တကယ်လို့ ရာသီအစကသာ ခရစ္စမတ်မတိုင်ခင် လာလီဂါအမှတ်ပေးဇယားကို ဂျီရိုနာအသင်း ဦးဆောင်လိမ့်မယ်လို့ပြောရင် ဘယ်သူမှ ယုံနိုင်မယ်မထင်ဘူး။ ဘာလို့လဲဆိုတော့ ဂျီရိုနာက ပြီးခဲ့တဲ့ရာသီတွေမှာ တန်းမဆင်းရရေးကိုတောင် အသည်းအသန် ရုန်းကန်ရတဲ့အသင်း ဖြစ်ခဲ့လို့ပါ။ ဒါပေမဲ့ City Football Group က ပိုင်ဆိုင်တဲ့ ဒီအသင်းက မယုံနိုင်စရာ ခြေစွမ်းပြသနေပြီး လာလီဂါကိုဦးဆောင်နေပါတယ်။ လာလီဂါချန်ပီယံဆုအတွက် မဟုတ်ရင်တောင် ချန်ပီယံလိဂ်ဝင်ခွင့်အတွက် သူတို့ ကောင်းကောင်းယှဉ်ပြိုင်နိုင်တဲ့ အနေအထားမျိုး ရောက်လာပါပြီ။ ဂျီရိုနာရဲ့ အလားအလာတွေအကြောင်း နည်းပြ မီချယ်လ်ကို Marca သတင်းစာက အင်တာဗျူး ပြုလုပ်ခဲ့ပါတယ် . . .
တကယ်လို့ ရာသီအစကသာ ခရစ္စမတ်မတိုင်ခင် လာလီဂါအမှတ်ပေးဇယားကို ဂျီရိုနာအသင်း ဦးဆောင်လိမ့်မယ်လို့ပြောရင် ဘယ်သူမှ ယုံနိုင်မယ်မထင်ဘူး။ ဘာလို့လဲဆိုတော့ ဂျီရိုနာက ပြီးခဲ့တဲ့ရာသီတွေမှာ တန်းမဆင်းရရေးကိုတောင် အသည်းအသန် ရုန်းကန်ရတဲ့အသင်း ဖြစ်ခဲ့လို့ပါ။ ဒါပေမဲ့ City Football Group က ပိုင်ဆိုင်တဲ့ ဒီအသင်းက မယုံနိုင်စရာ ခြေစွမ်းပြသနေပြီး လာလီဂါကိုဦးဆောင်နေပါတယ်။ လာလီဂါချန်ပီယံဆုအတွက် မဟုတ်ရင်တောင် ချန်ပီယံလိဂ်ဝင်ခွင့်အတွက် သူတို့ ကောင်းကောင်းယှဉ်ပြိုင်နိုင်တဲ့ အနေအထားမျိုး ရောက်လာပါပြီ။ ဂျီရိုနာရဲ့ အလားအလာတွေအကြောင်း နည်းပြ မီချယ်လ်ကို Marca သတင်းစာက အင်တာဗျူး ပြုလုပ်ခဲ့ပါတယ် . . .
