ပဏီနှင့် ပေကျင်းအခြေစိုက် Sinovac Research and Development က ထုတ်လုပ်ခဲ့ခြင်းဖြစ်သည်။
ထိုကာကွယ်ဆေးများသည် လူနှင့် စမ်းသပ်ရန်အတွက် ကမ္ဘာတွင် ပထမဆုံးခွင့်ပြုချက်ရရှိသော ကာကွယ်ဆေးများ ဖြစ်သည်ဟု Global Times က ဖော်ပြခဲ့သည်။
Sinopharm သည် ကနဦးလက်တွေ့စမ်းသပ်မှုအတွက် ဆေး ၅၀,၀၀၀ ထုတ်လုပ်ထားပြီး ထုတ်လုပ်မှု ပုံမှန်ပြန်ဖြစ်ပါက တစ်နှစ်လျှင် ကာကွယ်ဆေး သန်း ၁၀၀ အထိ ထုတ်လုပ်နိုင်မည်ဟု ဆင်ဟွာက ဆိုသည်။
လက်တွေ့စမ်းသပ်မှု၏ ပထမအဆင့်မှာ မတ်လကုန်တွင် ပြီးစီးခဲ့ပြီး ဒုတိယအဆင့်ကို ဧပြီ ၁၂ ရက်တွင် စတင်ခဲ့ကြောင်း သိရသည်။
ကမ္ဘာ့ကျန်းမာရေးအဖွဲ့၏ ထုတ်ပြန်ချက်အရ ၎င်းသည် ဒုတိယအဆင့် လက်တွေ့စမ်းသပ်မှုကို ပြုလုပ်နေသော ကမ္ဘာ့ပထမဆုံး COVID-19 ကာကွယ်ဆေးဖြစ်ကြောင်း သိရသည်။
ကမ္ဘာတစ်ဝန်းမှ သိပ္ပံပညာရှင်များသည် ကိုရိုနာဗိုင်းရပ်စ်ကာကွယ်ဆေးကို အပူတပြင်း ကြိုးပမ်းနေကြသည်။
လာမည့်နှစ်အစောပိုင်းတွင် ကာကွယ်ဆေးကို အစောဆုံးထုတ်လုပ်နိုင်ရန် ဆေးဝါးထုတ်လုပ်ရေးကုမ္ပဏီများက ဆောင်ရွက်နေကြသည်။ ယင်းက ကာကွယ်ဆေးထုတ်လုပ်ရန် အချိန်ကို သိသိသာသာကြီး လျှော့ချနိုင်ခြင်းဖြစ်မည်ဖြစ်သည်။
ပုံမှန်အားဖြင့် ကာကွယ်ဆေးထုတ်လုပ်ရန် ၁၀ နှစ်ကျော် အချိန်ကြာမြင့်တတ်သည်။
ကမ္ဘာတစ်ဝန်းတွင် ကိုရိုနာဗိုင်းရပ်စ်အတွက် ကာကွယ်ဆေး ၇၀ ကို စမ်းသပ်ထုတ်လုပ်နေကြောင်း ကမ္ဘာ့ကျန်းမာရေးအဖွဲ့က ဆိုထားသည်။
ယင်းကာကွယ်ဆေးများအနက် သုံးမျိုးကို လူများနှင့် စမ်းသပ်နေပြီးဖြစ်သည်။
ဟောင်ကောင်အခြေစိုက် CanSino Biologics နှင့် Beijing Institute of Biotechnology တို့ ပူးတွဲထုတ်လုပ်သော ကာကွယ်ဆေးသည် တိုးတက်မှု အလျင်မြန်ဆုံးဖြစ်ပြီး လူသားများတွင် စမ်းသပ်သည့် ဒုတိယအဆင့်ကို ပြီးခဲ့သည့် သီတင်းပတ်က စတင်ခဲ့သည်။
လူများတွင် စမ်းသပ်နေသော နောက်ထပ်ကာကွယ်ဆေး နှစ်မျိုးသည် အမေရိကန်ဆေးကုမ္ပဏီ Moderna နှင့် Inovio Pharmaceuticals တို့၏ ဆေးများဖြစ်သည်ဟု ကမ္ဘာ့ကျန်းမာရေးအဖွဲ့က ဆိုသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