"ဂျီရိုနာက သမိုင်းတစ်ခုကို သေချာပေါက် ဖန်တီးနိုင်မယ့်အသင်းပါ"
ဂျီရိုနာအသင်း နည်းပြ မီချယ်လ်နှင့် တွေ့ဆုံခြင်း (၁)
မေး - ဘာစီလိုနာနဲ့ ပွဲမတိုင်ခင် သတင်းစာရှင်းလင်းပွဲမှာ အနိုင်ရခဲ့ရင် အသင်းက အသွင်အပြင်အသစ်ဆီကို ချဉ်းနင်း ဝင်ရောက်လာလိမ့်မယ်လို့ ခင်ဗျား ပြောခဲ့တယ်နော်။ ကျွန်တော် နားလည်တာကတော့ ခင်ဗျားတို့ အဲဒီအဆင့်ကို ရောက်နေပြီးသားမဟုတ်လား။
ဖြေ - အဲဒီပွဲရလဒ်ရဲ့ အကျိုးသက်ရောက်မှုက အများကြီး ရှိနိုင်လို့ တခြားအရာတွေထက်ပိုပြီး ကျွန်တော် ရည်ညွန်းခဲ့တာပါ။ ဘာစီလိုနာကို သူတို့ကွင်းမှာ အနိုင်ယူပြီးတဲ့နောက် လာမယ့်အပတ်တွေအတွင်း အမှတ်ပေးဇယားကို ဦးဆောင်သူအနေနဲ့ တခြားသက်ရောက်မှုတွေကို ဘယ်လိုကိုင်တွယ်ရမယ်ဆိုတာကို ကျွန်တော်တို့ နားလည်ထားဖို့ လိုပါတယ်။ ကျွန်တော်တို့က (၁၆)ရက်အတွင်းမှာ အလုပ်ကောင်းကောင်း လုပ်နိုင်ခဲ့တဲ့အသင်းပါ။ အသင်းက ဆက်လက် ကြီးထွားနေဦးမယ်ဆိုတဲ့ ခံစားချက်မျိုးရနေတယ်။ ကျွန်တော်တို့ရဲ့ ပန်းတိုင်က ဥရောပပွဲစဉ်တွေ ကစားရဖို့ပါ။
မေး - အခုတော့ ပထမတန်းအဆင့်မှာ ဦးဆောင်သူအသင်းရဲ့ နည်းပြအနေနဲ့ ခင်ဗျား ဒီမှာရှိနေပြီ။ ဒီနေရာကို ဘယ်လိုလာခဲ့ရလဲ။
ဖြေ - ဘောလုံးအပေါ် ရူးသွပ်တဲ့စိတ်ပါပဲ။ ကျွန်တော် ဗယ်လက်ကာနို နည်းပြဘဝတုန်းက ဘယ်အထိ မျှော်မှန်းရမယ်ဆိုတာ မသိခဲ့ဘူး။ ဒါပေမဲ့ စိတ်အားထက်သန်မှု၊ ပြင်းပြတဲ့စိတ်နဲ့ ကိုယ်နှစ်သက်တဲ့အရာကို လုပ်ခဲ့တယ်။ ကျွန်တော် ဒီအရာကို ဘယ်တုန်းကမှ မဆုံးရှုံးခဲ့ဘူး။ ဘောလုံးအပေါ် ရူးသွပ်တဲ့စိတ်၊ ပြင်းပြတဲ့လှုံ့ဆော်မှုနဲ့ စိတ်အားထက်သန်မှုတွေကို ကျွန်တော် ဆက်လက်ထိန်းသိိမ်းထားတုန်းပါ။
မေး - ခင်ဗျားက ဗယ်လက်ကာနိုပရိသတ်အဖြစ် ရှိနေတုန်းပဲလား။
ဖြေ - ဟုတ်ပါတယ်။ ကျွန်တော့်ကိုယ်ထဲမှာ ဗယ်လက်ကာနိုက အမြဲတမ်း ရှိနေပါတယ်။ ကျွန်တော့်ဘဝနဲ့ချီတဲ့ ကလပ်လည်း ဖြစ်ပါတယ်။ ကျွန်တော်က ဗယ်လီကာမှာ ကြီးပြင်းခဲ့ သူဖြစ်တယ်။ ဗယ်လီကာက လာတဲ့သူဖြစ်တဲ့အတွက် အမြဲတမ်း ဒီအသင်းအတွက် ရှိနေပါလိမ့်မယ်။
မေး - လက်ရှိ ဂျီရိုနာအသင်းရဲ့ လျှို့ဝှက်ချက်တွေက ဘာတွေဖြစ်မလဲ။ တစ်နေ့တစ်နေ့ ခင်ဗျားတို့ ဘယ်နှနာရီလောက် အလုပ်လုပ်ကြလဲ။
ဖြေ - နာရီပေါင်းများစွာ အလုပ်လုပ်ကြပါတယ်။ အဲဒါတွေထက် အများကြီး ပိုအရေးကြီးတာက အသင်းလိုက် စုစည်းအားပါ။ ကျွန်တော်တို့ လုပ်အား စိုက်ထုတ်ထားတဲ့ နာရီတွေက အရည်အသွေးမပြည့်ဘူးဆိုရင် ဒီလို ဖြစ်လာနိုင်မှာ မဟုတ်ဘူး။ ကျွန်တော်တို့မှာ ပျော်ပျော်ရွှင်ရွှင် လက်တွဲလုပ်ဆောင်နိုင်တဲ့ ပတ်ဝန်းကျင်ရှိတယ်။ ကစားသမားတွေက ပျော်ရွှင်နေကြတယ်။ ဒါပေမဲ့ လေ့ကျင့်ခန်းအစီအစဉ်တိုင်းမှာလည်း ရာနှုန်းပြည့် ပေးဆပ်ရမယ်ဆိုတာကို သူတို့ နားလည်ထားတယ်။ ပြီးခဲ့တဲ့ (၃)နှစ်အတွင်း အသင်းအတွက် အရေးပါတဲ့ အခြေခံအုတ်မြစ်ကို ကျွန်တော်တို့ စိုက်ပျိုးခဲ့တာပါ။ ဂျီရိုနာရဲ့ အသည်းနှလုံး ကစားသမားတွေဖြစ်တဲ့ စတူအာနီ၊ ဘာနာဒို၊ ဟွမ်ကားလို့စ်၊ ဟွမ်ပီတို့အားလုံးက ဒီအသင်း ဖြတ်သန်းခဲ့ရတဲ့ အခိုက်အတန့်အားလုံးကို ကောင်းစွာသိထားကြသူတွေ ဖြစ်တယ်။ ဒီအချိန်မှာ အသင်းက ကောင်းမွန်တဲ့ အခိုက်အတန့်မှာ ရှိနေပြီ။ ဒီအတွက်လည်း နေ့စဉ်လုပ်ခဲ့တဲ့ အလုပ်တွေကို ကျေးဇူးတင်ရမယ်။ ကျွန်တော်တို့မှာ ဝန်ထမ်းကောင်းတွေ အများကြီးရှိတယ်။ နယ်ပယ်အစုံမှာ ကျွမ်းကျင်တဲ့ပညာရှင်တွေ ရှိတယ်။ အားလုံးက တကယ်တော်တဲ့သူတွေပါ။ အခြေခံအားဖြင့် ဂျီရိုနာအသင်းရဲ့ လျှို့ဝှက်ချက်က လူသားအရင်းအမြစ်ပါပဲ။ ကျွန်တော်တို့အားလုံးက ပိုမိုကောင်းမွန်တဲ့ အနာဂတ်ကိုရောက်ဖို့ အလုပ်လုပ်နေကြတာပါ။ ဒါကပဲ ဂျီရိုနာရဲ့ လျှို့ဝှက်ချက်လို့ ထင်ပါတယ်။
မေး - ခင်ဗျားက အသင်းနဲ့ပတ်သက်တဲ့ အရာအားလုံးမှာ ထိပ်ဆုံးကရှိနေသူလား။ ဒါမှမဟုတ် နည်းပြအဖွဲ့ဝင်တွေကို ရည်ညွှန်းချင်လား။
ဖြေ - ကျွန်တော့် အဝန်းအဝိုင်းမှာတော့ ကျွန်တော်က တောင်းဆိုမှု အရမ်းမြင့်တဲ့သူပါ။ တခြားနေရာတွေမှာတော့ သူတို့ရဲ့ ကိုယ်ပိုင်တောင်းဆိုမှုတွေနဲ့ပါ။ အလွန်မြင့်မားတဲ့ လေ့ကျင့်မှုပုံစံနဲ့ အသင်းက အတူတကွ သွားနေတာဖြစ်တယ်။ ဒီနေရာမှာ ကစားသ မားတွေကသာ အဓိကဇာတ်ဆောင် ဖြစ်ပါတယ်။ ကျွန်တော် သူတို့ကို အားကစားယဉ်ကျေးမှုတွေအကြောင်း ပြောပြတယ်။ သူတို့က သူတို့ နားလည်သလို ယူကြပါတယ်။ တစ်နေ့မှာ (၂၄)နာရီရှိတာ ဖြစ်တဲ့အတွက် ကျန်တာက သူတို့ ကိုယ်တိုင်လုပ်ရမှာပါ။ ကျွန်တော်က သူတို့နဲ့ တစ်နေ့ကို (၆) နာရီလောက်ပဲ အတူရှိနေနိုင်တာပါ။ ကျန်တဲ့ (၁၈) နာရီမှာ သူတို့ ကိုယ့်ကိုယ်ကို ဂရုစိုက်မှရမယ်။ ဘာလုပ်ရမယ်ဆိုတာ သူတို့ သိပါတယ်။
မေး - ခင်ဗျားပြောတဲ့အထဲမှာ စိတ်ပညာနဲ့ စိတ်ကျန်းမာရေးအကြောင်းတွေ အများကြီးပါမှာပေါ့။
ဖြေ - မှန်ပါတယ်။ ကျွန်တော် ခင်ဗျားကို ဘောလုံးကစားရတဲ့ ပျော်ရွှင်မှုအကြောင်း ပြောနေပေမဲ့ အားစို်က်ထုတ်မှု၊ စိတ်ပိုင်းဖြတ်မှုနဲ့ နေ့စဉ်ဆက်တိုက် တိုးတက်နေဖို့ နှိမ့်ချမှုတွေအကြောင်းလည်း ပြောသွားမှာပါ။ ကျွန်တော်တို့အသင်းက အသွင်သဏ္ဍန်အ သစ်တစ်ခုထဲကို ချဉ်းနင်းဝင်ရောက်နေတဲ့ အသင်းဖြစ်ပါတယ်။ ဒီအခြေအနေကို ဘယ်လိုကိုင်တွယ်ရမလဲ ကျွန်တော်တို့ သိပါတယ်။ ကျွန်တော်တို့မှာ ကောင်းမွန်တဲ့ စိတ်ကျန်းမာရေးအခြေအနေ၊ အလုပ်ကြိုးစားမှုနဲ့ ကိုယ့်ကိုယ်ကို နှိမ့်ချမှုတွေရှိနေတာ သေချာပါတယ်။ ဒီပုံစံအတိုင်းဆို ဂျီရိုနာက သမိုင်းတစ်ခုကို သေချာပေါက်ဖန်တီးနိုင်မယ့်အသင်း ဖြစ်လာမှာပါ။
မေး - ခင်ဗျားတစ်ယောက်တည်းအတွက်ရော ဘယ်လိုလဲ။ လက်ရှိ မတူကွဲပြားတဲ့ အခြေအနေမှာ ခင်ဗျားရဲ့ စိတ်ကျန်းမာရေး သန်မာနေရဲ့လား။
ဖြေ - ဟုတ်ကဲ့။ ကျွန်တော့်မှာ ကိရိယာ၊ တန်ဆာပလာတွေ ရှိပါတယ်။ ကျွန်တော် အင်တာဗျူးတွေ အများကြီး လုပ်ခဲ့ဖူးပြီး အဲဒါက တော်တော်လေး ပင်ပန်းပါတယ်။ ဘယ်လို ရပ်တန့်ရမယ်၊ အဆက်ဖြတ်ရမယ်ဆိုတာကို သိထားဖို့လိုတယ်။ အလုပ်ကောင်းကောင်း လုပ်ဖို့ စိတ်ပိုင်းဆိုင်ရာ ကိရိယာတွေ ရှိပါတယ်။ ကျွန်တော်လည်း အရင်ကထက် အများကြီး ပိုရင့်ကျက်လာပါပြီ။ ဒါကြောင့် အေးအေးဆေးဆေးနဲ့ သဘာဝကျကျပဲ ဆက်လုပ်သွားပါမယ်။
မေး - စိတ်ပိုင်းဆိုင်ရာ ရင့်ကျက်မှုက ကောင်းမွန်စွာ ပေါင်းစည်းနိုင်ဖို့၊ တည်ငြိမ်မှုရစေဖို့ အကူအညီဖြစ်စေမှာပေါ့။ ဒါကို ကတ်တလန်မှာ သင်ယူခဲ့တာလား။
ဖြေ - ဒီနေရာက ကျွန်တော့်အတွက် အိမ်လို ခံစားချက်ရစေတဲ့အတွက် အများကြီး အကူအညီ ဖြစ်ပါတယ်။ အထူးသဖြင့် ကျွန်တော် လျင်မြန်စွာ ပေါင်းစည်းနိုင်ခဲ့ပြီး ကတ်တလန် အဖွဲ့အစည်းရဲ့ အစိတ်အပိုင်းတစ်ခု ဖြစ်လာခဲ့ပါတယ်။ ဒီအချက်က ရောက်တဲ့နေရာမှာ သက်သောင့်သက်သာဖြစ်စေဖို့နဲ့ ပျော်ရွှင်နေဖို့အတွက် အရေးပါတဲ့အချက်ပါပဲ။
မေး - ဗယ်လက်ကာနိုတုန်းက ခင်ဗျားရဲ့ အဆိုးဆုံးအချိန်တွေကို သတိရမိတယ်။ အဲဒီတုန်းက ပရိသတ်တွေက "မီချယ်လ်..ခင်ဗျားနဲ့ဆို ဒီလိုချည်းပဲ" လို့တောင် သီချင်းဆိုခဲ့ကြတယ်နော်။ ဒါပေမဲ့ ဘာစီလိုနာကို အနိုင်ရပြီးချိန်မှာတော့ ခင်ဗျားဆီက စိတ်လှုပ်ရှားဖွယ် အောင်ပွဲခံပုံကို မြင်ခဲ့ရတယ်။ ခြားနားတဲ့ မြင်ကွင်းပဲ။
ဖြေ - ဘောလုံးဆိုတာ ရူးသွပ်စရာ အားကစားနည်းပါ။ လူတွေဆီကို ခင်ဗျားပို့ ဆောင်လိုက်တဲ့အရာမှာ စိတ်ခံစားချက်တွေပါဝင်နေရမယ်။ ကစားသမားတွေက ကောင်းကောင်းကစားနိုင်သလို ဆိုးရွားတဲ့ အချိန်တွေလည်းရှိမှာပဲလို့ ကျွန်တော် အမြဲပြောဖူးတယ်။ ဒါပေမဲ့ ပရိသတ်တွေဆီကိုတော့ စိတ်ဝိညာဉ်နဲ့ ကတိကဝတ်ကို အမြဲတမ်းပေးပို့နိုင်ရမယ်။ ကွင်းထဲမှာ အဲဒီဝိညာဉ်ကို မမြင်ရဘူးဆိုရင် တစ်ခုခုတော့ မှားနေပြီ။ ဘောလုံးက စိတ်အားထက်သန်မှုနဲ့ ခံစားချက်တွေ ပေါင်းဖွဲ့ထားတာပါ။ အသင်းရဲ့ စွမ်းဆောင်ရည်ကြောင့် လူတစ်ယောက်က ပျော်တာလည်း ဖြစ်နိုင်တယ်၊ ဝမ်းနည်းတာလည်း ဖြစ်နိုင်တယ်။ ဒါကို ကျွန်တော်တို့ စိတ်ထဲမှာ စွဲမြဲနေရမယ်။
ဆက်လက်ဖော်ပြပါမည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
